Matius 6:16 - Alkitab Duri

¹⁶ Mangngajahhimi Puang Isa nakua, “Ia ammipuasa, danggi' mimenggamuru bang susi tomajekkong. Ia to tau susi joo naanggai' bang tangmendau', dikua naissenni tau kumua puasai. La miingaran tee kadang-Ku' kumua, mangkami ia ntarimai to pahalana!

Matius 6:16 ပူးပေါင်းရင်းမြစ်များ

Ester 4:16

“Pasirempunni to sininna to-Yahudi inde' kota Susan anna passambajanganna'. Napuasa, tallung allo tallung bongi. Moi aku' sola to ana'dara mparakaina' la puasa too. Mangkai joo too la mangngolomo' lako raja, moi nate'da nasituru' atoran karajaan. Ia ke nang la kupumatei, ake'mo kumate!”

Daniel 9:3

Iamo joo kumentingngara massambajang meta'da lako Puang Allataala, kupuasa too sola mpake kaen karung, kucumadokko jao au, nasaba' kamasseanna penawangku'.

Matius 6:1

Mangngajahhimi Puang Isa nakua, “Danggi' mipugauk panggaukan melo ke la mipangpekitanri lako tau, dikua napuji kamu'. Ia ammimanggauk susi joo, te'da miampa'i to pahalami jio mai Ambe'mi Puang Allataala jao suruga.

Matius 6:2

Jaji, ia ammimangpangben, danggi' mipau-paui susi tomajekkong. Ia to tau susi tuu lako nakabudai mpugauk panggaukan makassing lan bola passambajangan, ba'tu jio lalan maroah, dikua nakitai tau napujii. La miingaran tee kadang-Ku' kumua, mangkami ia natarima to pahalana.

Matius 6:5

Mangngajahhimi Puang Isa nakua, “Ia ammimassambajang, danggi' misusi tomajekkong. Ia to tau susi tuu lako nakabudai massambajang lan bola passambajangan sola jio too pangpasitammuan lalan, dikua nakitai tau. La miingaran tee kadang-Ku' kumua, mangkami ia natarima to pahalana!

Markus 2:18

Den pissen na ia to anak gurunna Nabi Yahya sola anak gurunna to-Farisi puasai. Denmi tau ratu lako Puang Isa mekutana nakua, “Ciapari na anak gurunna manda Nabi Yahya sola anak gurunna to-Farisi to puasa, na te'da ia to anak gurun-Ta'?”

Lukas 18:12

Penduanna' puasa sangminggu, angkupangben sangtawa sangpulona to assele' kuampa'.’

Lukas 2:37

namate muanena. Na ia tee wattu karuami pulona a'pa' taunna umuru'na. Te'da bang nasalai Bola Puang Allataala, massambajang na puasa ssompa tarruh Puang Allataala.

Jamanna Rasulu' 10:30

Napebalii Kornelius nakua, “Ntallung bongi, agi-agi tatte' tallu soloh allo susi tee, kumassambajang inde' bola. Tangdikalannai naden mesa' muane ta'pa ke'deh jio oloku'. Mangpakean cumbia'-bia',

Jamanna Rasulu' 14:23

Naangka' tooi Paulus sola Barnabas to pekaamberan lan simesa'-mesa' jamaa. Puasai sola massambajang jolo', namane' mpangbenni joo pekaamberan lako Puang to nakatappa'i.

1 Korintus 7:5

Danggi' micia' mamma' sola balimmi. Wa'ding una ke te'dai nalamasai, assalan misitujuimi sola dua, anna den wattummi massambajang lako Puang Allataala. Ianna dete'mi to wattu misitujui, pole pole'mo kamu' lako balimmi, sanga ia ke te'dai misusi joo, wa'ding kamu' nasede Ballisi' manggauk sala, ke te'da mikullei nta'tan kamadoanganmi.

2 Korintus 11:27

Gaja makkaresona', tangmekabo'jo'na' mangjama, pembudamo' tangmamma', tangkumande, tangmangngiso', puasa, macakke' na tangmangpakean.

2 Korintus 6:5

dirambikan, ditarungkukan ba'tu disigasa'ikan. Na kipengkullei tongan mangjama, biasakan tangmamma', biasa tookan tangkumande.