Matius 8:13 - Alkitab Duri

¹³ Mangkai joo too, nakuamo Puang Isa lako joo komandan, “Polemoko. Apa to mukatappa'i, iamo la jaji.” Ia joo wattu ta'pa malagahmi to kaunanna.

Matius 8:13 ပူးပေါင်းရင်းမြစ်များ

Matius 15:28

Nakuanmi, “Ee, indo', matappa' tonganko! La jaji to mupeta'da.” Ia joo wattu ta'pa malagah bang unami joo anakkana.

Matius 17:20

Mebalimi nakua, “Malammai to kamatapparanmi. La miingaran tee kadang-Ku' kumua, ia ke denni kamatapparanmi moi pada bangra lise' sawi, wa'ding kamu' kumua lako tee buntu, ‘Tiangka'ko lako ntuu joo’, nang la tiangka' ia. Te'da to apa tanglamikulle mipugauk. [

Matius 8:4

Nakuamo Puang Isa, “Danggi' lalo mucuritai moi lako mesa' tau, apa maleko lako imang jao kota Yerusalem, mupeta'dai napattantui kumua malagah tonganmoko! Mumane' mpugauk tooi to karoba kamalagaranmu situru' atoranna Nabi Musa, namenjaji butti lako sininna tau.”

Matius 9:22

Ta'pa messailemi to Puang Isa nakitai joo baine, namangkada nakua, “Ee, anak-Ku', pemawatangngii to penawammu! Malagahmoko, nasaba' mukatappa'ina'!” Ia joo wattu ta'pa malagahmi.

Markus 7:29

Nakuamo Puang Isa, “Paela'mi mupole, sanga makassing to pebalimmu. Messunmi joo setang lan mai anakkamu.”

Markus 9:23

Mebalimi Puang Isa nakua, “Ah, apa mukua? Ia ke kukullei? Moi apa nang la jaji, ke nakatappa'i tonganna' tau.”

Yahya 4:50

Nakuamo Puang Isa lako, “Polemoko, malagahmi to anakkamu.” Nakatappa'i joo tau to kadan-Na Puang Isa, napole.