Matius 5:19 - Alkitab Duri

¹⁹ Iamo joo ia to tote'da napesa'dingngii to parenta-Na Puang Allataala, moiraka to nasanga tangparallu, napangpangngajaran tooi susi joo, la direken tokaminang majiong jio mai umma'-Na Puang Allataala. Na sibalikanna, ia to tompesa'dingngii, napangpangngajaranni lako tolaen, la direken tokaminang mala'bih jio mai umma'-Na Puang Allataala.

Matius 5:19 ပူးပေါင်းရင်းမြစ်များ

Daniel 12:3

Ia to tomacca la nnampa' kamala'biran susi arrang jao langi' ba'tu susi bintuin to mangngarrang tarruh te'da cappa'na.’

Matius 11:11

Nakuapa Puang Isa, “La miingaran tee kadang-Ku' kumua, lan tee lino te'da tau la'bih mala'bih na Nabi Yahya, apa moi nasusi joo ia to tokaminang majiong jio mai umma'-Na Puang Allataala la'bih mala'bihpa ia na Nabi Yahya.

Matius 19:28

Nakuamo Puang Isa lako anak gurun-Na, “La miingaran tee kadang-Ku' kumua, lan Lino Barun-Na Puang Allataala, ia tee Aku', Anak Mentolino, la cumadokkona' jao cadokkoan kaminang mala'bih! Iamo joo wattu milacumadokko toda jao sangpulo dua cadokkoan mala'bih la mparenta sangpulo dua pangrapuanna to-Israel.

Matius 20:26

Apa te'da miwa'ding susi joo. Sibalikanna, ia to tomadoang menjaji to toditaratte' la menjaji todisua-sua.

Matius 28:20

Ajahhii anna pugaukki sininna to apa mangka kuparentan kamu'! Ingaranni kumua, la kusolan tarruh kamu' ratu lako tampakkana lino.”

Lukas 1:15

Ia joo pea, la mala'bih situru' pengkitan-Na Puang Allataala, na te'da nalamangngiso' anggoro' ba'tu nniso' to makarrahna. Mangpamula nakeba'tangan indona nakuasai tarruhhi Roh Allataala.

Lukas 11:42

Macilaka kamu' to to-Farisi! Ia to assele' tanananmi to tangkeangga'na susinna tulasi, kunyi', na rampa-rampa laen miben sangtawa sangpulona lako Puang Allataala, apa te'da mipugaukki to kamarurusan sola pangpakamoja' lako Puang Allataala. Na iara joo to kaminang parallu mipugauk, apa la mipugauk too to laenna.

Lukas 9:48

Mangkadami lako anak gurun-Na nakua, “Ia to tontarima pea to susi tee, sanga kamatapparanna lako Aku', pada bang unamo to Aku' natarima. Na ia to tontarimana', natarima toomo to Puang Allataala to ssuana'. Nasaba' ia to tossanga kalena kaminang biccu' jio tangnga-tangngami, iamo kaminang matonggo!”

Jamanna Rasulu' 1:1

Ee, tokupusile'to Teofilus! Mangkamo kupamanassa lan sura' joloku' sininna to napugauk na napangpangngajaran too Puang Isa mellao jio mai mammulanna mangjama,

Roma 3:8

Ia ke susii joo, ciapai na te'da tamangkada kumua, “Pugaukmi to kagajatan, nampaden kameloan”? Sitonganna den tau mpau salana' kumua mangkada susina' joo. Apa ia joo tau sipato' nacalla Puang Allataala.

Roma 6:1

Ia ke susimi joo, apara la takua? La da'tan bangpiriki'ka mpugauk dosa, dikua anna samelo-melona penawan-Na Puang Allataala lako kaleta'?

Roma 6:15

Umbomora la takua too? Wa'dingriki'ka mpugauk dosa, nasaba' nakuasaimiki' kameloan penawan-Na Puang Allataala, na te'damo nakuasaiki' atoran agama? Te'da nalasusi joo!

1 Timotius 6:11

Ee, Timotius! Danggi' mupugaukki tuu lako, sanga taun-Namoko Puang Allataala. Apa la mpugaukroko pakkaeloran-Na Puang Allataala, massompa lako kale-Na, matappa' lako Puang Isa Almaseh, mpakamoja' padammu rupa tau, sabbara' lan kamaparrisan na mpangkadai rampa' tau.

Titus 3:8

Tongan tee kada mangka kupau. Madoangna' ammupangpangngajaran tonganni sininna joo, dikua anna ia to tomatappa'mo lako Puang Allataala natongan-tongannii mpugaukki to panggaukan melo na den bua'na lako tobuda.

1 Petrus 5:4

Na ia ke nadete'mi wattu karatuanna pole' joo Tomangrewa Mala'bih, la naben kamu' paraseng kapataloan to cundallak tarruh te'da cappa'na.

1 Yahya 3:4

Ia to tompugauk dosa, ntengkai parenta-Na Puang Allataala, nasaba' ia ke ditengkai to parenta-Na Puang Allataala, iamo disanga dosa.

Pengkitanna Yahya 2:20

Apa den unapa to tangkupumasannang lako kamu'. Mieloran Isebel to baine ssanga kalena nabi mangngajahhi. Ia joo pangngajahna budamo taung-Ku' napalao sala arannai manggauk sala, nakandei to apa mangka dipassompan lako dewata.