Pengkitanna Yahya 1:18 - Alkitab Duri

¹⁸ Aku'mo to tuo! Mangkamo' mate, apa tuo pole'mo' te'da cappa'na. Ngkuasaina' kamatean sola lino tomate.

Pengkitanna Yahya 1:18 ပူးပေါင်းရင်းမြစ်များ

Matius 11:23

Na kamu' to-Kapernaum! Misangaraka la dipamatande kamu' ratu de' langi'? Te'da! Apa la dipembuangan kamu' do' ngenan kaminang majiong! Nasaba' ia kenna la ia tee tanda mejangngaran to mangka dipugauk lan tangnga-tangngami dipugauk lo' kota Sodom, la denpa ia ratu lako too allo.

Matius 16:19

La kubenko goncingna Lino Barun-Na Puang Allataala. Ia to mupangnganggai lan lino, napangnganggai too Puang Allataala. Na apa to mueloran lan lino, naeloran too Puang Allataala.”

Lukas 24:5

Tarruh malaja'i, nacukku suju' do' litak, anna ia joo tau dua ngkuanni, “Ciapari miangah totuo lan tangnga-tangngana tomate?

Yahya 11:25

Nakua Puang Isa, “Aku'mo mpangben katuoan sola mpatuo pole' tomate. Ia to tomatappa' lako Aku', la tuo pole', moi namatemo.

Yahya 14:19

Cingga'tu'mora na te'damo nakitana' tolino. Apa ia to kamu' la mikitana'. La tuo kamu', nasaba' tuona'.

Roma 6:9

nasaba' taissen kumua mangkami dipatuo to Almaseh jio mai kamatean, na te'damo nalamate pole'. Te'damo nalangkuasaii kuasa kamatean.

2 Korintus 13:4

Tangnakullei Almaseh tonna dipampang, apa ia tee too tuo pole'mi nasaba' kuasan-Na Puang Allataala. Moi tee kami', to memmesa' penawamo sola Almaseh, tangkikulle toda, apa ia ke iti'mokan la miperasai kumua ia to kami' sola Almaseh mangka naben kuasa Puang Allataala.

Galatia 2:20

Ia tee too moi angkutuo, tangngiamo aku' mputuoi, apa Almasehmo tuo lan kaleku'. Ia tee katuoanku' tee too, matappa'na' lako Anak Allataala to mangka mpakamoja'na', na mangka mpangkarobananna' kalena, sanga dosaku'.

Kolose 3:3

Wa'ding dipau kumua mangkamo kamu' mate, na ia to katuoan barummi sola Almaseh te'dapa napajan, nasaba' te'dapa napapajanni Puang Allataala.

Ibrani 1:3

Iamo joo Anak to mpapajanni lako kita' to kamala'biran-Na Puang Allataala. Ia to sipa'-Na sola kuasan-Na susi una sipa'-Na sola kuasan-Na Puang Allataala. Ia toomo nnampaii tee lino mpake kada makuasan-Na na te'da natiseran. Ia tonna mangkamo mate la ndampangan tolino, cumadokkomi jao suruga jio sa'de kanan-Na Puang Allataala to kaminang makuasa namangparenta.

Ibrani 12:2

La tapugaukmi tapatuju lakoi Puang Isa to penawanta', to mpadenni to kamatapparanta', napupenjajiki' masaranian. Gaja mesirisan joo kamatean jao kaju sitamben. Apa moi nasusi joo te'da nasipattekanni, sanga ia manda naingaran to kamasannangan la naperasai undinna. Na ia tee too cumadokkomi jio kananna cadokkoan mala'bih-Na Puang Allataala namangparenta sola.

Ibrani 7:16

Te'da nadiangka' situru' atoran tolino, apa diangka'i sanga kuasa katuoan-Na to te'da cappa'na.

Ibrani 7:25

Iamo joo na te'da lalo natorroii mpasalama' tau to mangngolo lako Puang Allataala mpau sangan-Na, sanga tuo tarruhhi la mpangkadananni lako Puang Allataala.

Pengkitanna Yahya 10:6

Massapahhi mpau sangan-Na Puang Allataala to tuo te'da cappa'na, to mpaden langi', lino, tasik, sola issinna. Nakua, “Te'damo naladisorong to wattunna!

Pengkitanna Yahya 15:7

Mesa' jio mai joo a'pa' olok-olok mpangben pitu isotan bulawan lako joo pitu malaeka'. Ia joo isotan ponno kamabirisan-Na Puang Allataala to tuo te'da cappa'na.

Pengkitanna Yahya 2:8

Nasuana' nakua, “Uki'i susi tee lako malaeka'na jamaa jio kota Smirna: Ia tee pepasan pole jio mai Aku', to pamulanna na cappa'na, to mangkamo mate, na tuo pole'. Iamo tee pepasan-Ku':

Pengkitanna Yahya 20:13

Anna pasun ngasanmi tasik to tosabu' mate lan. Na ia to Kamatean sola Lino Tomate mpangben too tomatena. Na ia tuu lako tomate dira'tah kara-karana situru' panggaukanna.

Pengkitanna Yahya 20:14

Na ia to tau te'da sanganna diuki' lan Sura' Katuoan dipenca'bean tama tasik api. Mangkai joo too te'damo kamatean, nasaba' dipenca'bean toomi to Kamatean sola Lino Tomate tama tasik api. (Ia tee tasik api, iamo kamatean mangpenduan.)

Pengkitanna Yahya 3:7

Nasuana' nakua, “Uki'i susi tee lako malaeka'na jamaa jio kota Filadelfia: Ia tee pepasan pole jio mai Aku' to tomala'bih na totongan, to ntoe goncingna Raja Daud. Ia ke kutimbakanni to pelalan, moi mesa' tau te'da wa'ding ssalli'i. Ia ke kusalli'ii, moi mesa' tau te'da wa'ding ntimbakanni.

Pengkitanna Yahya 4:9

Ia tonna massompa, mangpakala'bih na mangkurru sumanga' susi joo lako Puang to cumadokko jao cadokkoan mala'bih lan tangnga, to tuo te'da cappa'na, ia joo duang pulo a'pa' tomatua-tua pada suju' ratu do' litak ssompai, napalenna'i to mahkota bulawanna lako olo cadokkoan-Na, namangkada nakua,

Pengkitanna Yahya 5:14

Na ia joo a'pa' olok-olok mebali nakua, “Amin.” Na ia to duang pulo a'pa' tomatua-tua suju' ratu do' litak massompa.

Pengkitanna Yahya 6:8

Ta'pa ngkita omo' mesa' nyarang susi punti matasak to bulunna. Ia to tossakeii disanga Kamatean, na Lino Tomate undi bang jio boko'na. Dieloran mbunoi sangtawa a'pa'na tolino mpake kasirarian, karorian, ra'ba beang na olok-olok masia'.

Pengkitanna Yahya 9:1

Ia to malaeka' mangpellima mpannoni tarompe'na, kumengkita, nadenmo bintuin polloh jao mai langi'. Ia joo bintuin diben goncing lako lalan posi' tana to gaja dalan,