Matius 6:5 - Alkitab Duri

⁵ Mangngajahhimi Puang Isa nakua, “Ia ammimassambajang, danggi' misusi tomajekkong. Ia to tau susi tuu lako nakabudai massambajang lan bola passambajangan sola jio too pangpasitammuan lalan, dikua nakitai tau. La miingaran tee kadang-Ku' kumua, mangkami ia natarima to pahalana!

Matius 6:5 ပူးပေါင်းရင်းမြစ်များ

Kada Bulawan 15:8

Ia to passambajangna to tomaruruh penawanna, Natarima Puang Allataala apa Nakaba'ci to passompana togaja'.

Kada Bulawan 16:5

Sininna to tomatampo Nakaba'ci Puang Allataala, na nang te'da Naeloranni la'pah jio mai pangsessa.

Daniel 6:10

Arannai dipasun tongan to sura' parenta natekenni Raja Darius.

Matius 21:22

Apa to mipeta'da ke massambajang kamu', la diben kamu', ke matappa' tongan kamu'.”

Matius 23:13

Nakua omo Puang Isa mpatarruh kadanna, “Macilaka kamu' to guru agama sola to-Farisi, nasaba' tomajekkong kamu'! Tangmieloran to tau menjaji umma'-Na Puang Allataala. Te'da mimadoang menjaji umma'-Na, na ia to tomadoang kannori mianggai. [

Matius 23:5

Ia ngasan to panggaukanna napangpekitan bangri lako tau. Iamo joo na ia to pakean tanda kamatapparanna, susinna to rombe-rombe bajunna dipemalandoi, na ia to karappe' dinii nnanna aya' Sura' Allataala napematonggoi.

Matius 23:6

Gaja nakabudai cumadokko jio olo lan bola passambajangan na ngenan kata'pan mata jio pangramean.

Matius 6:1

Mangngajahhimi Puang Isa nakua, “Danggi' mipugauk panggaukan melo ke la mipangpekitanri lako tau, dikua napuji kamu'. Ia ammimanggauk susi joo, te'da miampa'i to pahalami jio mai Ambe'mi Puang Allataala jao suruga.

Matius 6:16

Mangngajahhimi Puang Isa nakua, “Ia ammipuasa, danggi' mimenggamuru bang susi tomajekkong. Ia to tau susi joo naanggai' bang tangmendau', dikua naissenni tau kumua puasai. La miingaran tee kadang-Ku' kumua, mangkami ia ntarimai to pahalana!

Matius 6:2

Jaji, ia ammimangpangben, danggi' mipau-paui susi tomajekkong. Ia to tau susi tuu lako nakabudai mpugauk panggaukan makassing lan bola passambajangan, ba'tu jio lalan maroah, dikua nakitai tau napujii. La miingaran tee kadang-Ku' kumua, mangkami ia natarima to pahalana.

Matius 9:38

Iamo joo peta'dai lako to ampunna uma, nasuai to tau male mpepareanni!”

Markus 11:25

Na ia ammimassambajang, na den tau mipemannan, dampanganni jolo', anna dampangan toda kamu' Ambe'mi jao suruga. [

Markus 12:38

Nakuanmi Puang Isa, “Majaga kamu' lako guru agama! Nakabudai bang male lumingka mangbaju lando tandana kumua todikasiri', namadoang bang ditaratte' jio pasa'.

Lukas 11:43

Ee to-Farisi, tomacilaka kamu'! Gaja mikabudai cumadokko jio olo lan bola passambajangan, na madoang bang ditaratte' jio pasa'.

Lukas 18:1

Napauan pole' omi pangpasusian Puang Isa to anak gurun-Na la mpamanassai kumua danggi' naka'tu rannu sola marosso massambajang lako Puang Allataala.

Lukas 18:13

Apa ia joo passassung ke'deh mambela-bela bang. Moi mentingngara de' langi' tangnasara, apa ssauru'i babara'na, nakua, ‘Oo Puang Allataala, kamaseina' dikka' aku' tee mesa'na' tomadosa!’

Lukas 20:47

Nauraga bang to baine matemo muanena, narampai to ewananna. Naanggai' bang too mpemalandoi passambajangna to nanii mpembunianan panggaukan gaja'na. Ia to tosusi joo la la'bih mabanda' to sessana.”

Lukas 6:24

Apa macilaka kamu' to sugih, nasaba' mangkamo miampa' to kamasannangan lan kasugiranmi.

Yahya 16:24

Naratu lako too allo, te'dapa mipeta'dai to apa lako Ambe' mpau sangang-Ku'. Peta'dai ammidiben, nasukku' to kamasannanganmi!”

Efesus 6:18

Ia ke nnewa kamu' Ballisi', la massambajang tarruh bang kamu' mpeta'da pangtulung-Na Puang Allataala. La massambajang kamu' situru' pangpatujun-Na Roh Allataala. Danggi' mipajaii massambajang. Passambajanganni to sininna umma'-Na Puang Allataala.

1 Tesalonika 5:17

Mituli massambajang.

Yakub 4:6

Moi nasusi joo, la'bih makuasa ia to pammase-Na Puang Allataala na ia to kamadoangan penawanta'. Iamo joo naden too diuki' lan Sura' Allataala kumua, “Naewa Puang Allataala to tomatampo, apa nakamasei to tompamajiong kalena.”