Matius 9:22 - Alkitab Duri

²² Ta'pa messailemi to Puang Isa nakitai joo baine, namangkada nakua, “Ee, anak-Ku', pemawatangngii to penawammu! Malagahmoko, nasaba' mukatappa'ina'!” Ia joo wattu ta'pa malagahmi.

Matius 9:22 ပူးပေါင်းရင်းမြစ်များ

Matius 15:28

Nakuanmi, “Ee, indo', matappa' tonganko! La jaji to mupeta'da.” Ia joo wattu ta'pa malagah bang unami joo anakkana.

Matius 17:18

Nagarra'i Puang Isa joo setang namessun lan mai joo pea. Messunmi, nata'pa malagah silalona joo pea.

Matius 8:13

Mangkai joo too, nakuamo Puang Isa lako joo komandan, “Polemoko. Apa to mukatappa'i, iamo la jaji.” Ia joo wattu ta'pa malagahmi to kaunanna.

Matius 9:2

Denmi mesa' tokupi' nabulle tau lako Puang Isa, dipamamma' bang jiong ampah. Ia tonna issenmi Puang Isa matumba kamatapparanna tuu lako tau mangkadami lako joo tokupi', nakua, “Ee anak-Ku'! Pemalapuhhi penawammu. Didampanganmoko.”

Matius 9:29

Nakaka'mi Puang Isa to matanna nakua, “Susi to mikatappa'ina, iamo jaji.”

Markus 10:52

Nakuanmi, “Pakitamoko, nasaba' mukatappa'ina'!” Ta'pa pakitami. Ia tonna eloranmi pole, malemi sola tobuda undi nturu' Puang Isa.

Markus 5:34

Nakuanni Puang Isa, “Ee anak-Ku', malagahmoko, nasaba' mukatappa'ina'. Paela'-ela' bangmoko lako lalan! Malagah tarruhmoko!”

Lukas 17:19

Nakuanni joo tomasolak, “Ke'dehmoko mumale. Dipasalama'moko, nasaba' mukatappa'ina'.”

Lukas 18:42

Nakuanmi Puang Isa, “Pakitamoko, nasaba' mukatappa'ina'!”

Lukas 7:50

Apa nakua Puang Isa lako joo baine, “Dipasalama'moko, nasaba' mukatappa'ina'. Paela'-ela' bangmoko lako lalan!”

Lukas 8:48

Nakuamo Puang Isa lako joo baine, “Ee, anak-Ku'! Malagahmoko, nasaba' mukatappa'ina'. Paela'-ela' bangmoko lako lalan.”

Yahya 4:53

Naingaranmi ambe'na kumua iamo joo wattu nakuanni Puang Isa kumua, “Malagahmi to anakkamu.” Memmatappa'mi sintong repokkona.

Jamanna Rasulu' 14:9

Cumadokko bangngi mpesa'dingngi Paulus tonna mangngajahhi. Nakaje'jekki Paulus naissenni kumua matappa' joo tau anna wa'ding dipamaleke.

Jamanna Rasulu' 16:18

Ba'tu pirang allo masainna metamba-tamba bang susi joo. Ia tonna marossomo Paulus, messailei nakuanni joo setang, “Kuasan-Na Puang Isa Almaseh kupupangngewa, kusuako messun lan mai ntee baine!” Ta'pa messun bang unami lan mai kalena.

Ibrani 4:2

Mangkamo dipangpeissenan joo Kareba Kasalamatan lako kita' susi bang una lako to-Yahudi tonna anu'. Apa te'da bua'na lako kalena, sanga te'da namatappa' tonna sa'dingngi.