Matius 6:18 - Alkitab Duri

¹⁸ danggi' naissenni tau kumua puasa kamu', na Ambe'mi manda Puang Allataala to tangnakita mata, la nnissenni, to la mben kamu' pahalami.”

Matius 6:18 ပူးပေါင်းရင်းမြစ်များ

Matius 6:4

Ma'na bangmo te'da tau nnissenni to mipugaukkuna, saliwanna Ambe'mi Puang Allataala jao suruga to ngkita apa membuni, na la mben kamu' pahalami.”

Matius 6:6

Apa ia ke massambajang kamu', mentama kamu' sapa', misalli'i, mimane' massambajang lako Ambe'mi Puang Allataala, to tangnakita mata. Na ia to mipugaukkuna nakita Ambe'mi Puang Allataala, to la ben kamu' pahalami.

Roma 2:6

Pada la napabalahhiki' Puang Allataala situru' apa to tapugauk.

2 Korintus 10:18

Nasaba' ia to tompuji kalena, te'da naissenni kumua la natarimaraka Puang Allataala. Iara to tonapuji Puang Allataala nnissenni kumua natarimai Puang Allataala.

2 Korintus 5:9

Tapengkulle-kullei mpemasannangngi Puang, la lanpiki' tee batang kaleta', la jaomiki' suruga sola.

1 Petrus 1:7

Na ia joo kamaparrisan miperasai la menjaji butti kumua matappa' tongan kamu' lako Puang Isa Almaseh. Ia to bulawan disa'poi anna diissen kumua massangraka bulawan iarika tangngia. Susimi joo nadiparessa too to kamatapparanmi. Na ia joo kamatapparanmi la'bih keangga' na ia to bulawan la lanynya'. Na ia ke mangkamo kamu' diparessa, la napuji, la napamatande sola la napakala'bih kamu' Puang Allataala, ke ratu pole'mi Puang Isa Almaseh.

1 Petrus 2:13

La mituru' parentana sininna tomangparenta lan lino, nasaba' iamo nakadoangngi Puang. Mengkaturu' kamu' lako Tomaraja, nasaba' iara kaminang makuasa.