Matius 5:20 - Alkitab Duri

²⁰ Iamo joo, la miingaran kumua, te'da milangkullei menjaji umma'-Na Puang Allataala, ke te'da mila'bih nturu' pakkaeloran-Na Puang Allataala na ia to guru agama sola to-Farisi.”

Matius 5:20 ပူးပေါင်းရင်းမြစ်များ

Matius 16:12

Mane'ri napahang anak gurun-Na kumua, ia to nasanga majaga lako raginna to-Farisi sola to-Saduki battuananna majaga lako pangngajaranna to-Farisi sola to-Saduki.

Matius 18:5

Ia to tontarima pea to susi tee, sanga kamatapparanna lako Aku', pada bang unamo to Aku' natarima.”

Matius 3:10

Sadiamo Puang Allataala la ncalla kamu', susi to garonto' kaju dipasadian wase jiong garonto'na la dita'banganni. Sininna garonto' kaju to te'da namembua melo la dita'bangngi nadica'bean tama api.

Matius 7:21

Mangngajahhimi Puang Isa nakua, “Te'da na ia ngasan to tau to metamba-tamba lako kale-Ku' nakua, ‘Oo Puang! Oo Puang!’ to la menjaji umma'-Na Puang Allataala. Apa iara to tau mpugauk pakkaeloran-Na Ambe'-Ku' jao suruga, la menjaji umma'-Na.

Markus 10:15

La miingaran tee kada kupauan kamu' kumua, ia to tote'da nasusi pea biccu' ntarimai to kaparentan-Na Puang Allataala, te'da nalamenjaji umma'-Na Puang Allataala.”

Markus 10:25

La'bih marawa ia to unta mentama to'tok jarun, na ia to tosugih mentama Lino Barun-Na Puang Allataala.”

Lukas 11:44

Tomacilaka kamu'! Nasaba' susi kamu' lamunan te'da pasukkuna, to nasilese-lesei tau, nasaba' te'da naissenni kumua lanna liu ponno buku tomate to mecarepan.”

Lukas 12:1

Ia joo wattu sirempunmi massa'bu-sa'bu to tau madoang ngkita Puang Isa. Nasisi'pin-si'pin ntalimbungngi to Puang Isa anna den to disilesei ajena. Napamulami Puang Isa nnajahhi anak gurun-Na nakua, “Majaga kamu' jio mai raginna to-Farisi. Ia to kusanga iamo to kamajekkonganna.

Lukas 18:17

La miingaran tee kadang-Ku' kumua, ia to tote'da nasusi to pea biccu' ntarimai to kaparentan-Na Puang Allataala, te'da nalamenjaji umma'-Na Puang Allataala.”

2 Korintus 3:9

Na ia ke mala'bih joo atoran agama, to mbawa pangsessa lako tolino, tantu la'bih pole' opa ia mala'bihna joo basse baru to nneloran tolino dipupenjaji tomelo.

2 Korintus 5:17

Ia to memmesa' penawamo sola Almaseh, menjaji tau barumo. Lanynya'mi to masainna, anna menjaji baru ngasanmo.

Filipi 3:9

angkumesa' penawa sola. Te'da kudipupenjaji tomelo, sanga mpugaukna' atoran agama, apa napupenjaji tomelona' Puang Allataala, sanga matappa'na' lako Almaseh.

Ibrani 12:14

Mipengkulle-kullei sikalino ngasan tau. Mipengkulle-kullei tooi mpupengkaunan kalemi lako Puang Allataala, sanga ia ke te'da nasusi joo to sipa'mi, te'da mikullei ngkita Puang.

Pengkitanna Yahya 21:27

Apa ia to apa carepa te'da lalo nawa'ding la mentama, susinna ia tompugauk apa mesirisan ba'tu mangnguraga. Ia to tau la mentama ia manda to tomangka diuki' sanganna lan Sura' Katuoan, sura'-Na Anak Bembala'.