Pengkitanna Yahya 1:16 - Alkitab Duri

¹⁶ Lima kanan-Na ntoe pitu bintuin anna den pa'dang mataran wali-wali messun lan mai anga'-Na. Ia to lindo-Na mangngarrang pasillo susi allo ke tangngai allo.

Pengkitanna Yahya 1:16 ပူးပေါင်းရင်းမြစ်များ

Daniel 12:3

Ia to tomacca la nnampa' kamala'biran susi arrang jao langi' ba'tu susi bintuin to mangngarrang tarruh te'da cappa'na.’

Daniel 8:10

Samatonggo-tonggonai to tanduk mane' tuo, arannai ganna' to kamawatanganna nnewai to bintuin jao langi' sola surudadu jao suruga. Na den ba'tu pira-pira to napenca'bean do' litak nalese-lesei.

Matius 17:2

Ia tonna ratumo de', nakitami to Puang Isa balik rupan-Na. Ia to rupan-Na susi allo mangngarrang na ia to pakean-Na memmabuccang cumbia'-bia'.

Jamanna Rasulu' 26:13

Lan kalingkanku' tonna tangngamo allo, ngkitana' arrang jao mai langi' la'bih manynyarra ia na mata allo. Ia joo arrang nnarrangkan sola to tokusolan.

Efesus 6:17

La ntarima kamu' songko' bassi kasalamatan. La ntarima too kamu' pa'dang to naben kamu' Roh Allataala, iamo to kadan-Na Puang Allataala.

Ibrani 4:12

Kada tuo na mawatang too to kadan-Na Puang Allataala, na la'bih mataran na ia to pa'dang mataran patomali. Susi pa'dang ntarruh kale ratu lako panglesoan na buku lampa, susi too kadan-Na Puang Allataala ntarruh penawa nnissen pikkirisanna sola akkalanna tolino.

Pengkitanna Yahya 1:20

Ia to battuananna tee pitu bintuin to mukita jio lima kanan-Ku' sola tee pitu tongkonan bulawan susi tee: Ia to pitu bintuin, iamo malaeka'na to pitu jamaa. Na ia to pitu tongkonan, iamo to pitu jamaa.”

Pengkitanna Yahya 10:1

Ngkita omo' mesa' malaeka' laen mawatang mellao jao mai suruga naputu' saleu' mpake mahkota tarauwe. Na lindona mangngarrang susi allo, na ia to ajena mangngarrang too susi api.

Pengkitanna Yahya 12:1

Den omi tanda mejangngaran dikita jao langi' to te'da susinna. Den baine nabukku' allo na ia to ajena llese bulan. Na ia to ulunna mpumahkota sangpulo dua bintuin digaraga.

Pengkitanna Yahya 19:15

Den pa'dang liwa' taran messun lan mai anga'na, na iamo napake la ntaloi sininna bangsa. Naparentai mpake tekken bassi, nalese tooi to anggoro' lan panglulluran anggoro' kamabirisan-Na Puang Allataala, battuananna mpangpekitanni kamabirisan-Na.

Pengkitanna Yahya 19:21

Na ia to surudadunna dibuno mpake pa'dang to messun lan mai anga'-Na joo tossakei nyarang mabusa. Ratu ngasanmi to manuk-manuk ngkandei samosona juku'na tuu lako to dibuno.

Pengkitanna Yahya 2:1

Nasuana' nakua, “Uki'i susi tee lako malaeka'na jamaa jio kota Efesus: Ia tee pepasan pole jio mai Aku' to ntoe pitu bintuin jio lima kanan-Ku', na to lumingka lan tangnga-tangngana to pitu tongkonan bulawan nanii palita. Iamo tee pepasan-Ku':

Pengkitanna Yahya 2:12

Nasuana' nakua, “Uki'i susi tee lako malaeka'na jamaa jio kota Pergamus: Ia tee pepasan pole jio mai Aku' to ntoe pa'dang mataran wali-wali. Iamo tee pepasan-Ku':

Pengkitanna Yahya 2:16

Iami joo, mengkatoba' kamu' jio mai dosami. Ia ke cia' kamu', la ratuna' mati' madoi' rrarii tuu mati' tau, mpake pa'dang mataran wali-wali to messun lan mai anga'-Ku'.

Pengkitanna Yahya 3:1

Nasuana' nakua, “Uki'i susi tee lako malaeka'na jamaa jio kota Sardis: Ia tee pepasan pole jio mai Aku' to nnampui pitu roh jio mai Puang Allataala na pitu bintuin. Iamo tee pepasan-Ku': Kuissen to apa mipugauk. Nakua tau kumua disanga kamu' tuo, apa ianna Aku', kukua tomatemo kamu'.