Pengkitanna Yahya 13:6 - Alkitab Duri

⁶ anna pamulai ncapa'i to Puang Allataala, susinna sangan-Na, bola-Na jao suruga na sininna to tomari'pih jao.

Pengkitanna Yahya 13:6 ပူးပေါင်းရင်းမြစ်များ

Daniel 11:36

Napugauk bang raja karajaan jajanna liu to apa nakadoangngi. Namenjaji matampo, nnangga' kalena la'bih mala'bih na ia to sininna dewata. La'bih-la'bih liwa' ncapa' Allataala to makuasa. La jaji ngasan susi to nakadoangngi arannai naperasai to kamabirisan-Na Puang Allataala. Nasaba' ia to mangka Napattantu Puang Allataala nang la jaji.

Daniel 7:25

La mpaui kada to nnewa Allataala Tomala'bih, nasessa tooi to umma'-Na. La mpengkulle-kullei ssullei atoran sola wattu pangmaroasan to mangka Napattantu Allataala, naparentai to umma'-Na Allataala tallung taun sitangnga.

Daniel 7:8

Ia tongkukita unapi to tandukkuna, tuo omi mesa' to tanduk biccu' jio paralla'na, na tirebu'i to tallu tanduk jolona anna sipolloran. Na ia joo tanduk mane' tuo kemata susi mata tau na ia to timunna mpau kada matampo.

Matius 12:34

Togaja' kamu'! Umbora la mikua mpau melona ke gaja'i to penawammi? Nasaba' apa lan penawanna tau, iamo napau timu.

Matius 15:19

Nasaba' pole lan mai penawa to nanii pangtangngaran gaja' na mpalao sala tau susinna: mangbuno, manggauk sala, ncarepai tananan dapohna tau, boko, sa'bi tangtongan, na mpau gaja' tau.

Yahya 1:14

Ia joo Kada mentolinomi namari'pihmi lan tangnga-tangngata'. Takitamo to kamala'biran-Na, to natarima jio mai Ambe' sanga Ia Anak tungga'-Na. Iamo joo Anak mpamanassa tonganni to Puang Allataala sola pangpakamoja'-Na.

Roma 3:13

Ia to kadanna mbuno tau, lan mai anga'na lolong bang to pangnguraga. Ia to kasolena tiburah-burah bang mpau sala tau susi ipoh ulah.

Kolose 1:19

Napuelohhi Puang Allataala kumua sininna to apa den jio kalena, den toda jio Anak.

Kolose 2:9

La mikanassai kumua, sininna to apa den jio Puang Allataala, den toda jio Almaseh,

Ibrani 9:2

Ia joo tenda passompan disapa'i. Ia to ngenan jio olo disanga Ngenan Macero. Den ngenan palita jio, na den too meja dipanii roti to dipassompan lako Puang Allataala.

Ibrani 9:24

Na ia to Almaseh te'da namentama tenda passompan panggaraga tolino to bajo-bajona Tenda-Na Puang Allataala jao suruga. Apa mentamai suruga namangngolo lako Puang Allataala. Jaoi tee too la mpangkadananki'.

Pengkitanna Yahya 11:12

Namane' ssa'ding gamara tonggo jao mai suruga ntambaii nakua, “Endekko mai ntee!” Nakita tuu lako ewalinna naendek de' suruga naputu' saleu'.

Pengkitanna Yahya 12:12

Iamo joo tamangmaroah-roahmo antaparannu-rannu to kita' mari'pihmo inde' suruga. Apa maparri'mo kamu' totorro lan lino, nasaba' mellaomi mati' to Ballisi', liwa' birih, sanga naissenni kumua ci'di'mora to wattunna.”

Pengkitanna Yahya 15:5

Mangkai joo too ngkita omo' pelalan Bola ba'tu Tenda-Na Puang Allataala titimbak jao suruga.

Pengkitanna Yahya 18:20

Ee, kamu' jao suruga, parannu kamu' to karo'pokanna kota Babel! Ee, umma'-Na, rasulu'-Na, na nabin-Na Puang Allataala, mario parannumo kamu', sanga nabicaramo Puang na napabalahhimi to kedo gaja' mangka nagaukan kamu' tuu mati' tau!”

Pengkitanna Yahya 21:3

Angkusa'ding gamara jio mai cadokkoan mala'bih metamba nakua, “Ia to nanii mari'pih Puang Allataala lanmi tangnga-tangngana tolino. Ia to Puang Allataala torro solami tolino na ia to tolino menjaji umma'-Na, na Puang Allataala menjaji Puangna.

Pengkitanna Yahya 4:1

Mangkai joo too ngkita omo' mesa' pengkita. Ngkitana' mesa' pelalan titimbak jao suruga. Kumane' sa'ding pole' gamara susi oni tarompe' to mangka sipangkada-kadanna'. Ia joo gamara nakua, “Endekko mai ntee. La kupakitanko to apa la jaji dau.”

Pengkitanna Yahya 4:4

Na ia to mengguririkkina joo cadokkoan mala'bih, denpa duang pulo a'pa' cadokkoan laen, nanii cumadokko duang pulo a'pa' tomatua-tua mangpakean mabusa na mpake mahkota bulawan.

Pengkitanna Yahya 5:13

Ta'pa kusa'ding omi to sininna apa napaden Puang Allataala la jao suruga, la lan lino, la jiong lino tomate, la lan tasik, na makkelong ngasan nakua, “Ia to tocumadokko jao cadokkoan mala'bih lan tangnga na ia to Anak Bembala' dipuji, dikasiri', dipakala'bih, namakuasa te'da cappa'na.”

Pengkitanna Yahya 7:15

Iamo joo nake'deh jio olo cadokkoan mala'bih-Na Puang Allataala nasompai allo-bongi lan Bola Puang Allataala. Na ia to tocumadokko jao, la torroi sola naampaii.

Pengkitanna Yahya 7:9

Mangkai joo too ngkita omo' tau liwa' buda, tangdipura dibilang. Ia tuu lako tau pole jio mai simesa'-mesa' rapu tau, tondok, basa na bangsa. Mangpakean malando mabusa ngasan na ntoe palapa palem, mennolo lako Anak Bembala' sola cadokkoan mala'bih lan tangnga.