Pengkitanna Yahya 10:7 - Alkitab Duri

⁷ Ianna malaeka' mangpempitu mpannoni tarompe'na, la napugaukmi Puang Allataala to akkatta membunin-Na susi to mangka napangpeissenan lako sininna nabi to nasua.”

Pengkitanna Yahya 10:7 ပူးပေါင်းရင်းမြစ်များ

Amos 3:7

Iamo joo, nate'dapa apa Napugauk PUANG Allataala, ke te'dapi Napangpeissenanni jolo' lako nabi, tompangjaman Puang Allataala.

Jamanna Rasulu' 3:21

La torroi jao suruga sanggenna nabarui Puang Allataala to pangpajajinna, susi to napasan nabin-Na tonna anu'.

Roma 11:25

Ee todipusile'to! Denpa kareba to parallu miissen to te'dapa napangpeissenanni Puang Allataala lako tau tonna anu'. Madoangna' ammiissenni, anna danggi' mimajao penawa. Ia joo kareba iamo to kumua buda to to-Yahudi dipupembattuk penawanna. Na la susi bangngi joo to sipa'na, saganna'na to bangsa tangngia to-Yahudi dipasalama'.

Roma 16:25

Pakala'bihhi to Puang Allataala! Iamo to kuasan-Na mpamawatang kamatapparanmi situru' Kareba Kasalamatan jio mai Puang Isa Almaseh to kupangpeissenan. Ia tee Kareba te'da naissenni tau tempon jio mai dipadenna lino,

Pengkitanna Yahya 14:6

Ngkitana' mesa' malaeka' laen mentia' liwa' tande. Nabawai to Kareba Kasalamatan to te'da cappa'na la dipangpeissenan lako tolino, iamo to sininna rapu tau, tondok, basa na bangsa.

Pengkitanna Yahya 17:17

Napugaukki joo tanduk susi joo situru' pakkaeloran-Na Puang Allataala, nasaba' mangkamo nasede Puang la mpugaukki. Iamo joo napada mbenni joo olok-olok kamawatanganna sola kuasanna, anna ia mangparenta, sajajinna to apa napau Puang Allataala.