Matius 5:30 - Alkitab Duri

³⁰ Ia ke lima kananmi ntumang kamu' mipugauk dosa, ta'takkii, ammica'beanni! La'biran, ke tangsukku'i to batang kalemi, na ia ke sukku'i, apa dipatama kamu' naraka.”

Matius 5:30 ပူးပေါင်းရင်းမြစ်များ

Matius 11:6

Masannang tongan to tau tangmenassan ntarimana'.”

Matius 13:21

Apa te'da natorro tongan lan penawanna na cingga'tu'ra natangnningaranmi. Ianna ratuimi kamasussan ba'tu kadipakario-rioan, sanga ia joo kada, ta'pa balik pole'mi.

Matius 16:23

Apa messailei Puang Isa nakuanni to Petrus, “Ee, Ballisi', palai laloko ntee! La mutumangna', nasaba' ia to pikkirisanmu, pikkirisan tolino ia, tangngia pikkirisan jio mai Puang Allataala.”

Matius 17:27

Apa dikua danggi' namabirih tee mai tau, malemoko mamekan lako randan tasik. Ia to bale bungah muala den doi' lan anga'na, alai tapamajaranni sola dua tama Bola Puang Allataala.”

Matius 18:8

Ia ke limammu ba'tu ajemu ntumangko mumadosa, ta'takkii ammuca'beanni, sanga la'biran ke menjaji tosalatampako, apa tuoko sola Puang Allataala, na ia ke sukku'i to kalemu, apa dipatamako api naraka dukku te'da cappa'na.

Matius 22:13

Nakuamo joo raja lako to kaunanna, ‘Pumpungngi to limanna sola ajena tee tau mica'beanni lako ngenan kaminang malillin. Ntuu jio ngenan nanii tau sikarrakan sola sunggarigi'.’ ”

Matius 25:20

Ia joo kaunan diben lima talenta napapolemi menjaji sangpulo talenta. Namangkada nakua, ‘Oo puang, takitai, lima talenta tabenna', nasumaro lima talenta.’

Matius 26:31

Mangkai joo too, nakuanmi Puang Isa to anak gurun-Na, “Ia tee bongi la misalaina' sola ngasan. Susi to kadan-Na Puang Allataala diuki' lan Sura' Allataala kumua, ‘La kubunoi to tomangrewana, anna sisarak-sarak to bembala'na.’

Matius 5:22

Apa kukuan kamu' kumua, ia to tomabirih lako padanna rupa tau, la dipangngoloi lako tomangra'tah kara-kara, na ia to tongkada-kadai padanna rupa tau la dipangngoloi lako tomangparenta, na ia to tomangkada lako padanna rupa tau kumua, ‘Te'da iko bua'mu,’ sipato' dibuang tama api naraka.

Matius 5:29

Jaji ianna mata kananmi ntumang kamu' mipugauk dosa, cukke'i, ammica'beanni! La'biran, ke tangsukku'i to batang kalemi, na ia ke sukku'i, apa dipatama kamu' naraka.

Markus 9:43

Ia ke limammu ntumangko mumadosa, ta'takkii, sanga la'biran ke menjaji tangsukku'ko, apa tuoko sola Puang Allataala, na ia ke sukku'i to kalemu, apa dipatamako naraka, to nanii api dukku tarruh. [

Lukas 12:5

La kupauan kamu' to sipato' la mikalaja': Malaja' kamu' lako Puang Allataala! Nasaba' ianna mangka mbuno kamu', makuasapa Ia mpatama kamu' naraka. Ingaranni, Ia mandara to parallu mikalaja'.

Lukas 17:2

La'bih melo ia, ke ditoke'ii batu pelullu' gose' to kollongna, naditallanan do' tasik, na ia ke pangkatumanganna nasala mesa'na tee mai pea biccuk na te'damo namatappa' lako Aku'.

Roma 9:33

susi to diuki' lan Sura' Allataala kumua, “Pesa'dingngii tee, ‘Den mesa' tau kupajio kota Sion to dipasangrapang batu katitodoan. Ia joo batu nanii titodo tau na buda tau nalolinan. Apa ia to tongkatappa'i, te'da naladipakasiri'.’ ”

1 Korintus 8:13

Iamo joo na ia ke la kandera napumadosa padangku' tomatappa', la'biran danggi' lalomo kukande juku'.

Galatia 5:11

Ee, tokupusile'to! Ia tee aku', ke kupangngajaran unapi kumua la disunna' to tau, ciapai nakaba'ci unapa' to-Yahudi? Ia ke susii joo, ia to kaju sitamben te'damo namenjaji katitumbukan, battuananna te'damo naparallu dipangngajaran kumua ia to kamatean-Na Puang Isa jao kaju sitamben, la mpupenjaji tomelo tau.

1 Petrus 2:8

Na “Iamo joo batu nanii titodo tau na buda tau nalolinan.” Titodoi tuu lako tau, nasaba' cia'i ngkatappa'ii to kadan-Na Puang Allataala. Susimi joo to pura napattantu Puang Allataala lako kalena.