Matius 9:2 - Alkitab Duri

² Denmi mesa' tokupi' nabulle tau lako Puang Isa, dipamamma' bang jiong ampah. Ia tonna issenmi Puang Isa matumba kamatapparanna tuu lako tau mangkadami lako joo tokupi', nakua, “Ee anak-Ku'! Pemalapuhhi penawammu. Didampanganmoko.”

Matius 9:2 ပူးပေါင်းရင်းမြစ်များ

Matius 14:27

Apa ta'pa nakuanni Puang Isa nakua, “Ee, rapa' kamu'! Danggi' mimalaja'! Aku' tee.”

Matius 4:24

Kaissenanmi to Puang Isa ratu re' tana Siria. Iamo joo nasabuda-budanna tau ratu lako kale-Na ssolan tomasaki to mangrupa-rupa sakinna sola kamapa'dikan, susinna tonatamai setang, tota'taran sola tokupi', napamalagahhi.

Matius 6:12

Dampangankan, susi kami' ndampangan tokasalan lako kaleki'.

Matius 8:10

Jangngahmi Puang Isa ssa'dingngi joo kadanna. Messailemi anna mangkada lako tobuda to undi nturu'i nakua, “La miingaran tee kadang-Ku' kumua, liwa' matappa' tee tau! Te'dapa tau kuampa' kamatapparan susi tee, moi lan tangnga-tangngana to-Israel!

Matius 8:16

Ia tonna kabuhmo allo, budami tau ratu mbawa tonatamai setang sola tomasaki lako Puang Isa, na sangbukura kada napau, nnula'ii tuu lako setang lan kalena tau, napumalagah ngasanni to tomasaki.

Matius 9:22

Ta'pa messailemi to Puang Isa nakitai joo baine, namangkada nakua, “Ee, anak-Ku', pemawatangngii to penawammu! Malagahmoko, nasaba' mukatappa'ina'!” Ia joo wattu ta'pa malagahmi.

Matius 9:5

Umbonnara marawa, dikuaraka, ‘Didampanganmoko’, ba'tu dikuaraka, ‘Ke'dehmoko mulumingka.’

Matius 9:6

Apa ia tee wattu la kupakitan kamu' kumua, makuasana' Aku', Anak Mentolino, ndampangan tomadosa lan tee lino.” Iamo joo nakua lako tee tokupi', “Ke'dehmoko, angka'i tuu ampahmu, mupole.”

Markus 1:32

Ia tonna kabuhmo allo, budami tau ratu mbawa tomasaki sola tonatamai setang lako Puang Isa,

Markus 10:49

Kendenmi Puang Isa napangpetambanni joo tobuta. Jaji, ditambaimi, nakuan tooi tau, “Masannangmoko muke'deh, natambaimoko.”

Markus 5:34

Nakuanni Puang Isa, “Ee anak-Ku', malagahmoko, nasaba' mukatappa'ina'. Paela'-ela' bangmoko lako lalan! Malagah tarruhmoko!”

Yahya 16:33

Kupauan ngasanmo kamu' tee, ammiampa' kamasannangan nasaba' memmesa'mo kamu' sola Aku'. La maparri' kamu' dipakario-rio lan lino. Apa pemawatangngii penawammi, nasaba' mangkamo' ntaloi kuasanna lino.”

Yahya 2:25

Te'da naparallu dipangpeissenan lako Puang Isa kumua matumba sipa'na to tolino, nasaba' naissen jolo Ia to apa lan penawanna tau.

Yahya 21:5

Nakua Puang Isa ngkuanni, “Oo pea, denraka balemi?” Mebalii nakua, “Te'da Kita'!”

Jamanna Rasulu' 14:9

Cumadokko bangngi mpesa'dingngi Paulus tonna mangngajahhi. Nakaje'jekki Paulus naissenni kumua matappa' joo tau anna wa'ding dipamaleke.

Jamanna Rasulu' 19:12

Ianna dibawan tomasaki to saputanganna iarika kaen puramo napake Paulus, malagahhi, napessunni tooi setang.

Jamanna Rasulu' 23:11

Ia tonna bonginna pole'mo, ke'dehhi Puang Isa jio sa'dena Paulus nakuanni, “Ee, pemawatangngi penawammu! Mangkamoko mpangpeissenanna' jio kota Yerusalem, susi toomi jio kota Roma la mupangpeissenan unapa'.”

Roma 5:11

Na te'da na ia manda joo, apa mario tooki', nasaba' mangkami Puangta' Puang Isa Almaseh mpasipemeloanki' Puang Allataala.

Yakub 2:18

Apa mbai den to mangkada kumua, “Den tau matappa' manda, den too tau mpugauk manda panggaukan melo.” La kukua mpebalii, “Pakitanna' umbo nakua to tau matappa' ke te'dai napasiolanan panggaukanna, angkupakitanni panggaukan to mpamanassai kumua den kamatapparanku'.”