Matius 9:30 - Alkitab Duri

³⁰ Pakitami sola dua. Napakainga'mi Puang Isa kumua, “Danggi' lalo naden tau mipauan joo apa jaji.”

Matius 9:30 ပူးပေါင်းရင်းမြစ်များ

Matius 12:16

Apa naanggaii Puang Isa tuu lako tau nakua, “Danggi' mimale mpangpeissenanna'.”

Matius 17:9

Ia tonna solohmo jao mai buntu, napakainga'mi Puang Isa nakua, “Ia ke dipatuo pole'mo' jio mai kamatean tee Aku', Anak Mentolino, mane'ri wa'ding mipauan tau to apa mangka mikita.”

Matius 8:4

Nakuamo Puang Isa, “Danggi' lalo mucuritai moi lako mesa' tau, apa maleko lako imang jao kota Yerusalem, mupeta'dai napattantui kumua malagah tonganmoko! Mumane' mpugauk tooi to karoba kamalagaranmu situru' atoranna Nabi Musa, namenjaji butti lako sininna tau.”

Markus 1:43

Nasuai Puang Isa male, napangngingaranni nakua,

Markus 3:12

Apa naanggai Puang Isa joo setang mpaui, kumua indara Ia.

Markus 5:43

Apa naanggai Puang Isa kumua danggi' naden tau napauan. Namane' ssuai to tau anna benni kande joo pea.

Lukas 5:14

Napangnganggai Puang Isa ncuritai joo kajajian lako tau laen, nakuanni, “Maleko lako imang jao kota Yerusalem, mupeta'dai napattantui kumua malagah tonganmoko. Mumane' mpugauk tooi to karoba kamalagaranmu situru' atoranna Nabi Musa, namenjaji butti lako sininna tau.”

Lukas 8:56

Jangngah to tomatuanna ngkitai joo kajajian. Apa naanggai Puang Isa kumua danggi' naden tau napauan.