Matius 5:7 - Alkitab Duri

⁷ Masannang to tau ngkamasei padanna rupa tau, nasaba' la nakamasei too Puang Allataala.

Matius 5:7 ပူးပေါင်းရင်းမြစ်များ

Kada Bulawan 11:17

Ia to tomamase napumaupa', apa ia to tomasa'ga' ssessa kalena.

Kada Bulawan 11:25

Ia to totuli mangpangben la kala'bian, ia to tongkabudai mangtulung, la ditulung toda.

Kada Bulawan 14:21

Inda-inda ncapa' padanna rupa tau, mpugaukki dosa, apa inda-inda ngkamasei tokaasi-asi, la maupa'.

Kada Bulawan 19:17

Ia ke ngkamaseiki' tokaasi-asi, butung to mangpeindan lako Puang Allataala, na Puang Allataala Ia la mpabalahhi joo panggaukanta'.

Daniel 4:27

Ie', dennaa upa' na ia tee pangpakainga'ku' tapesa'dingngi, danggi'mo tapugauk kasalan, apa mpugaukki' kameloan. Pemambelaii kaleta' jio mai dosa antakamaseii to tomaparri'. Ia ke susimiki' joo, kamasannanganta' la dipatarruh.’

Markus 11:25

Na ia ammimassambajang, na den tau mipemannan, dampanganni jolo', anna dampangan toda kamu' Ambe'mi jao suruga. [

Lukas 6:35

Te'da nalasusi joo! Sibalikanna, pakamoja'i to ewalimmi, na la manggauk melo kamu' lako kalena. La mangpaindan kamu', na danggi'mo mitajanni to polena. Ia ke susii joo, la buda to pahalami, na la menjaji kamu' anak Puang Allataala Jao Majaona. Nasaba' melo to penawan-Na Puang Allataala lako totangnnissen mangkurru sumanga' na tomanggauk gaja'.

Roma 11:30

Ia tonna jolona tangmangpesa'ding kamu' lako Puang Allataala. Apa ia tee too didampanganmo kamu', sanga katangmangpesa'dinganna to-Yahudi.

1 Korintus 7:25

Ia to kamu' to te'dapa nakebali la kupau susi tee. Te'da kuampa' parenta jio mai Puang, apa ia tee pangngampa'ku' la kupau, nasaba' mangkana' napabarakkanni Puang kumua ia to kupau wa'ding dikatappa'i.

2 Korintus 4:1

Kiissen kumua Puang Allataala mpabarakkannikan tee jaman, nasaba' melo penawan-Na lako kami'. Iamo joo na te'da kika'tu rannu.

Efesus 4:32

Apa la sipemeloan penawa kamu', misikamasean, misidampangan too susi Puang Allataala ndampangan kamu' nasaba' Almaseh.

Kolose 3:12

Napakamoja' kamu' Puang Allataala na mangkamo kamu' napilei menjaji tau mesan-Na. Iamo joo la sikamasean kamu' padammi rupa tau, melo penawa, danggi' matampo, mangkada rampa' lako tau, sola sabbara' kamu'.

1 Timotius 1:13

moi kupau gaja'i tonna jolona angkupakario-rioi to tonturu'i. Apa nakamaseina' Puang Allataala, sanga ia joo wattu te'da kuissenni to apa kupugauk, nasaba' te'dapa kumatappa'.

1 Timotius 1:16

Apa sitonganna iamora joo nakamaseina' Puang Allataala, dikua napapajanni Puang Isa Almaseh to kasabbarasan-Na lako aku' tee toliwa' buda dosana. Napugaukki Puang Isa susi joo anna buda tau la ngkitai to kasabbarasan-Na lako tomadosa na memmatappa' lako kale-Na na nnampa' katuoan melo te'da cappa'na.

Ibrani 4:16

Iamo joo tapada mbaranian kaleta' mangngolo lako Puang Allataala to mpakamoja'ki'. Ia ke tapugaukki susi joo, la taperasai to pangkamasean-Na sola kameloan penawan-Na, nasaba' te'da namela' ntulungki' tontaparalluii.

Ibrani 6:10

Te'da natangmaruruh to Puang Allataala. Te'da natangnningaranni to apa mipugauk, iamo to pangpakamoja'mi to mipangpekitan lako kale-Na tommitulung padammi tomatappa', la jolona, la ia too allo.

Yakub 2:13

Ianna te'da takamasei padanta' rupa tau, te'da toda nakamaseiki' Puang Allataala ke dibicaraki'. Apa ia antakamasei padanta' rupa tau, te'da nalasessaki' Puang Allataala ke Kiama'mi lino.

Yakub 3:17

Apa ia to tonnampa' kamaccan pole jao mai, melo te'da caccana, sitarruhna sikabudan tau, mabassa, mangpasipatu, mangkamase, na tuli mpugauk kameloan, te'da narempe' sangbali na te'da too namajekkong.

1 Petrus 2:10

Ia tonna jolona tangngiapa kamu' umma'-Na Puang Allataala, apa ia tee too menjaji umma'-Namo kamu'. Ia tonna jolona te'da miperasaii to kamamasean-Na Puang Allataala, apa miperasaimo tee too.