Matius 5:4 - Alkitab Duri

⁴ Masannang to tau masussa penawa, nasaba' la napakatana Puang Allataala.

Matius 5:4 ပူးပေါင်းရင်းမြစ်များ

Lukas 16:25

Apa nakua Nabi Ibrahim, ‘Ee, anakku'! Ingaranni, mangkamoko llolongan tawa melomu tommutuo unapa. Susi todami Lazarus mangkami llolonganni to maparri'na. Apa ia tee too dipakatanami ia ntee, na iko omo llolonganni to maparri'na.

Lukas 6:21

Masannang kamu' to tangbarah tee too, nasaba' la dipebarahhi kamu'. Masannang kamu' to kumarrak tee too, nasaba' la metawa kamu'!

Lukas 6:25

Macilaka kamu' to barahmo tee too, nasaba' la tangbarah kamu'. Macilaka kamu' to metawamo tee too, nasaba' la masse penawammi mikumarrak.

Lukas 7:38

Ia tonna ratumo lako, malemi ke'deh jio boko'-Na Puang Isa nakumarrak jio to' aje-Na, anna bosokkii wai matanna. Napa'dii beluakkana joo aje-Na Puang Isa, anna udungngi, namane' ntua'i minynya'-minynya'.

Lukas 7:50

Apa nakua Puang Isa lako joo baine, “Dipasalama'moko, nasaba' mukatappa'ina'. Paela'-ela' bangmoko lako lalan!”

Yakub 1:12

Masannang to tatta' matappa', nasaba' te'da namadoang dipatuju sala mpugauk dosa. Sanga la ntarima pahalana, iamo to katuoan melo mangka napasadia Puang Allataala lako to tompakamoja'i.

Pengkitanna Yahya 21:4

Puangmo la mpa'dii to wai matanna, na te'damo to disanga kamatean, asse penawa, killak, kamasakian, te'da lalomo ia. Ia to apa jolo ta'de ngasanmi.”