Matius 5:39 - Alkitab Duri

³⁹ Apa kukuan kamu' kumua, danggi' mimangpabalahhi lako to tompa'dikki penawammi. Apa sibalikanna, ia ke den tau ssala'pai to popo kananmi, patananan pissenni to popo kairimmi.

Matius 5:39 ပူးပေါင်းရင်းမြစ်များ

Kada Bulawan 20:22

Danggi' mupabalahhii to tomangpanggaukan gaja' lako kalemu, sabbaraqko, Puang Allataala la ntulungko.

Kada Bulawan 24:29

Danggi' mumangkada kumua, “Ia to nagaukanna' tau, ia too la kugaukanni, la kupabalahhii to panggaukanna lako aku'.”

Matius 5:40

Ianna den tau ngkadoangngi bajummu anna parapa' kamu' lako to pangbicara, la miben pissenni to baju landomi.

Lukas 22:64

Nasapu'i to lindo-Na, namekutana lako, “Ee nabi! Tappuike', indara to njangguru'ko?”

Lukas 6:7

Ba'tu pira-pira guru agama sola to-Farisi la nnangah bang kasalanna Puang Isa anna wa'ding mparapa'i. Jaji, napesa' tarruhhi kumua ba'tu la mpamalagahhi tau ke Allo Katorroanni.

Yahya 18:23

Mebalimi Puang Isa nakua, “Ia ke denni sala to kupau, pauanna' umbonnara to sala. Apa ia ke tonganni to kupau, ciapari mutampelengna'?”

1 Korintus 6:7

Ia unapa tuu pada sipekka kamu' na mesa'mo kaditaloanmi. Ia pole' oraka to male kamu' siparapa' lako tomangra'tah to te'da namatappa'. Ciapari na te'da mipada ntaloan bangmo kalemi! La'biran ke dipaolai kamu' tangmaruruhna ba'tu diparugi kamu'!

1 Tesalonika 5:15

Jagaii na danggi' naden tau mangpabalahhi panggaukan gaja' na gaja'. Mipengkulle-kulleii ammituli mpugauk kameloan lako padammi tomatappa' na lako sininna tau.

Ibrani 12:4

Te'dapa kamu' mate nnewa dosa.

Yakub 5:6

Misessa mibuno tooi to tau te'da salana, apa te'da naewa kamu'.

1 Petrus 3:9

Ia ke denni tau mpugauk kagajatan lako kamu', danggi' mipabalahhii. Na ia ke denni tau ngkada-kadai kamu', danggi' too mipabalahhii. La'bih melo ke mipassambajanganni lako Puang Allataala nabarakka'ii joo tompugauk kagajatan. Napilei kamu' Puang Allataala menjaji umma'-Na ammipeta'danni barakka' to padammi rupa tau. Ia ke mipugaukmi susi joo, la nabarakka'i toda kamu' Puang Allataala.