Matius 9:8 - Alkitab Duri

⁸ Ia tonna kitami tobuda joo apa jaji, silajatan ngasanni, anna mpakala'bih Puang Allataala to mpangben kuasa liwa' tonggo lako tolino.

Matius 9:8 ပူးပေါင်းရင်းမြစ်များ

Matius 12:23

Jangngah ngasanmi to tobuda nakua, “Ba'tu bati'nara Raja Daud tee tau to mangka dipau tonna anu'?”

Matius 15:31

Jangngah ngasan to tau ngkitai tuu lako tokupi' lumingka, tokeppang memmaruruh lingkana, tobuta pakita, na tomamang mangkada. Pada mpakala'bihmi Puang Allataala, Puangna to-Israel.

Matius 28:18

Nakandoppi'mi to anak gurun-Na namangkada nakua, “Sininna kuasa la jao suruga, la lan lino, mangkamo diben lako Aku'.

Matius 5:16

Iamo joo, pemakassingngimi tuu panggaukanmi nturu' Puang, nakitai tau susi lampu nnarrangngi tau, nawa'ding nnissenni to kameloan-Na Ambe'mi Puang Allataala jao suruga.”

Matius 9:7

Ke'dehmi joo tokupi' napole.

Markus 2:12

Ta'pa ke'dehmi, naangka'i to ampahna, namessun, nakitai tobuda. Jangngah ngasanmi to tau ngkitai, anna mpakala'bih Puang Allataala nakua, “Te'da lalopa naden takitai to apa jaji susi tee.”

Markus 7:37

Jangngah ngasan to tossa'dingngi joo apa mangka jaji. Nakua, “Makassing ngasan ia to napugauk, tomataru napupasa'ding, na tomamang napupangkada.”

Lukas 13:13

Nakaka'i Puang Isa joo baine bukku', nata'pa maruruh jenjen nampakala'bih Puang Allataala.

Lukas 17:15

Denmi mesa' joo tomasolak pole boko' nnandongngi mangkada mpakala'bih Puang Allataala, sanga ngkitai kalena kumua malagahmi.

Lukas 17:18

Ciapari na ia mandara tee mesa' tau, na bangsa tangngia to-Yahudi, pole boko' mpakala'bih Puang Allataala?”

Lukas 18:43

Ta'pa pakitami, naundi nturu' Puang Isa, na mpakala'bih Puang Allataala. Sininna to tau ngkitai joo mpakala'bih toda Puang Allataala.

Lukas 2:20

Pole ngasanmi tuu lako tomangrewa mpakala'bih Puang Allataala, nasaba' padami to apa nakita, nasa'ding, susi to apa mangka napauanni malaeka'.

Lukas 23:47

Ia tonna kitami komandan surudadu apa joo mangka jaji, mpakala'bihmi Puang Allataala, anna mangkada nakua, “Tonganna, te'da Ia nakasalan!”

Lukas 7:16

Malaja' ngasanmi tuu lako tau na mpakala'bih Puang Allataala nakua, “Denmo mesa' nabi tonggo lan tangnga-tangngata'. Ratumi Puang Allataala mpasalama' umma'-Na!”

Yahya 15:8

Na ia ke membua budamo kamu', iamo dinii mpakala'bih Ambe'-Ku'. Pajan toomi kumua kamu'mo to ntongan-tongannii nturu'na'.

Jamanna Rasulu' 11:18

Mangkanna nasa'ding joo, napahangmi. Mpakala'bihmira Puang Allataala nakua, “Ianna susi joo, moi pale' bangsa tangngia to-Yahudi natarima toomi Puang Allataala, ke mengkatoba'i jio mai dosana, anna benni katuoan melo te'da cappa'na.”

Jamanna Rasulu' 21:20

Mpakala'bihhi Puang Allataala sola ngasan tonna mangka ssa'dingngi joo. Namane' ngkuanni to Paulus, “Ee, todipusile'to! La muissen kumua massa'bu-sa'bumo to-Yahudi memmatappa' lako Puang Isa, nallundukki atoranna Nabi Musa.

Jamanna Rasulu' 4:21

Apa te'da lalan la nanii to pangbicara la ncallai to Petrus sola Yahya, nasaba' sininna tau mpakala'bih Puang Allataala sanga ia joo kajajian mejangngaran. Iamo joo naanggai bangri, namane' lla'paranni.

2 Korintus 9:13

Ia ke nakitai umma'-Na Puang Allataala jio tana Yudea tee panggaukan melomi, la mpakala'bihhi Puang Allataala, nasaba' nakitai kumua mangkamo mitarima to karebanna Almaseh, ammituru' tonganmi. Buttinna kumua mangpangbenmo kamu' situru' canning atimmi lako to-Yudea sola tolaen.

Galatia 1:24

Mpakala'bihmi Puang Allataala, nasaba' ia to apa jaji lako aku'.

1 Petrus 2:12

Mbai den tau to tangnturu' Puang to mpau gaja' kamu'. Iamo joo la melo to sipa'mi nakitai tau kumua melo to apa mipugauk. Na undinna naakui kumua melo to sipa'mi anna mpakala'bih Puang Allataala ke ratui rra'tah kara-karana tolino.