Pengkitanna Yahya 15:1 - Alkitab Duri

¹ Ngkita pole' omo' mesa' tanda jao langi' mejangngaran te'da susinna. Den pitu malaeka' nnampui pitu cappa' pangsessa. Cappa'nami to Puang Allataala mabirih.

Pengkitanna Yahya 15:1 ပူးပေါင်းရင်းမြစ်များ

Daniel 6:27

Kupangparentan lako sininna tau to torro lan kaparentanku' anna taratte'i to Allataala to tuo te'da anggena to nasompa Daniel. Ia to karajaan-Na te'da na la lanynya' na ia to kamangparentan-Na te'da anggena.

Pengkitanna Yahya 10:3

Anna metamba susi gamara singa mangngaung-ngaung. Ia tonna mangkamo metamba, gumarugumi to pitu galugu mpebalii.

Pengkitanna Yahya 11:14

Mangkami to pangsessa mangpenduan. Apa pesa'dingngii, ia to pangsessa mangpentallun cingga'tu'mora najaji.

Pengkitanna Yahya 14:10

la nniso' anggoro' kamabirisan-Na Puang to mangkamo diballuan tama isotan kamabirisan-Na to tangdirau wai moi ci'di'. Battuananna la disessa joo tau lan api manglanya-lanya jio olona Anak Bembala' sola malaeka'-Na Puang.

Pengkitanna Yahya 14:19

Napassaetanmi to sae'na do' lino, nasae'i to anggoro' jio mai batangna, namane' mpenca'beanni tama kalo'bong matonggo to dinii llese anggoro'. Ia tee dipasangrapangngi birih-Na Puang Allataala.

Pengkitanna Yahya 16:1

Ssa'ding pole' omo' gamara matonggo lan mai Bola Puang Allataala ngkuanni joo pitu malaeka' nakua, “Male kamu' miballuanni issinna to pitu isotan kamabirisan-Na Puang Allataala tama lino.”

Pengkitanna Yahya 17:1

Mangkai joo too ratumi mesa' jio mai to pitu malaeka' ntoe pitu isotan bulawan ngkuanna' nakua, “Maleko mai kupakitanko carana joo baine bandarang masarru' disessa. Iamo to kota matonggo jio randan sa'dan.

Pengkitanna Yahya 19:15

Den pa'dang liwa' taran messun lan mai anga'na, na iamo napake la ntaloi sininna bangsa. Naparentai mpake tekken bassi, nalese tooi to anggoro' lan panglulluran anggoro' kamabirisan-Na Puang Allataala, battuananna mpangpekitanni kamabirisan-Na.

Pengkitanna Yahya 21:9

Mangkai joo too ratumi mesa' jio mai to pitu malaeka' ntoe isotan bulawan ponno cappa' pangsessa ngkuanna' nakua, “Maleko mai, kupakitanko tobotting baine-Na Anak Bembala'.”

Pengkitanna Yahya 8:13

Angkukita omi naden langkan tedong mentia' liwa' majao metamba-tamba nakua, “Cilaka, cilaka, cilakai to tau ntorroi lino, nasaba' tallupa tarompe' la dipannoni.”

Pengkitanna Yahya 8:2

Angkukita pitu malaeka' ke'deh jio olo-Na Puang Allataala nadiben pitu tarompe'.

Pengkitanna Yahya 8:6

Mangkai joo too ia to pitu malaeka' ntoe tarompe', sadiamo la mangpannoni.

Pengkitanna Yahya 9:20

Ia tuu lako tau laen to mangkamo disessa apa te'da namate, te'da natorroii ssompa dewata to nagaraga susi tau-tau jio mai bulawan, salaka, tambaga, batu na kaju. Apa ia joo tau-tau mamang, te'da napakita ba'tu lumingka.