Matius 9:6 - Alkitab Duri

⁶ Apa ia tee wattu la kupakitan kamu' kumua, makuasana' Aku', Anak Mentolino, ndampangan tomadosa lan tee lino.” Iamo joo nakua lako tee tokupi', “Ke'dehmoko, angka'i tuu ampahmu, mupole.”

Matius 9:6 ပူးပေါင်းရင်းမြစ်များ

Matius 4:24

Kaissenanmi to Puang Isa ratu re' tana Siria. Iamo joo nasabuda-budanna tau ratu lako kale-Na ssolan tomasaki to mangrupa-rupa sakinna sola kamapa'dikan, susinna tonatamai setang, tota'taran sola tokupi', napamalagahhi.

Matius 8:20

Mebalimi nakua, “Cinggallun den ia lo'ko'na, sola manuk-manuk den ia serangna, apa ia tee Aku', Anak Mentolino, te'da ngenan kunii mamma'.”

Matius 9:2

Denmi mesa' tokupi' nabulle tau lako Puang Isa, dipamamma' bang jiong ampah. Ia tonna issenmi Puang Isa matumba kamatapparanna tuu lako tau mangkadami lako joo tokupi', nakua, “Ee anak-Ku'! Pemalapuhhi penawammu. Didampanganmoko.”

Matius 9:5

Umbonnara marawa, dikuaraka, ‘Didampanganmoko’, ba'tu dikuaraka, ‘Ke'dehmoko mulumingka.’

Matius 9:7

Ke'dehmi joo tokupi' napole.

Markus 2:10

Apa ia tee wattu la kupakitan kamu' kumua makuasana' Aku', Anak Mentolino, ndampangan tomadosa lan tee lino. Iamo joo kukua lako tee tokupi',

Markus 2:7

“Gaja barani ia tee tau mangkada susi joo. Ncapa' Ia Puang Allataala, sanga mpapada Ia Puang Allataala kalena. Te'da tau wa'ding ndampangan tomadosa, saliwanna Puang Allataala.”

Lukas 5:21

Pada mangkada lanni penawanna joo guru agama sola to-Farisi nakua, “Indara ia tee tau? Gaja barani Ia mpapada Puang Allataala kale-Na! Te'da tau wa'ding ndampangan tomadosa, saliwanna Puang Allataala.”

Yahya 10:28

Angkubenni katuoan melo te'da cappa'na, na te'da tarruhmo namasolang. Moi mesa' tau te'da ngkullei rrampai jio mai Aku'.

Yahya 17:2

Tapakuasamo' ngkuasaii to sininna tolino, jaji kuasa toomo' mbenni katuoan melo te'da cappa'na to totapangbenmo lako Aku'.

Yahya 5:27

Mangka toomo mpangben kuasa lako Aku' la rra'tah kara-karana tolino, nasaba' Aku'mo Anak Mentolino.

Yahya 5:8

Nakuamo Puang Isa ngkuanni, “Ke'dehmoko, angka'i tuu ampahmu, mulumingka.”

Jamanna Rasulu' 5:31

Napamatande napajioi sa'de kanan-Na, namenjaji Raja Mangpasalama', dikua anna den wattunna to bangsa Israel namengkatoba' jio mai dosana na didampangan.

Jamanna Rasulu' 9:34

Nakuanni Petrus, “Ee Eneas! Napamalekeko Puang Isa Almaseh. Ke'dehko lulunni tuu ampahmu.” Ta'pa ke'deh bang unami Eneas.

2 Korintus 2:10

Ia ammidampanganni to tomangka mpugauk kasalan lako kalemi, moi aku' kudampangan tooi. Nasaba' ia ke denni to parallu didampangan, kudampanganni sanga Almaseh, ammipumeloi.

2 Korintus 5:20

Jaji, topesuannakan Almaseh. Nasuakan Puang Allataala mparatuan kamu' pepasan-Na. Nasuakan Almaseh meta'da lako kalemi, “Pemaringngannii penawammi, ammisikalino pole' Puang Allataala.”

Efesus 4:32

Apa la sipemeloan penawa kamu', misikamasean, misidampangan too susi Puang Allataala ndampangan kamu' nasaba' Almaseh.

Kolose 3:13

Sisabbarasan kamu' ke denni to sala lako kalemi, ammidampanganni. Susi Puang Allataala mangka ndampangan kamu', susi too to tau laen la midampangan.