Pengkitanna Yahya 1:3 - Alkitab Duri

³ La masannangngi to tombacai sola to tossa'dingngi tee pepasan-Na Puang Allataala na turu'i to apa diuki' lan, nasaba' sininna tee te'damo namasai nalajaji.

Pengkitanna Yahya 1:3 ပူးပေါင်းရင်းမြစ်များ

Kada Bulawan 8:34

Maupa' to tompesa'dingngina', na allo-allo mangtajan jio bolaku', na mangpeagi jio babanganku'.

Matius 24:15

Mpatarruhhi kadan-Na Puang Isa nakua, “La ngkita kamu' ‘apa to liwa' mecarepan’ dipake'deh lan Bola Puang Allataala, susi to mangka napau Nabi Daniel. (Ia to tombacai tee, la naissen meloi apa battuananna!)

Lukas 11:28

Apa mebalimi Puang Isa nakua, “La'bih masannang pole' opa to tompesa'dingngi kadan-Na Puang Allataala napugaukki!”

Roma 13:11

La mipugauk susi joo, nasaba' miissen wattu apara tee too. Miissen kumua wattunnamo kamu' la mi'cik, nasaba' la'bih mandoppi'mi to wattu nanii Puang Allataala la mpasalama'ki', na ia tontamane' matappa'.

Roma 13:12

Cingga'tu'mora naratu to kasalamatan. Iamo joo tapajaimi mpugauk kagajatan. Taparewaimo kaleta' panggaukan melo.

1 Petrus 4:7

La ndete'mi tampakkana tee lino na sininna apa. Iamo joo la mita'tan to kalemi, na majaga too kamu' ammitatta' massambajang susi to sipato'na.

2 Petrus 3:8

Ee, tomala'bihku' to kupakamoja'! Den ba'tu pira-pira tau ssangai kumua mela'pa Puang la mpugaukki to apa napau jolo. Apa la miingaran kumua ia to sangngallo pada bang una to sangsa'bu taunna ba'tu sangsa'bu taunna pada bang una to sangngallo ke Puang Allataala. Te'da namela' Puang mpugaukki to apa napau jolo, apa sabbara'ri lako kamu'. Madoangri kumua, anna sininna tau mengkatoba' ngasan jio mai dosana, na moi mesa' tau te'da nalasabu'.

Pengkitanna Yahya 22:10

Anna mangkadapa nakua, “Danggi' mubuniananni to pepasan dipau jolo lan tee sura', nasaba' mandoppi'mo wattunna la nanii jaji ngasan.

Pengkitanna Yahya 22:12

Mangkada pole' omi Puang Isa nakua, “Ingaranni tee! La ratuna' madoi' mbenni assele' panggaukanna to tolino.

Pengkitanna Yahya 22:20

Mangkadami Puang Isa to mparatui tee kareba nakua, “Io! La madoi'mo' ratu!” Tongan Puang Isa! Ratumiki'!

Pengkitanna Yahya 3:11

Na la ratuna' mati' madoi'! Kanana'i meloi to apa miampuimo. Danggi' naalai kamu' tau to paraseng kapataloanmi.