Matius 8:20 - Alkitab Duri

²⁰ Mebalimi nakua, “Cinggallun den ia lo'ko'na, sola manuk-manuk den ia serangna, apa ia tee Aku', Anak Mentolino, te'da ngenan kunii mamma'.”

Matius 8:20 ပူးပေါင်းရင်းမြစ်များ

Daniel 7:13

Kukita tarruh lan tindoku' joo bongi, na den kukita susi Anak Mentolino ratu jao mai langi' nabombonni saleu', nadisolan male mangngolo lako Puang to tuo te'da anggena.

Matius 12:32

Ia ke den tau nnewa kadana' tee Aku', Anak Mentolino, wa'dingpa didampangan, apa ia to toncapa' Roh Allataala, te'damo nawa'ding didampangan, la ia tee too, la jiona ahera'!”

Matius 12:40

Susi Nabi Yunus torro lan ba'tang bale tallung allo tallung bongi, susi toomi la jaji lako tee Aku', Anak Mentolino, la torrona' lan lamunan tallung allo tallung bongi.

Matius 13:37

Mebalimi Puang Isa nakua, “Ia to pangngamboh banne melo, Aku' bang unamo, Anak Mentolino.

Matius 16:13

Malemi Puang Isa lako siandahna kota Kaisarea Filipi. Ia tonna ratumo lako, nakutanaimi to anak gurun-Na nakua, “Ia ke pahangna tau, indara nasanganna' tee Aku', Anak Mentolino?”

Matius 16:27

Te'damo namasai kuratu, Aku' Anak Mentolino sola malaeka'-Ku', angkupupangngarrangngi to kamala'biran-Na Ambe'-Ku'. Ia joo wattu la kunii mbenni assele' panggaukanna to tolino.

Matius 17:9

Ia tonna solohmo jao mai buntu, napakainga'mi Puang Isa nakua, “Ia ke dipatuo pole'mo' jio mai kamatean tee Aku', Anak Mentolino, mane'ri wa'ding mipauan tau to apa mangka mikita.”

Matius 19:28

Nakuamo Puang Isa lako anak gurun-Na, “La miingaran tee kadang-Ku' kumua, lan Lino Barun-Na Puang Allataala, ia tee Aku', Anak Mentolino, la cumadokkona' jao cadokkoan kaminang mala'bih! Iamo joo wattu milacumadokko toda jao sangpulo dua cadokkoan mala'bih la mparenta sangpulo dua pangrapuanna to-Israel.

Markus 8:38

Ia to tongkasirisanna' na te'da naakui to pangngajaran-Ku' lan tee wattu to nanii gaja' sipa'na natangmatappa' ngasanmo to tau, la kukasirisan todai tee Aku', Anak Mentolino, ke ratuna' sola malaeka'-Ku', mpupangngarrang kamala'biran-Na Ambe'-Ku'.

Lukas 12:8

Mangkada unapa Puang Isa nakua, “La miingaran kumua, ia to tonnakuina' jio olona tobuda kumua tomenturu'i lako kale-Ku', la kuakui todai to Aku', Anak Mentolino, jio olona malaeka'-Na Puang Allataala.

Lukas 18:8

La miingaran! La madoi'i Ia ntulungngi. Apa ia ke ratuna' Aku', Anak Mentolino, la den unaraka tau kuampa' lan tee lino to matappa' lako kaleku'?”

Lukas 2:12

Iamo tee buttinna, la nnampa' kamu' mesa' pea dikalemu'i na dipamamma' jiong kandean olok-olok.”

Lukas 2:16

Naparri-parrimi male, anna ampa'i to Maryam sola Yusuf, na ia joo pea mamma' jiong kandean olok-olok.

Lukas 2:7

Njajianmi pea muane, anak pamungahna, nakalemu'imi, napamamma'i jiong kandean olok-olok susi issong londe to nanii jarame, sanga te'damo ngenan nanii mangbongi.

Lukas 21:36

Majaga kamu', mimassambajang, ammimawatang nnoloi sininna to apa la jaji, miwa'ding mangngolo lako Aku', Anak Mentolino.”

Lukas 8:3

Susi too Yohana, bainena Khuza. (Ia to Khuza nnurusu' doi'na Raja Herodes.) Den tooi Susanna na ba'tu pira-pirapa baine laenna. Ia tuu lako baine pada mpasadia kaparalluanna Puang Isa sola anak gurun-Na mpake kasugiranna.

Lukas 9:58

Mebalimi nakua, “Cinggallun den ia lo'ko'na, sola manuk-manuk den ia serangna, apa ia tee Aku', Anak Mentolino, te'da ngenan kunii mamma'.”

Yahya 1:51

Nakuapa Puang Isa ngkuanni tuu lako tau, “La miingaran tee kadang-Ku' kumua, la mikita to langi' titimbak na ia to malaeka'-Na Puang Allataala lao lisu jao mai langi' ratu lako Aku', Anak Mentolino.”

Yahya 12:34

Nakua to tobuda ngkuanni, “Menuru' to diuki' lan Sura' Allataala, ia to Raja Mangpasalama' la tuo te'da cappa'na. Matumbai takua kumua ia to Anak Mentolino la dipamajao lan lino? Indara pale' joo Anak Mentolino?”

Yahya 13:31

Ia tonna malemo Yudas, mangkadami Puang Isa nakua, “La dipakala'bihmo' tee too Aku', Anak Mentolino. Na dipakala'bih tooi to Puang Allataala, nasaba' Aku'.

Yahya 3:13

Na moi mesa' tau te'dapa ia endek de' suruga, apa mane' Aku'ra tee, Anak Mentolino, to pole jaomo mai.

Yahya 3:14

Susi Nabi Musa tonna palakoi kaju to ulah tambaga napamajaoi jio padang pallawangan tonna anu', susi toda Aku' Anak Mentolino, la dipamajaona',

Yahya 6:27

Danggi' mimangjama nnangahhi to kande la cappu' ba'tu buruk. Apa iara miangah to kande te'da nalaburuk, to la mben kamu' katuoan melo te'da cappa'na. Ia joo kande, iamo to la kuben kamu' Aku', Anak Mentolino, sanga mangka napangpeissenan Ambe'-Ku' Puang Allataala kumua natarimana'.”

Yahya 6:53

Iamo joo nakua Puang Isa ngkuanni, “La mikatappa'i kumua, ia ke te'da mikandei to batang kale-Ku' na te'da miiso'i to rara-Ku' Aku', Anak Mentolino, te'da miampui katuoan tongan.

Yahya 6:62

Na umbomo susi jajinna ke mikitana' Aku', Anak Mentolino, endek pole' de' ngenan jolo-Ku'!

Jamanna Rasulu' 7:56

Mangkadai nakua, “Wah, ngkitana' langi' titimbak na pajan to Anak Mentolino ke'deh jio sa'de kanan-Na Puang Allataala!”

2 Korintus 8:9

Miissen kumua gaja napakamoja' kamu' Puangta' Puang Isa Almaseh. Sugih Ia, apa mpupengkaasi-asii kalena nasaba' kamu', anna ia joo kakaasi-asian-Na mpupessugih kamu'.