Matius 6:9 - Alkitab Duri

⁹ Jaji, ia ammimassambajang, la mikua susi tee: Oo, Ambe'ki', Puang Allataala jao suruga. Dennaa upa' na sininna tau mpakala'bihki',

Matius 6:9 ပူးပေါင်းရင်းမြစ်များ

Matius 10:29

Mesa'ra de'pen allinna ke dua denah, apa moi mesa' te'da nakullei mate, ke te'da napuelohhi Ambe'mi Puang Allataala.

Matius 23:9

Danggi' naden mesa' tau lan lino mitambai ‘Ambe'’, nasaba' mesa'ra Ambe'mi, iamo to Ambe' jao suruga.

Matius 26:29

La miingaran! Mammula tee too, te'damo kulanniso' pole'pa anggoro', ke te'dapi namangparenta Ambe'-Ku', Puang Allataala susi Raja, antasola nniso' anggoro' baru lan Lino Barun-Na.”

Matius 26:42

Male pole' omi massambajang nakua, “Oo Ambe', ia ke te'da nalatilendok tee kamaparrisan jio mai kale-Ku', apa nang la kupassanni, pakkaeloran-Na Ambe' to jaji.”

Matius 5:16

Iamo joo, pemakassingngimi tuu panggaukanmi nturu' Puang, nakitai tau susi lampu nnarrangngi tau, nawa'ding nnissenni to kameloan-Na Ambe'mi Puang Allataala jao suruga.”

Matius 5:48

Ia to Ambe'mi Puang Allataala jao suruga mpakamoja' sininna tolino. Iamo joo la susi toda mipugauk.”

Matius 6:14

Ia ke midampanganni to tokasalan lako kalemi, manassa kumua nadampangan toda kamu' Ambe'mi Puang Allataala jao suruga.

Matius 6:6

Apa ia ke massambajang kamu', mentama kamu' sapa', misalli'i, mimane' massambajang lako Ambe'mi Puang Allataala, to tangnakita mata. Na ia to mipugaukkuna nakita Ambe'mi Puang Allataala, to la ben kamu' pahalami.

Matius 7:11

Jaji, moi mitogaja', la miissen mbenni to melona lako anakkami, apa pole'raka to Ambe'mi Puang Allataala jao suruga la mben kamu' to miparalluinna, ke meta'da kamu'.

Lukas 15:18

La mangpangngujumo' pole lako ambe'ku', kukuanni: Oo Ambe', madosamo' lako Puang Allataala na lako kita'.

Lukas 15:21

Nakuamo joo anakkana, ‘Oo Ambe', madosamo' lako Puang Allataala na lako ambe'. Tangsipato'mo' disanga anakkana ambe'.’

Lukas 2:14

“Pakala'bih Puang Allataala to makuasa jao suruga! Sikalino to tolino to napumasannang!”

Yahya 20:17

Nakua Puang Isa ngkuanni, “Danggi' kaka'na', nasaba' te'dapa kumale de' Ambe'. Apa malemoko lako sile'to-Ku', mupauanni kumua la polemo' de' Ambe'-Ku', na Ambe'na too, Puang-Ku' na Puangna.”

Roma 1:7

Iami joo na aku' Paulus nnukiran kamu' tee sura' mati'. Dennaa upa' nabarakka'i kamu' Ambe'ta' Puang Allataala sola Puang Isa Almaseh, naben kamu' kamasannangan.

Roma 8:15

Ia to Roh Allataala, to nabenki' Puang, te'da napukaunanki', anna te'da takalaja'i. Sibalikanna ia to Roh Allataala mpupenjajiki' anak Allataala, antawa'ding kumua lako Puang: “Ambe', ie' Ambe'ku'!”

Galatia 1:1

Ia tee sura' pole jio mai aku', Paulus, sola padanta' tomatappa' to kusolan, kikiring lako jamaa jio tana Galatia. Ia tee aku' mesa' rasulu' tangngia napilei tolino, tangngia too nasua tolino, apa nasuana' Puang Isa Almaseh sola Ambe' Puang Allataala, to mangka mpatuo Puang Isa jio mai kamatean.

Galatia 4:6

Nasuai Puang Allataala to Roh-Na Anak Allataala torro lan penawammi, sanga napuanakmo kamu'. Na ia to Roh-Na Anak Allataala mpusaba'i tametamba kumua, “Oo, Ambe'ku'!”

1 Timotius 6:16

Ia manda to te'da nataloii kamatean. Moi mesa' tau te'da ssarai ngkandoppi'i to arrang nanii torro. Moi mesa' tau te'da ngkitai, nang la te'da tau ngkitai. Iamo tomakuasa dipakala'bih te'da cappa'na. Amin.

1 Petrus 1:17

Ia ke massambajang kamu' lako Puang Allataala mekaambe' kamu'. Iamo joo la mikalaja' mikasiri'i, ke tuo unapa kamu' lan tee lino. Ia toomo Puang to tangmangpasilaenan rra'tah kara-karana tolino situru' panggaukanna.

Pengkitanna Yahya 4:11

“Oo, Puangki' Puang Allataala to kisompa! Kita' manda to sipato' ntarima passompa, kamala'biran na kuasa. Nasaba' Kita'mo mpaden ngasanni to sininna apa, na den ngasanmo, natuo, nasaba' pakkaeloran-Ta'.”

Pengkitanna Yahya 5:12

makkelong nnandongngi gamaranna nakua, “Ia joo Anak Bembala' mangka digere', sipato' ntarima kuasa, kasugiran, kapaissenan sola kamawatangan. Nang sipato' ia dikasiri', dipakala'bih, na dipuji.”