Pengkitanna Yahya 14:2 - Alkitab Duri

² Angkusa'ding gamara jao mai suruga susi oni wai mentalanda gaja buda sola susi oni galugu gumaluguh liwa' tonggo. Ia joo gamara kusa'ding susi too oni mossi' napannoni tomangcu'bikan.

Pengkitanna Yahya 14:2 ပူးပေါင်းရင်းမြစ်များ

1 Korintus 13:1

Moi angkumacca mangkada mpake mangrupa-rupa basa tolino sola basa malaeka', apa ia ke te'da kupakamoja' padangku' rupa tau, ia to apa kupau te'da bua'na, susi bangri to darong lo'bang nnoni.

Pengkitanna Yahya 1:10

Ia tonna allo Aha', nakuasaina' Roh Allataala angkusa'ding gamara jio boko'ku' liwa' tonggo, susi oni tarompe'.

Pengkitanna Yahya 1:15

Ia to aje-Na cumbia'-bia' susi tambaga disa'po na gamaran-Na nnongngoh susi wai sarambu gaja tonggo.

Pengkitanna Yahya 11:12

Namane' ssa'ding gamara tonggo jao mai suruga ntambaii nakua, “Endekko mai ntee!” Nakita tuu lako ewalinna naendek de' suruga naputu' saleu'.

Pengkitanna Yahya 11:15

Mangkai joo too ia to malaeka' mangpempitu mpannoni tarompe'na, naden gamara liwa' tonggo disa'ding jao suruga nakua, “Mammula tee too ia to lino menjajimi kadatuan-Na Puangta' Puang Allataala sola Raja Mangpasalama' to mangkamo napilei la mangparenta te'da cappa'na.”

Pengkitanna Yahya 15:2

Mangkai joo too ngkita omo' sali maluah susi cammin sirau api, naden tau ke'deh jio randanna. Ia tuu lako tau mangka ntaloi to olok-olok to digaragan tau-taunna to den nomoro' mpamanassai to sanganna. Ia joo topatalo ntoe cu'bekan-Na Puang Allataala,

Pengkitanna Yahya 18:22

Te'da lalomo nadisa'ding lan to pangcu'bikan na pakkelong, passuling sola pangtarompe'. Te'da toomo la diampa' to tomacca lan, na te'damo disa'ding to oni issong torumido.

Pengkitanna Yahya 5:8

Ia tonna alami, ia to a'pa' olok-olok sola to duang pulo a'pa' tomatua-tua suju' ratu do' litak jio olona joo Anak Bembala'. Pada sitoe cu'bekan sola mangko' bulawan nanii dupa. Ia joo dupa, iamo passambajangna umma'-Na Puang Allataala.

Pengkitanna Yahya 6:1

Mangkai joo too kukitami to Anak Bembala' mpiakki to segel bungahna, kusa'dingngi joo olok-olok bungahna metamba susi oni galugu nakua, “Maleko mai!”

Pengkitanna Yahya 8:7

Ia to malaeka' bungahna mpannoni tarompe'na, nata'pa uran batu sola api sirau rara liwa' rambak. Sangtawa tallunna cappu' nakande api to lino sola garonto' kaju, na ia to reu cappu' ngasan.