Matius 7:24 - Alkitab Duri

²⁴ Mangngajahhimi Puang Isa nakua, “Iamo joo, ia to tompesa'dingngii tee kadang-Ku', napugaukki, iamo dipasusi tomandalan tangngah to mpake'deh bolana jao pondasi batu.

Matius 7:24 ပူးပေါင်းရင်းမြစ်များ

Kada Bulawan 10:25

Ia ke naratuii angin bara' ta'pa lanynya'i to togaja', apa te'da lalo natigesu' to tomakassing.

Kada Bulawan 10:8

Ia to tomacca ntarima melo pangpakainga', apa ia to tomangkada tangkebattuan la masolang.

Kada Bulawan 12:7

Ia to togaja', la dilanynya'i na te'da lalomo dikita, apa ia to tomakassing, tatta' mawatang llan katuoanna ratu lako bati'na.

Kada Bulawan 14:8

Macca to tomelo akkalanna, sanga naissen to la napugauk, apa ia to tobattuk napakena kabangosanna.

Matius 12:50

Inda-inda to tompugauk pakkaeloran-Na Ambe'-Ku' jao suruga, iamo sile'to-Ku' sola indo-Ku'.”

Matius 16:18

Iamo joo, kusangai tooko Petrus, battuananna batu mawatang. Susi batu ariri dinii mpake'deh bola namawatang, susi toomi kusuako la mpemawatangngi tomatappa' lako Aku' na moi kamatean te'da nalantaloii.

Matius 24:45

Mangkadami Puang Isa nakua, “Susinna ke den kaunan melo to wa'ding dikatappa'i, iamo la naben kuasa puangna ngkapalai kaunan laenna, nabenni kande ke wattu kakumandeanmi.

Matius 25:2

Lima ana'dara bango', na lima ana'dara macca.

Matius 25:4

Na ia to lima macca, buda ia minynyak nabawa.

Matius 25:9

Mebalimi tuu lako ana'dara macca nakua, ‘Te'da kilampangbenni, nasaba' te'da dau naganna' kipake. Male kamu' nnallii.’

Matius 7:25

Ianna uran rambak nasaba' to wai, namangngiri' to angin bara' ssiokki joo bola, te'da naro'pok, nasaba' dipake'dehhi jao pondasi batu.

Matius 7:26

Apa ia to tossa'ding kadang-Ku', na te'da napugaukki, iamo dipasusi tobango' mpake'deh bolana jao bungin.

Lukas 11:28

Apa mebalimi Puang Isa nakua, “La'bih masannang pole' opa to tompesa'dingngi kadan-Na Puang Allataala napugaukki!”

Yahya 13:17

Miissen ngasanmo tee, na masannangmo kamu' ke mipugaukki.

Yahya 14:15

Mpatarruhhi kadan-Na Puang Isa nakua, “Ia ke mipakamoja'na', la mituru' ngasan to parenta-Ku'.

Yahya 15:10

Ia ke mituru'i to pakkaeloran-Ku', la da'tanna' mpakamoja' kamu', susi Ambe' da'tan mpakamoja'na', sanga nturu'na' pakkaeloran-Na.

Yahya 15:14

Kusangamo kamu' soba'-Ku', ke mipugaukki to kuparentan kamu'.

Roma 2:13

Tangngia tossa'ding manda atoranna Nabi Musa to napupenjaji tomelo Puang Allataala, apa iara to mpugaukki joo atoran.

1 Yahya 2:3

Ia ke nturu'ki' parenta-Na Puang Allataala, iamo tandana kumua nnissenmiki' Puang Allataala.