Pengkitanna Yahya 11:12 - Alkitab Duri

¹² Namane' ssa'ding gamara tonggo jao mai suruga ntambaii nakua, “Endekko mai ntee!” Nakita tuu lako ewalinna naendek de' suruga naputu' saleu'.

Pengkitanna Yahya 11:12 ပူးပေါင်းရင်းမြစ်များ

Lukas 16:23

Ia tonna lanmo lino tomate, liwa' maparri'na, nakita mambelami to Nabi Ibrahim sola Lazarus jio sa'dena.

Jamanna Rasulu' 1:9

Ia tonna mangkamo mpaui joo, tiangka'mi de' suruga nakita rasulu', nabombonni saleu' na te'damo nakitai.

1 Tesalonika 4:17

Mangkai joo too, kita' to tuopa diangka'miki' sola joo tomangka dipatuo pole' mentama saleu' tasitammu Puang Isa jao langi', antatorro tarruh sola.

Pengkitanna Yahya 12:5

Keanakmi joo baine njajian pea muane to la mparenta sininna bangsa mpake tekken bassi. Apa ia joo pea dirampai jio mai joo baine nadibawa lako Puang jao cadokkoan mala'bih-Na.

Pengkitanna Yahya 3:21

Ia to topatalo kueloran cumadokko jio sa'de-Ku' jao cadokkoan mala'bih-Ku' mangparenta. Susi Aku' patalomo' na cumadokkomo' sola Ambe'-Ku' jao cadokkoan mala'bih-Na kumangparenta sola.

Pengkitanna Yahya 4:1

Mangkai joo too ngkita omo' mesa' pengkita. Ngkitana' mesa' pelalan titimbak jao suruga. Kumane' sa'ding pole' gamara susi oni tarompe' to mangka sipangkada-kadanna'. Ia joo gamara nakua, “Endekko mai ntee. La kupakitanko to apa la jaji dau.”