Matius 7:19 - Alkitab Duri

¹⁹ Ia to kaju gaja' buanna, la dita'bangngi ngasan, nadisumpun.

Matius 7:19 ပူးပေါင်းရင်းမြစ်များ

Daniel 4:14

Napeandongngi gamaranna nakua, “Ta'bangngi joo barana' sola petangkei tooi. Rondo'i nasisamboran to daunna nasipolloran to buanna! Ake'mo namalai to olok-olok mentiongan jiong garonto'na joo barana' na simentiasan to manuk-manuk jio mai tangkena.

Matius 3:10

Sadiamo Puang Allataala la ncalla kamu', susi to garonto' kaju dipasadian wase jiong garonto'na la dita'banganni. Sininna garonto' kaju to te'da namembua melo la dita'bangngi nadica'bean tama api.

Matius 7:18

Te'da nakullei to kaju melo la gaja' buanna, ba'tu kaju gaja' la melo buanna.

Lukas 3:9

Sadiamo Puang Allataala la ncalla kamu', susi to garonto' kaju dipasadian wase jiong garonto'na la dita'banganni. Sininna garonto' kaju to te'da namembua melo la dita'bang nadica'bean tama api.”

Titus 3:14

Makassing ke sininna solata' tomatappa' melajah mpugaukki to apa melo anna angahhi to naparalluinna, danggi' natuo te'da bua'na.

Ibrani 6:8

Apa ia to padang ke natuoii dea sola duri, te'da bua'na. La natampakki ropu Puang Allataala na undinna la disumpun.

Yudas 1:12

Te'da namelo sipa'na tuu lako guru tangtongan. Ia ke kumande kamu' sola lan kasirempunanmi, liwa' maullak tuu lako tau na tangnnissen siri'. Mpangngundaran mesa kalena, te'da naingaranni kumua denpa tau laen. Ia tuu lako tau susii saleu' makase nairi' angin apa te'da nampaden uran. Susi tooi garonto' kaju te'da namembua, moi nawattunnamo la membua. Susi tooi garonto' kaju mangkamo direbu' sintong waka' namate.