Pengkitanna Yahya 15:2 - Alkitab Duri

² Mangkai joo too ngkita omo' sali maluah susi cammin sirau api, naden tau ke'deh jio randanna. Ia tuu lako tau mangka ntaloi to olok-olok to digaragan tau-taunna to den nomoro' mpamanassai to sanganna. Ia joo topatalo ntoe cu'bekan-Na Puang Allataala,

Pengkitanna Yahya 15:2 ပူးပေါင်းရင်းမြစ်များ

Matius 3:11

Kujio' kamu' wai, nasaba' mengkatoba'mo kamu' jio mai dosami. Apa den tau la ratu ke mangkana' la njio' kamu' Roh Allataala na den too kamu' dijio' api pangcalla. La'bih makuasa Ia na aku'. Moi mbawa sapatun-Na te'da too kusipato'.

1 Petrus 1:7

Na ia joo kamaparrisan miperasai la menjaji butti kumua matappa' tongan kamu' lako Puang Isa Almaseh. Ia to bulawan disa'poi anna diissen kumua massangraka bulawan iarika tangngia. Susimi joo nadiparessa too to kamatapparanmi. Na ia joo kamatapparanmi la'bih keangga' na ia to bulawan la lanynya'. Na ia ke mangkamo kamu' diparessa, la napuji, la napamatande sola la napakala'bih kamu' Puang Allataala, ke ratu pole'mi Puang Isa Almaseh.

1 Petrus 4:12

Ee, tomala'bihku' to kupakamoja'! Liwa' kamu' maparri' tee too, sanga diujii to kamatapparanmi anna dikita kumua mattongan-tonganra kamu'ka matappa'. Apa danggi' mipujangngahhi susi kumua den apa makalaen-laen rratui kamu'.

Pengkitanna Yahya 12:11

Mangkami nataloi padanta' tomatappa' mpake rara-Na Anak Bembala' ba'tu rara-Na Puang Isa na Kareba Kasalamatan to mangkamo napangpeissenan. Te'da najampangngi sunga'na moi na la mpumatei.

Pengkitanna Yahya 13:1

Ngkita omo' mesa' olok-olok endek jiong mai tasik, ketanduk sangpulo na pitu ulunna. Ia to tandukkuna pada mpake mahkota. Na ia to ulunna pada den sanga diuki' jio to ncapa' Puang Allataala.

Pengkitanna Yahya 13:17

Moi mesa' tau te'da nadieloran mangngalli ba'tu mangbaluk apa-apa bangmo, ke te'dai naampui joo tanda. Iamo joo sanganna joo olok-olok bungahna ba'tu nomoro' to mpamanassai joo sanga.

Pengkitanna Yahya 21:18

Ia to bentengna intan digaraga, na ia to kotana bulawan matasak malinnong susi kaca.

Pengkitanna Yahya 4:6

Den too sali maluah susi cammin malinnong sangrupa kristal jio olona joo cadokkoan mala'bih lan tangnga. Ia to mengguririkkina joo cadokkoan mala'bih den a'pa' olok-olok buda matanna la jio olona, la jio boko'na.

Pengkitanna Yahya 5:8

Ia tonna alami, ia to a'pa' olok-olok sola to duang pulo a'pa' tomatua-tua suju' ratu do' litak jio olona joo Anak Bembala'. Pada sitoe cu'bekan sola mangko' bulawan nanii dupa. Ia joo dupa, iamo passambajangna umma'-Na Puang Allataala.