Matius 5:26 - Alkitab Duri

²⁶ La miingaran tee kadang-Ku' kumua, ia ke te'dapi mibajahhi angge macerona to indanmi, te'da mikullei messun lan mai pangtarungkuan!”

Matius 5:26 ပူးပေါင်းရင်းမြစ်များ

Matius 10:29

Mesa'ra de'pen allinna ke dua denah, apa moi mesa' te'da nakullei mate, ke te'da napuelohhi Ambe'mi Puang Allataala.

Matius 18:34

Gaja gallimi joo raja. Na ia joo kaunan gaja sa'ga' dipatama pangtarungkuan sanabajahna to indanna.”

Matius 25:41

Mangkai joo too kukuamo lako to to jio sa'de kairing-Ku' kumua, ‘Ee, kamu' to ditampakki ropu, palai kamu' ntee! Mentama kamu' api naraka dukku te'da cappa'na, to dipasadianmo Ballisi' sola tuu lako malaeka'na.

Matius 25:46

Ia tuu lako tau susi joo la disessa te'da cappa'na, apa ia to tompugauk pakkaeloran-Na Puang Allataala la diben katuoan melo te'da cappa'na.”

Markus 12:42

Anna ratu toda to mesa' baine kaasi-asi to matemo muanena napatamai dua de'pen. Iamo doi' majiongna angga'na.

Lukas 12:58

Ia ke denni ewalimmi male mparapa' kamu' lako tomangra'tah kara-kara, ammijio unapa tangnga lalan, la'bih melo ke sikalino bangmo kamu' jolo'. Nasaba' ianna te'da misikalino, la nabawa kamu' lako olona tomangra'tah kara-kara, namane' tomangra'tah kara-kara mpangngolo kamu' lako pulisi ammidipatama pangtarungkuan.

Lukas 12:59

La miingaran! Ia ke te'dapi mibajahhi angge macerona to indanmi, te'da mikullei messun lan mai pangtarungkuan.”

Lukas 16:26

Te'da na ia manda joo, apa den mila' mparalla'ki'. Jaji, ia to tau ntee tangnaola male mati', na ia to tau ntuu tangnaola male mai.’

2 Tesalonika 1:9

Ia tuu lako tau la disessa te'da cappa'na, diula'i jio mai olo-Na Puang, na te'da naperasaii to kuasa mala'bih-Na.

Yakub 2:13

Ianna te'da takamasei padanta' rupa tau, te'da toda nakamaseiki' Puang Allataala ke dibicaraki'. Apa ia antakamasei padanta' rupa tau, te'da nalasessaki' Puang Allataala ke Kiama'mi lino.