Matius 8:10 - Alkitab Duri

¹⁰ Jangngahmi Puang Isa ssa'dingngi joo kadanna. Messailemi anna mangkada lako tobuda to undi nturu'i nakua, “La miingaran tee kadang-Ku' kumua, liwa' matappa' tee tau! Te'dapa tau kuampa' kamatapparan susi tee, moi lan tangnga-tangngana to-Israel!

Matius 8:10 ပူးပေါင်းရင်းမြစ်များ

Matius 15:28

Nakuanmi, “Ee, indo', matappa' tonganko! La jaji to mupeta'da.” Ia joo wattu ta'pa malagah bang unami joo anakkana.

Matius 8:11

La miingaran! Buda tau tangngia to-Yahudi la ratu jio mai kadellekan sola jio mai kalambunan, na la mangmaroah-roah sola Nabi Ibrahim, Ishak, na Yakub lan Lino Barun-Na Puang Allataala.

Matius 8:9

Nasaba' ia tee aku' tonturu'na' parentana tomparentana', na den toda surudadu kuparenta to nturu' parentaku'. Ia angkusuai to surudadu kumua, ‘Maleko!’, nang la malei, na ia angkukua lako to laenna, ‘Maleko mai!’ nang la ratui. Na ia angkusuai to kaunanku' kumua, ‘Pugaukki tee!’ nang la napugaukki ia.”

Lukas 5:20

Ia tonna issenmi Puang Isa matumba kamatapparanna tuu lako tau, mangkadami lako joo tokupi', nakua, “Ee todipusile'to, didampanganmoko.”

Lukas 7:50

Apa nakua Puang Isa lako joo baine, “Dipasalama'moko, nasaba' mukatappa'ina'. Paela'-ela' bangmoko lako lalan!”

Lukas 7:9

Jangngah Puang Isa ssa'dingngi joo kadanna. Messailemi anna mangkada lako tobuda to undi nturu'i nakua, “La miingaran! Liwa' matappa' tee tau! Te'dapa tau kuampa' kamatapparan susi tee, moi lan tangnga-tangngana to-Israel.”

Jamanna Rasulu' 2:7

Liwa'i takkajanna' nakua, “Oo, tangto-Galilea ngasanraka tee mangkada?