Matius 8:4 - Alkitab Duri

⁴ Nakuamo Puang Isa, “Danggi' lalo mucuritai moi lako mesa' tau, apa maleko lako imang jao kota Yerusalem, mupeta'dai napattantui kumua malagah tonganmoko! Mumane' mpugauk tooi to karoba kamalagaranmu situru' atoranna Nabi Musa, namenjaji butti lako sininna tau.”

Matius 8:4 ပူးပေါင်းရင်းမြစ်များ

Matius 10:18

La dipangngolo kamu' lako tomangparenta sola raja, nasaba' mituru'na'. Iamo joo wattu la minii mpangpeissenanni to Kareba Kasalamatan lako tuu lako tau, sola totangnnissenpa Puang Allataala.

Matius 16:20

Ia tonna mangka joo, napakainga'mi Puang Isa to anak gurun-Na kumua danggi' naden tau napauan kumua Iamo Raja Mangpasalama'.

Matius 17:9

Ia tonna solohmo jao mai buntu, napakainga'mi Puang Isa nakua, “Ia ke dipatuo pole'mo' jio mai kamatean tee Aku', Anak Mentolino, mane'ri wa'ding mipauan tau to apa mangka mikita.”

Matius 3:15

Apa mebalii Puang Isa nakua, “Ake'mo najaji tee, nasaba' susimo tee la tapugauk situru' pakkaeloran-Na Puang Allataala.” Najio'mi Nabi Yahya.

Matius 5:17

Mangngajahhimi Puang Isa nakua, “Danggi' misangai kumua mentamana' lino la nta'dei atoranna Nabi Musa sola pangngajaranna nabi laen. Te'da kuratu kumua la kuta'deii, apa la kupamanassanra kamu' to battuananna.

Matius 6:1

Mangngajahhimi Puang Isa nakua, “Danggi' mipugauk panggaukan melo ke la mipangpekitanri lako tau, dikua napuji kamu'. Ia ammimanggauk susi joo, te'da miampa'i to pahalami jio mai Ambe'mi Puang Allataala jao suruga.

Matius 9:30

Pakitami sola dua. Napakainga'mi Puang Isa kumua, “Danggi' lalo naden tau mipauan joo apa jaji.”

Markus 13:9

La majaga kamu', nasaba' la dijokko kamu', ammidipangngolo lako tomangra'tah kara-kara. La dirambi kamu' lan bola passambajangan. La dipangngolo kamu' lako tomangparenta sola raja, nasaba' mituru'na'. Iamo joo wattu la minii mpangpeissenanni to Kareba Kasalamatan lako tuu lako tau.

Markus 3:12

Apa naanggai Puang Isa joo setang mpaui, kumua indara Ia.

Markus 5:43

Apa naanggai Puang Isa kumua danggi' naden tau napauan. Namane' ssuai to tau anna benni kande joo pea.

Markus 6:11

Apa ia ammiratu lako mesa' kampong, nate'da natarima kamu' tau jio, iarika tangnapesa'dingngi kamu', salaii joo kampong. Mipentambakanni to carepa jio ajemi la mpangngingaranni tuu lako tau to kasalanna!”

Markus 7:36

Te'da naeloranni Puang Isa tuu lako tau ncuritai lako tolaen to apa mangka jaji. Apa moi natangnneloranni samale-malena ncuritai.

Markus 8:30

Napakainga'mi Puang Isa to anak gurun-Na kumua danggi' naden tau napauan kumua Iamo Raja Mangpasalama'.

Markus 9:9

Ia tonna solohmo jao mai buntu napakainga'mi Puang Isa nakua, “Ia ke dipatuo pole'mo' jio mai kamatean, tee Aku', Anak Mentolino, mane'ri wa'ding mipauan tau apa to mangka mikita.”

Lukas 17:14

Nakitami Puang Isa namangkada nakua, “Malemo kamu' mpangpekitan kalemi lako imang jao kota Yerusalem.” Ia tonna malemo, ta'pa malagahmi.

Lukas 21:13

Iamo joo wattu melo, la minii mpangpeissenanni to Kareba Kasalamatan.

Lukas 4:41

Nnula'i tooi setang lan mai buda tau. Ia tuu lako setang messun lan mai tau ntandai Puang Isa anna metamba nakua, “Anak Allataalako!” Apa nagarra'i Puang Isa joo setang, na te'da naeloranni mangkada, nasaba' naissen setang kumua Raja Mangpasalama' to Puang Isa.

Lukas 5:14

Napangnganggai Puang Isa ncuritai joo kajajian lako tau laen, nakuanni, “Maleko lako imang jao kota Yerusalem, mupeta'dai napattantui kumua malagah tonganmoko. Mumane' mpugauk tooi to karoba kamalagaranmu situru' atoranna Nabi Musa, namenjaji butti lako sininna tau.”

Lukas 8:56

Jangngah to tomatuanna ngkitai joo kajajian. Apa naanggai Puang Isa kumua danggi' naden tau napauan.

Lukas 9:21

Napakainga'mi Puang Isa to anak gurun-Na kumua danggi' naden tau napauan kumua Iamo Raja Mangpasalama'.

Yahya 5:41

Te'da kuparallu nakasiri' tolino.

Yahya 7:18

Na ia to tompangpangngajaran ia kamaccanna, iamo to nnangaranra kadipujian kalena. Apa ia to tonnangaran kadipujian to tossuai, iamo to maruruh penawa, to te'da namangnguraga.

Yahya 8:50

Tangngia Aku' nnangaran kadipujian kale-Ku', apa Puang Allataalara to mpujina'. Na tongan to kanapujian-Ku'.