Pengkitanna Yahya 10:1 - Alkitab Duri

¹ Ngkita omo' mesa' malaeka' laen mawatang mellao jao mai suruga naputu' saleu' mpake mahkota tarauwe. Na lindona mangngarrang susi allo, na ia to ajena mangngarrang too susi api.

Pengkitanna Yahya 10:1 ပူးပေါင်းရင်းမြစ်များ

Daniel 10:6

Ia to batang kalena susi paramata tarsis na susi palepa' cumbia' to lindona. Ia to matanna susi sulo dukku-dukku. Ia to limanna sola ajena cumbia' susi tambaga mangka disa'po, na ia to gamaranna disa'ding susi gamaranna ke budai tau.

Daniel 7:13

Kukita tarruh lan tindoku' joo bongi, na den kukita susi Anak Mentolino ratu jao mai langi' nabombonni saleu', nadisolan male mangngolo lako Puang to tuo te'da anggena.

Matius 17:2

Ia tonna ratumo de', nakitami to Puang Isa balik rupan-Na. Ia to rupan-Na susi allo mangngarrang na ia to pakean-Na memmabuccang cumbia'-bia'.

Lukas 21:27

Ia joo wattu, la nakitana' tau tee Aku', Anak Mentolino, ratu jao mai langi' lan saleu', makuasana' kumala'bih too susi Raja.

Jamanna Rasulu' 26:13

Lan kalingkanku' tonna tangngamo allo, ngkitana' arrang jao mai langi' la'bih manynyarra ia na mata allo. Ia joo arrang nnarrangkan sola to tokusolan.

Pengkitanna Yahya 1:7

Kitai, la ratumi natalimbung saleu'. La nakitai sininna bangsa lan lino, nasikarrakan, moi to tomangka ndokeii. Nang tongan! Amin.

Pengkitanna Yahya 18:1

Mangkai joo too ngkita omo' malaeka' laen mellao jao mai suruga. Nnampui kuasa matonggo, nnarrangngi sininna lino.

Pengkitanna Yahya 18:21

Mangkai joo too den malaeka' mawatang nnangka' batu liwa' tonggo pada batu pelullu' gose', napellekkosanni do' tasik namangkada nakua, “Susi tee carana kota Babel to kaissenan la dipellekkosanni anna lanynya' na te'damo naladikita.

Pengkitanna Yahya 20:1

Mangkai joo too ngkita omo' malaeka' mellao jao mai suruga ntoe goncing lako lalan posi' tana sola rante liwa' tonggo.

Pengkitanna Yahya 4:3

Ia to lindo-Na cundallak susi intan na batu paramata sardis. Ia joo cadokkoan mala'bih natalimbung tarauwe cundallak susi batu paramata zamrud.

Pengkitanna Yahya 5:2

Ngkita pole' omo' mesa' malaeka' mawatang metamba nakua, “Indara to sipato' mpiakki tee segel na ballahhi tee sura' tilulun?”

Pengkitanna Yahya 8:13

Angkukita omi naden langkan tedong mentia' liwa' majao metamba-tamba nakua, “Cilaka, cilaka, cilakai to tau ntorroi lino, nasaba' tallupa tarompe' la dipannoni.”