Pengkitanna Yahya 13:2 - Alkitab Duri

² Ia joo olok-olok kukita susi macang tutul, ia to ajena susi aje beruang na kasongona susi kasongo singa. Kamawatanganna naga sola cadokkoan mala'bihna na kuasanna to liwa' tonggo nabenni joo olok-olok.

Pengkitanna Yahya 13:2 ပူးပေါင်းရင်းမြစ်များ

Kada Bulawan 17:12

La'biranmo to sitammu asu lampung ta'de anakkana, na ia to sitammu tobattuk mangpanggaukan bango'.

Kada Bulawan 28:15

Ia ke togaja' mparenta tokaasi-asi, susii singa mberreng, ba'tu asu lampung meatta.

Amos 3:12

Ia to to-Israel to torro jio Samaria ci'di'mora la salama', susimira bembala' mangka natame-tame singa, to duamora ajena ba'tu sangle'tomora talinganna naampa' tomangrewana, ba'tu susi bola ro'pok to nanii cadokkoan ba'tu katindoan sisangle'tomora ajena.”

Amos 5:19

Susi to tompessalai singa, apa kannori sitammu beruang. Ba'tu susi to topole lako bola, sissare lako rinding mpasau bo'jo'na, apa kannori natitto ulah.

2 Timotius 4:17

Apa naampaimo' Puang, naben toomo' kapakullean, angkuwa'ding mmangkai jamanku' mpangpeissenan Kareba Kasalamatan lako sininna bangsa tangngia to-Yahudi inde', napasalama'na' Puang jio mai kamatean.

1 Petrus 5:8

La sadia kamu', ammimajaga! Nasaba' ia to ewalimmi Ballisi' susi bang singa lumingka male lako male jio mai, namangngaung-ngaung nnangahhi to la nakandena.

Pengkitanna Yahya 12:13

Ia tonna issenmi joo naga ba'tu Ballisi' kumua mangkami dipenca'bean tama lino, naula'imi joo baine mangka njajian pea muane.

Pengkitanna Yahya 12:15

Ia joo ulah mpemburasan wai liwa' buda lako boko'na joo baine namenjaji susi sa'dan dikua nabawai wai joo baine.

Pengkitanna Yahya 12:9

nadipenca'bean tama lino sola sininna malaeka'na. Ia to naga, iamo to ulah tua disanga Ballisi' ba'tu puanggawana setang to mpalao sala sininna tau lan lino.

Pengkitanna Yahya 13:12

Ia joo olok-olok mpake sininna kuasanna joo bungah olok-olok mangka kojong mandalan apa molemi. Sininna to tau lan lino naparuku ngasan ssompai joo olok-olok bungahna.

Pengkitanna Yahya 13:4

Nasompai tolino joo naga, nasaba' mangkamo mbenni kuasa joo olok-olok, nasompa tooi joo olok-olok. Mangkadai nakua, “Te'da apa nasusian tee olok-olok. Te'da too to ngkullei rrarii.”

Pengkitanna Yahya 16:10

Ia to malaeka' mangpellima mballuan issi isotanna lako cadokkoan mala'bihna joo olok-olok, namemmapattang sininna kadatuanna, na ia to tau ngkengke lilana, sanga mapa'dikki.

Pengkitanna Yahya 17:12

Ia joo sangpulo tanduk mukita, iamo sangpulo raja to te'dapa napamulai mangparenta. Apa la dipakuasai mangparenta sangjang sola joo olok-olok.

Pengkitanna Yahya 19:20

Apa ditalomi anna dijokko joo olok-olok sola nabi tangtongan, namane' dipembuangan tuo tama api colo' manglanya-lanya. (Ia to nabi tangtongan iamo to mangka mpugauk tanda makalaen-laen jio olona joo olok-olok. Ia joo tanda napake joo olok-olok mpalao sala tau to den tandana joo olok-olok jio kalena na ssompa tooi joo tau-taunna.)

Pengkitanna Yahya 2:13

Kuissen to minii mari'pih, iamo to nanii mangparenta Ballisi'. Matappa' tonganmo kamu' lako Aku'. Susinna tonna dibuno tomatappa'-Ku' Antipas jio olomi to nanii Ballisi' torro, anna te'da mipessakkannina' kumua tangngiana' Puangmi.

Pengkitanna Yahya 20:2

Najokkoi joo naga, iamo to ulah tua disanga Ballisi' ba'tu puanggawana setang napumpungngi sangsa'bu taunna.