Matius 7:25 - Alkitab Duri

²⁵ Ianna uran rambak nasaba' to wai, namangngiri' to angin bara' ssiokki joo bola, te'da naro'pok, nasaba' dipake'dehhi jao pondasi batu.

Matius 7:25 ပူးပေါင်းရင်းမြစ်များ

Kada Bulawan 10:25

Ia ke naratuii angin bara' ta'pa lanynya'i to togaja', apa te'da lalo natigesu' to tomakassing.

Matius 16:18

Iamo joo, kusangai tooko Petrus, battuananna batu mawatang. Susi batu ariri dinii mpake'deh bola namawatang, susi toomi kusuako la mpemawatangngi tomatappa' lako Aku' na moi kamatean te'da nalantaloii.

Matius 7:24

Mangngajahhimi Puang Isa nakua, “Iamo joo, ia to tompesa'dingngii tee kadang-Ku', napugaukki, iamo dipasusi tomandalan tangngah to mpake'deh bolana jao pondasi batu.

Matius 7:26

Apa ia to tossa'ding kadang-Ku', na te'da napugaukki, iamo dipasusi tobango' mpake'deh bolana jao bungin.

Matius 7:27

Ianna uran rambakmo nasaba' to wai, namangngiri' to angin bara' ssiokki joo bola, ta'pa ro'pokmi.”

Jamanna Rasulu' 14:22

Napamawatang ngasan penawanna to tomatappa' lan simesa'-mesa' kota, dikua anna tatta' to kamatapparanna. Nakuanni, “La buda kamaparrisan diolai, tamane' mentama Lino Barun-Na Puang Allataala.”

Efesus 3:17

Ia ke susimi joo, mari'pihmi Almaseh lan penawammi, nasaba' matappa' kamu' lako kale-Na. Massambajang toona' kumua moi apa mipugauk, mipugaukki nasaba' pangpakamoja'.

Kolose 2:7

La tatta' kamu' memmesa' sola Almaseh, mirannuanni. La samatappa'-tappa'na toomo kamu' lako Almaseh, susi to mangka diajaran kamu'. La tuli mangkurru sumanga' too kamu' lako Almaseh.

Yakub 1:12

Masannang to tatta' matappa', nasaba' te'da namadoang dipatuju sala mpugauk dosa. Sanga la ntarima pahalana, iamo to katuoan melo mangka napasadia Puang Allataala lako to tompakamoja'i.

1 Petrus 1:5

La naben ngasan kamu' joo, nasaba' matappa' kamu' lako Puang Allataala. Jaji, naampai kamu' kuasan-Na Puang Allataala, ammitarima kasalamatan to sadiamo la naben kamu' ke Kiama'mi lino.

1 Petrus 1:7

Na ia joo kamaparrisan miperasai la menjaji butti kumua matappa' tongan kamu' lako Puang Isa Almaseh. Ia to bulawan disa'poi anna diissen kumua massangraka bulawan iarika tangngia. Susimi joo nadiparessa too to kamatapparanmi. Na ia joo kamatapparanmi la'bih keangga' na ia to bulawan la lanynya'. Na ia ke mangkamo kamu' diparessa, la napuji, la napamatande sola la napakala'bih kamu' Puang Allataala, ke ratu pole'mi Puang Isa Almaseh.

1 Yahya 2:19

Ia to tonnewa Almaseh solata' jolona, apa sitonganna tangngia solata'. Ia ke solata'i, tantu torro unapi ssolanki'. Apa messarakki jio mai kita', anna manassa kumua moi mesa' jio mai tuu lako tau tangngia solata'.