Matius 5:22 - Alkitab Duri

²² Apa kukuan kamu' kumua, ia to tomabirih lako padanna rupa tau, la dipangngoloi lako tomangra'tah kara-kara, na ia to tongkada-kadai padanna rupa tau la dipangngoloi lako tomangparenta, na ia to tomangkada lako padanna rupa tau kumua, ‘Te'da iko bua'mu,’ sipato' dibuang tama api naraka.

Matius 5:22 ပူးပေါင်းရင်းမြစ်များ

Kada Bulawan 14:16

Ia to tomacca ngkarewai kalena, na mpamambela kalena jio mai panggaukan gaja', apa ia to tobattuk madoi' magalli, na mpattuan kalena.

Kada Bulawan 18:6

Ia to kadanna tobattuk mpaden kasisakkan, na timunna mpusaba'i naditundun.

Daniel 3:13

Gaja birihmi raja, nata'pa mpangparentanni nadisolan to Sadrakh, Mesakh na Abednego mangngolo lako kalena. Ia tonna ratumo sola tallu,

Daniel 3:19

Liwa' mala'da' birihna Raja Nebukadnezar lako Sadrakh, Mesakh na Abednego arannai malussu lindona, nabalik malea natumang birihna. Jaji napangparentanni na dipupanglokkon pempitu lussunna joo api.

Matius 10:17

La majaga kamu', nasaba' la dijokko kamu', ammidipangngolo lako tomangra'tah kara-kara. La dirambi kamu' lan bola passambajangan.

Matius 10:28

Danggi' mimalaja' lako tolino to batang kale manda nakulle nabuno, apa te'da nakullei mbuno penawammi. Puang Allataalara to sipato' mikalaja', nasaba' ianna mangka mbuno kamu', makuasapa Ia mpatamai naraka to batang kalemi sola penawammi.

Matius 12:24

Ia tonna sa'dingngi to-Farisi susi joo mangkadami nakua, “Kuasanna Beelzebul, iamo to puanggawana setang, napake nnula'i setang.”

Matius 17:5

Ia tonna mangkada unapa Petrus, ratumi to saleu' macorrang mbombonnii sola ngasan na den gamara nasa'ding lan mai nakua, “Iamo tee to Anak kupakamoja' to mpamasannangna'. Pesa'dingngii!”

Matius 18:21

Malemi Petrus lako Puang Isa namekutana nakua, “Oo, Puang! Ia ke ia to padangku' rupa tau mpugauk kasalan lako aku', pempiranra la kudampangan? Pempituraka?”

Matius 18:35

Natampakkimi Puang Isa joo curitan-Na nakua, “Susi toomi Ambe'-Ku' jao suruga, la napasusi too kamu', ke te'da midampangan tongan padammi rupa tau.”

Matius 23:15

Macilaka kamu' to guru agama sola to-Farisi, nasaba' tomajekkong kamu'! Male kamu' manglalan mambela llamban tasik na ngguririkki padang nnangah mesa' tau la mipupenjaji anak gurummi. Ia tonna turu'mo kamu', mipupenjajimi tawana naraka, na manglokkon penduan to gaja'na na ia to gaja'mi sola ngasan.

Matius 23:33

Togaja' kamu', sanga bati' togaja' kamu'! Umbora la mikua mpalaian kalemi jio mai pangsessa naraka!

Matius 25:41

Mangkai joo too kukuamo lako to to jio sa'de kairing-Ku' kumua, ‘Ee, kamu' to ditampakki ropu, palai kamu' ntee! Mentama kamu' api naraka dukku te'da cappa'na, to dipasadianmo Ballisi' sola tuu lako malaeka'na.

Matius 26:59

Ia tuu lako kapala imang sola padanna Pangbicara Agama mpengkulle-kullei nnampa' kasa'bian tangtongan, la nanii mpasalai to Puang Isa, anna wa'ding dipangpebunoan.

Matius 3:17

Nadisa'ding to gamaran-Na Puang Allataala nakua, “Iamo tee to Anak kupakamoja' to mpamasannangna'.”

Matius 5:34

Apa kukuan kamu' kumua, danggi' lalo mimangngaku mpake sapah. Danggi' mikua, ‘Jao mai ngkitana'’, nasaba' ia to langi' ngenan cadokkoan-Na Puang Allataala.

Matius 5:44

Apa kukuan kamu' kumua, pakamoja'i to ewalimmi, mipassambajanganni to tompakario-rio kamu',

Markus 14:55

Ia to kapala imang sola padanna Pangbicara Agama mpengkulle-kullei nnampa' kasa'bian tangtongan, la nanii mpasalai to Puang Isa, anna wa'ding dipangpebunoan, apa te'da naampa' kumua mpugaukki kasalan.

Markus 15:1

Melambi' unapa nasirempunmo to Pangbicara Agama, iamo to kapala imang, guru agama na pekaamberan to-Yahudi. Napangpepumpunganni to Puang Isa, namale ssolanni, anna pangngoloi lako Gubernur Pilatus.

Lukas 12:5

La kupauan kamu' to sipato' la mikalaja': Malaja' kamu' lako Puang Allataala! Nasaba' ianna mangka mbuno kamu', makuasapa Ia mpatama kamu' naraka. Ingaranni, Ia mandara to parallu mikalaja'.

Lukas 22:66

Melambi' unapa nasirempunmo to Pangbicara Agama, iamo to pekaamberan to-Yahudi ba'tu kapala imang sola guru agama. Na dipangngolo to Puang Isa lako tuu lako tau.

Yahya 11:47

Iamo joo na ia to kapala imang, sola to-Farisi mpangpesuanni nasirempun to padanna Pangbicara Agama, nasipangkadai nakua, “Apamora la tapugauk? Nasaba' ia joo tau gaja budamo tanda mejangngaran mangka napugauk!

Yahya 15:25

Apa nang la susimi ia joo anna jaji to diuki' lan sura'na Nabi Musa kumua, ‘Nakaba'cina', moiraka nate'da kupugauk dosa.’

Yahya 7:20

Mebalimi to tobuda nakua, “Ah, tonatamaiki' setang! Indara la mbunoki'?”

Yahya 8:48

Mebalimi to to-Yahudi nakua, “To-Samariaki'. Natamaiki' setang.”

Jamanna Rasulu' 17:18

Sihakiki tooi sola guru to nturu' pangngajaranna Epikuros na Stoa. Denni to mangkada nakua, “Apara la naissen tee tau! Sangkanuku malotongra to paissenna, apa buda kadari!” Ba'tu pira-pira tolaen nakua, “Susi ia to mpangpeissenan dewata jio mai tondok laen.” Ia namangkada susi joo, nasaba' ia to Puang Isa na katuoanna pole' tolino jio mai kamatean napangpeissenan Paulus.

Jamanna Rasulu' 22:30

Gaja doangngi joo pangbarani to-Roma nnissenni apa sitonganna naparapasanni to-Yahudi joo Paulus. Iamo joo ia tonna masawanna nasuai sirempun to kapala imang na padanna Pangbicara Agama, napangpebukanni to pepumpungna nadipangngolo lako tosirempun jio.

Jamanna Rasulu' 23:1

Nakaje'jekki Paulus tuu lako Pangbicara Agama, namangkada nakua, “Ee, todipusile'to sola ngasan! Ratu lako too allo, tuli kupugauk to situru' pakkaeloran-Na Puang Allataala, na maruruh to penawangku'.”

Jamanna Rasulu' 24:20

Iarika ia bangmo tee tau inde' mpaui denraka salaku' naampa' tongkudipangngolo lako Pangbicara Agama.

Jamanna Rasulu' 4:15

Nasuami messun lan mai bola pangra'tasan kara-kara, namane' mbicara pole'i,

Jamanna Rasulu' 5:21

Naturu'i joo kadanna, na masawanna melambi' mentamami Bola Puang Allataala mangngajahhi. Ia joo wattu ia to Imang Lompo sola taunna mpangpesuanni nasirempun to Pangbicara Agama, iamo to sininna pekaamberan agama sola pekaamberan to-Israel. Napangpesuanni to rasulu' nadipasun lan mai pangtarungkuan, nadibawa ratu mangngolo.

Jamanna Rasulu' 5:27

Nasolanni kapala pangjaga sola taunna joo rasulu' lako kasirempunan Pangbicara Agama, naparessai Imang Lompo.

Jamanna Rasulu' 6:12

Susimi joo rrasi tobuda, pekaamberan to-Yahudi sola guru agama, namale njokkoi to Stefanus, namane' mbawai lako kasirempunan Pangbicara Agama nadipangngolo.

Jamanna Rasulu' 6:15

Mengkita lako ngasan Stefanus sininna to tau lan joo kasirempunan Pangbicara Agama. Ia to lindona susi bang lindo malaeka' dikita.

Jamanna Rasulu' 7:37

Ia toomo mpauanni to bangsa Israel kumua, ‘La napadenan kamu' Puang Allataala mesa' nabi susi tee aku', napilei lan mai rapummi.’

Roma 12:10

Sipakamoja' kamu' susi to tosile'to, misitaratte' too.

1 Korintus 6:10

taboko, tomangkake'la, topangmalangoan, tompau gaja' tau, tokalasi, ia ngasanmo to tosusi joo te'da namenjaji umma'-Na Puang Allataala.

1 Korintus 6:6

Apa sibalikanna, male ora kamu' mparapa' padammi tomatappa' lako totangmatappa'.

1 Tesalonika 4:6

Jaji, la lako baine, la lako muane kupakainga' kamu', danggi' mangpanggaukan sala. Danggi' mikalasii padammi tomatappa'. Mangkamo kamu' kupakainga' rampa' kumua ia to tompugaukki susi joo la nasessa Puang.

Titus 3:2

danggi' pau gaja' tau, danggi' massipura, apa la mabassa na mangkada rampa' too lako sininna rupa tau.

Ibrani 12:25

Danggi' mitangmpesa'dingngii joo tomangkada jao mai suruga, sanga ia to to-Israel tonna anu' to cia' mpesa'dingngii to kada pole jao mai Buntu Sinai, te'da nakullei la'pah jio mai pangsessa-Na Puang Allataala. Apa pole'raka tee kita' to ssa'dingngi joo tomangkada jao mai suruga ke cia'ki' mpesa'dingngii.

Ibrani 5:9

Susimi joo nadipupenjaji Tomangpasalama' te'da caccana ba'tu kakuranganna to mben katuoan melo te'da cappa'na lako tomengkaturu' lako Ia.

Yakub 2:20

Te'da tonganpa mupahangngi. Paralluko dipapahangngi kumua te'da bua'na to kamatapparan ke tangsiolananni panggaukan.

Yakub 3:6

Ia to timunta' wa'ding makkasolang susi api, sanga iamo nanii mangrupa-rupa kagajatan lan kaleta'. Ia to apa napau mpupenjajiki' togaja' na mpamasolangki', susi api pole jio mai naraka.

1 Petrus 2:23

Ia tonna kada-kadaii tau, te'da too napebalii. Ia tonna pa'dikkii tau, te'da too nagarra'i kumua la napabalahhii, apa sande' lako bangngi Puang Allataala, Tomangra'tah maruruh.

1 Petrus 3:9

Ia ke denni tau mpugauk kagajatan lako kamu', danggi' mipabalahhii. Na ia ke denni tau ngkada-kadai kamu', danggi' too mipabalahhii. La'bih melo ke mipassambajanganni lako Puang Allataala nabarakka'ii joo tompugauk kagajatan. Napilei kamu' Puang Allataala menjaji umma'-Na ammipeta'danni barakka' to padammi rupa tau. Ia ke mipugaukmi susi joo, la nabarakka'i toda kamu' Puang Allataala.

1 Yahya 2:9

Ia to mangkada kumua, “Nturu'na' pakkaeloran-Na Puang Allataala”, apa ngkaba'ci unapa padanna tomatappa', te'dapa nanturu' pakkaeloran-Na Puang Allataala.

1 Yahya 3:10

Inda-inda to te'da nampugauk pakkaeloran-Na Puang Allataala ba'tu te'da nampakamoja' padanna tomatappa', te'da napuanakki Puang Allataala. Iamo joo mpamanassai indara to napuanak Puang Allataala na inda to napuanak Ballisi'.

1 Yahya 5:16

Ia ke mikitai to padammi tomatappa' mpugauk dosa, la massambajang kamu' lako Puang Allataala, anna benni katuoan melo te'da cappa'na. Ia tee, ia mandara kupau to dosa te'da namparatu pangsessa te'da cappa'na. Apa den dosa to mparatu pangsessa te'da cappa'na. Na ia joo te'da kusua kamu' mpassambajanganni lako Puang Allataala.

Yudas 1:9

Moi Mikhael, to puanggawana malaeka' jao suruga, te'da napugaukki susi joo. Ia tonna sisakka sola Ballisi' ssialaii batang rabukkuna Nabi Musa, te'da nabarani Mikhael mpasalai ba'tu ncapa'-capa'i to Ballisi'. Nakua mandara Mikhael, “Na Puang Allataalamora nggarra'ko.”

Pengkitanna Yahya 20:14

Na ia to tau te'da sanganna diuki' lan Sura' Katuoan dipenca'bean tama tasik api. Mangkai joo too te'damo kamatean, nasaba' dipenca'bean toomi to Kamatean sola Lino Tomate tama tasik api. (Ia tee tasik api, iamo kamatean mangpenduan.)