Matius 8:8 - Alkitab Duri

⁸ Apa mebalii tee komandan nakua, “Oo Puang, te'da kusipato' la ntarimaki' jio bolaku'. Jaji mangkada bangmiki', napumalagahhi to kaunanku'.

Matius 8:8 ပူးပေါင်းရင်းမြစ်များ

Matius 3:11

Kujio' kamu' wai, nasaba' mengkatoba'mo kamu' jio mai dosami. Apa den tau la ratu ke mangkana' la njio' kamu' Roh Allataala na den too kamu' dijio' api pangcalla. La'bih makuasa Ia na aku'. Moi mbawa sapatun-Na te'da too kusipato'.

Matius 3:14

Apa te'da namelo Nabi Yahya njio'i. Nakuanni, “Aku'ra to sipato' la tajio'. Ciapari na Kita' ora ratu la mpangpejioran kale-Ta'?”

Matius 8:3

Nne'te'mi liman-Na Puang Isa, nakaka'i nakua, “Melohna', malagahmoko!” Ta'pa melomi to kalena joo wattu.

Matius 8:7

Mebalimi nakua, “La malena' lako bolamu la mpamalagahhi.”

Matius 8:9

Nasaba' ia tee aku' tonturu'na' parentana tomparentana', na den toda surudadu kuparenta to nturu' parentaku'. Ia angkusuai to surudadu kumua, ‘Maleko!’, nang la malei, na ia angkukua lako to laenna, ‘Maleko mai!’ nang la ratui. Na ia angkusuai to kaunanku' kumua, ‘Pugaukki tee!’ nang la napugaukki ia.”

Lukas 15:19

Te'damo kusipato' disanga anakkata'. Pasusi bangmo' mesa' tomangjamanta'.’

Lukas 15:21

Nakuamo joo anakkana, ‘Oo Ambe', madosamo' lako Puang Allataala na lako ambe'. Tangsipato'mo' disanga anakkana ambe'.’

Lukas 5:8

Ia tonna kitami Simon Petrus joo apa jaji, mengguntu'mi jio olo-Na Puang Isa ssuju'i anna mangkada nakua, “Oo Puang, melo ke tasalaimo', nasaba' tomadosana' dikka' tee!”

Yahya 1:27

Iamo ratu ke mangkana'. Apa moi mbukai ulang sapatun-Na te'da too kusipato'.”