Matius 8:16 - Alkitab Duri

¹⁶ Ia tonna kabuhmo allo, budami tau ratu mbawa tonatamai setang sola tomasaki lako Puang Isa, na sangbukura kada napau, nnula'ii tuu lako setang lan kalena tau, napumalagah ngasanni to tomasaki.

Matius 8:16 ပူးပေါင်းရင်းမြစ်များ

Matius 12:22

Mangkai joo too, denmi tobuta na mamang too, nasaba' natamai setang, nabawa tau lako Puang Isa. Napapakitai sola napupangkada tooi.

Matius 14:14

Ia tonna mellaomo Puang Isa jao mai lopi, nakitami joo tobuda, anna masse penawan-Na. Napamalagahhi to tomasaki to ratu nasolan tau.

Matius 8:15

Nakaka'i Puang Isa to limanna, nata'pa malagah. Ke'dehmi, namale mpasadianni kande to Puang Isa.

Matius 8:33

Ia joo tomangrewa bai, sikinjarasanmi male tama kota, mpaui to apa mangka jaji lako joo dua tau natamai setang, napau tooi to bai simatean.

Matius 9:2

Denmi mesa' tokupi' nabulle tau lako Puang Isa, dipamamma' bang jiong ampah. Ia tonna issenmi Puang Isa matumba kamatapparanna tuu lako tau mangkadami lako joo tokupi', nakua, “Ee anak-Ku'! Pemalapuhhi penawammu. Didampanganmoko.”

Markus 2:3

Ia tonna mangngajahhimo Puang Isa denmi a'pa' tau ratu mbulle mesa' tokupi', la nabawa lako Puang Isa.

Markus 9:25

Ia joo wattu nakitami Puang Isa kumua sabuda-budannami tau sirempun, nagarra'i Puang Isa joo setang nakua, “Ee setang mamang sola mataru, messunko lan mai tee pea, danggi'mo mutamai pole'i.”

Lukas 13:12

Ia tonna kitami Puang Isa joo baine, natambaimi nakua, “Ee indo', la'pahmoko jio mai sopokkomu!”

Lukas 4:40

Ia tonna la kabuhmo allo, budami tau ratu mbawa sininna repokkona to mangrupa-rupa sakinna lako Puang Isa. Pada nakaka'i tuu lako tomasaki namalagah ngasan.

Lukas 4:41

Nnula'i tooi setang lan mai buda tau. Ia tuu lako setang messun lan mai tau ntandai Puang Isa anna metamba nakua, “Anak Allataalako!” Apa nagarra'i Puang Isa joo setang, na te'da naeloranni mangkada, nasaba' naissen setang kumua Raja Mangpasalama' to Puang Isa.

Jamanna Rasulu' 5:15

Susimi joo, to tanda mejangngaran napugauk rasulu', arannai ia to tomasaki dikolong lako randan lalan nadipajao katindoan iarika ampah, dikua na moi bajo-bajona bangra Petrus ngkannai ke nnola jioi, wa'ding napumalagah tomasaki.