Matius 5:18 - Alkitab Duri

¹⁸ La miingaran tee kadang-Ku' kumua, te'dapa nala-Kiama' to lino, ke te'dapi najaji ngasan to diuki' lan atoran-Na Puang Allataala! Jaji, moi mesa' hurupu' te'da naladita'dei lan joo atoran.

Matius 5:18 ပူးပေါင်းရင်းမြစ်များ

Matius 10:15

Ingaranni! Ia ke Kiama'mi lino, la'bih nasessai Puang Allataala to tau lan joo kota na ia to to-Sodom na to-Gomora.”

Matius 10:23

Ianna pakario-rio kamu' tau lan mesa' kampong, palai kamu' lako kampong laen, nasaba' sitonganna Aku', Anak Mentolino, ngkuan kamu' kumua, ‘Te'dapa napura to kota jio Israel milelei, kuratu pole' keanu'.’

Matius 10:42

Ia to tompaiso' sala mesa'na tee todikita majiong, nasaba' naturu'na', moi wai lino bangra, ingaranni kumua, la llolonganni barakka'.”

Matius 11:11

Nakuapa Puang Isa, “La miingaran tee kadang-Ku' kumua, lan tee lino te'da tau la'bih mala'bih na Nabi Yahya, apa moi nasusi joo ia to tokaminang majiong jio mai umma'-Na Puang Allataala la'bih mala'bihpa ia na Nabi Yahya.

Matius 13:17

La miingaran tee kadang-Ku' kumua, buda nabi sola taun-Na Puang Allataala tonna anu' madoang la ngkitai to apa mikita tee too, apa te'da nakitai! Madoang too la ssa'dingngi to apa misa'ding tee too, apa te'da nasa'dingngi.”

Matius 16:28

La miingaran tee kadang-Ku' kumua, sitonganna den kamu' to ntee, te'dapa namate ke te'dapi nakitana' tee Aku', Anak Mentolino, mangparenta susi Raja!”

Matius 17:20

Mebalimi nakua, “Malammai to kamatapparanmi. La miingaran tee kadang-Ku' kumua, ia ke denni kamatapparanmi moi pada bangra lise' sawi, wa'ding kamu' kumua lako tee buntu, ‘Tiangka'ko lako ntuu joo’, nang la tiangka' ia. Te'da to apa tanglamikulle mipugauk. [

Matius 18:18

Mpatarruhpa kadan-Na Puang Isa nakua, “La miingaran tee kadang-Ku' kumua, apa to mipangnganggai lan lino, napangnganggai toda Puang Allataala jao suruga. Na ia to mieloran lan lino, naeloran toda Puang Allataala jao suruga.

Matius 18:3

Nakua, “La miingaran tee kadang-Ku' kumua, ia ke te'da mipatorro sipa' jolomi, ammisusi pea, te'da milamenjaji umma'-Na Puang Allataala.

Matius 19:23

Nakuamo Puang Isa lako anak gurun-Na, “La miingaran tee kadang-Ku' kumua, gaja sussa ia to tosugih la menjaji umma'-Na Puang Allataala!

Matius 19:28

Nakuamo Puang Isa lako anak gurun-Na, “La miingaran tee kadang-Ku' kumua, lan Lino Barun-Na Puang Allataala, ia tee Aku', Anak Mentolino, la cumadokkona' jao cadokkoan kaminang mala'bih! Iamo joo wattu milacumadokko toda jao sangpulo dua cadokkoan mala'bih la mparenta sangpulo dua pangrapuanna to-Israel.

Matius 21:21

Mebalimi nakua, “La miingaran tee kadang-Ku' kumua, ia ke matappa' kamu' na te'da mibata, wa'ding kamu' mpugaukki susi tee kupugauk lako tee garonto' kaju ara! Na te'da na ia manda joo, apa wa'ding too kamu' mangkada manda lako joo buntu mikua, ‘Tiangka'ko mutibuang do' tasik.’ Nang la jajinna ia!

Matius 21:31

Jaji, umbonnara joo to sile'to sola duai to nturu' kadanna ambe'na?” Mebalimi tuu lako kapala imang sola pekaamberan to-Yahudi nakua, “Ia to kakanna.” Nakuamo Puang Isa, “La miissen kumua ia to passassung sola tuu lako baine sala kedo la la'bih marawa menjaji umma'-Na Puang Allataala na kamu'.

Matius 23:36

La miingaran tee kadang-Ku' kumua, ia to tau too allo la dipabalahhi sininna panggaukan gaja'na tojolona!”

Matius 24:2

Nakuamo Puang Isa, “Mikita ngasanmoraka kabua'na joo bola? La mikatappa'i kumua den wattunna keanu', na sininna tee mikita la diro'pokan ngasan na moi mesa' batu te'damo nnii ngenanna!”

Matius 24:47

La mikatappa'i kumua, ia joo kaunan la naben kuasa puangna mparakai to sininna ewananna.

Matius 25:12

Apa mebalii joo tobotting muane nakua, ‘Te'da lalo kuissen kamu'!’ ”

Matius 25:40

La mebalina' kukua, ‘Sitonganna kukuan kamu' kumua, ia to mipugauk lako tee mai to kupusile'to, moi namakario-rio, battuananna mipugauk lako too Aku'.’

Matius 25:45

La mebalina' kukua, ‘Sitonganna kukuan kamu' kumua, ia to te'da mipugaukki lako tee mai to kupusile'to, moi namakario-rio, battuananna te'da mipugaukki lako kale-Ku'.’

Matius 5:26

La miingaran tee kadang-Ku' kumua, ia ke te'dapi mibajahhi angge macerona to indanmi, te'da mikullei messun lan mai pangtarungkuan!”

Matius 6:16

Mangngajahhimi Puang Isa nakua, “Ia ammipuasa, danggi' mimenggamuru bang susi tomajekkong. Ia to tau susi joo naanggai' bang tangmendau', dikua naissenni tau kumua puasai. La miingaran tee kadang-Ku' kumua, mangkami ia ntarimai to pahalana!

Matius 6:2

Jaji, ia ammimangpangben, danggi' mipau-paui susi tomajekkong. Ia to tau susi tuu lako nakabudai mpugauk panggaukan makassing lan bola passambajangan, ba'tu jio lalan maroah, dikua nakitai tau napujii. La miingaran tee kadang-Ku' kumua, mangkami ia natarima to pahalana.

Matius 8:10

Jangngahmi Puang Isa ssa'dingngi joo kadanna. Messailemi anna mangkada lako tobuda to undi nturu'i nakua, “La miingaran tee kadang-Ku' kumua, liwa' matappa' tee tau! Te'dapa tau kuampa' kamatapparan susi tee, moi lan tangnga-tangngana to-Israel!

Markus 10:15

La miingaran tee kada kupauan kamu' kumua, ia to tote'da nasusi pea biccu' ntarimai to kaparentan-Na Puang Allataala, te'da nalamenjaji umma'-Na Puang Allataala.”

Markus 10:29

Mebalimi Puang Isa nakua, “La miingaran tee kadang-Ku' kumua, ia to tossalaimo bolana, ba'tu sile'tona, tomatuanna, anakkana, ba'tu bara'bahna, nasaba' matappa'i lako Aku' sola ngkatappa'i Kareba Kasalamatan,

Markus 11:23

La miingaran tee kadang-Ku' kumua, la mangkada manda kamu' lako joo buntu mikua, ‘Tiangka'ko, mutibuang do' tasik’, nang la jajinna ia. Assalan mikatappa'ii, na te'da mibata kumua ia joo apa mipau, nang la jajinna ia.

Markus 12:43

Natambaimi Puang Isa to anak gurun-Na nakuanni, “La miingaran! Sitonganna ia joo baine kaasi-asi, la'bih buda ia to napatama, na ia to napatama tuu lako tau sola ngasan.

Markus 13:30

La miingaran tee kadang-Ku' kumua, la jaji ngasan tee, ke te'dapi namate ngasan to tau tuopa tee wattu!

Markus 14:18

Ia tonna kumande ngasan unapa, nakuamo Puang Isa, “La miingaran tee kadang-Ku' kumua, den kamu' mesa' la mpangpejokkoanna', to kusolan kumande tee too!”

Markus 14:25

La miingaran tee kadang-Ku' kumua, te'damo kulanniso' pole'pa anggoro', ke te'dapi naratu Puang Allataala mangparenta susi Raja. Iapi joo wattu kumane' nniso' anggoro' baru lan kaparentan-Na.”

Markus 14:30

Nakuamo Puang Isa ngkuanni, “Ee Petrus! La muingaran tee kada kupauanko kumua, te'dapa napenduan kekkua to manuk tee bongi, mupentallunmo mpessakkannina'.”

Markus 14:9

La miingaran tee kadang-Ku' kumua, umbo-umbo dinii lan tee lino mpangpeissenan Kareba Kasalamatan, tuli la dicurita todai to apa napugauk joo baine, dinii nningaranni!”

Markus 3:28

La miingaran tee kadang-Ku' kumua, ia to tompugauk dosa ba'tu ncapa' Puang Allataala, wa'dingpa didampangan.

Markus 6:11

Apa ia ammiratu lako mesa' kampong, nate'da natarima kamu' tau jio, iarika tangnapesa'dingngi kamu', salaii joo kampong. Mipentambakanni to carepa jio ajemi la mpangngingaranni tuu lako tau to kasalanna!”

Markus 8:12

Nna'danmi Puang Isa namebali nakua, “Ah, ciapari tee tau too allo napeta'dai kumua la kupakitanpi tanda mejangngaran, namane' la ngkatappa'ina'? Te'da! Te'da lalo kulampakitanni.”

Markus 9:1

La miingaran tee kadang-Ku' kumua, sitonganna den kamu' to ntee, te'dapa namate ke te'dapi nakitai to Puang Allataala mangparenta susi Raja mpake kuasan-Na!”

Markus 9:41

Ingaranni tee kadang-Ku' kumua, ia to tompaiso' kamu', nasaba' mituru'na' Aku', Almaseh, la llolonganni barakka'.”

Lukas 11:51

mammula jio mai Habel, ratu lako Zakharia to dibunoi jio napatangnga ngenan pangkaroban na Bola Puang Allataala. La miingaran: Ia to tau too allo la dipabalahhi sininna panggaukan gaja'na tojolona.

Lukas 12:37

Liwa' masannangna tuu lako kaunan ke naampa'i puangna ntajanni. La mikatappa'i kumua, ia to puangna la massa'wak rampa' todai nasuai joo kaunanna cumadokko naparakaii.

Lukas 13:35

Pesa'dingngii! Iamo joo la makarorrong to bolami, nasaba' te'damo natorro Puang Allataala ssolan kamu'. Mammula tee too te'damo milangkitana', sanggenna mikua, ‘Dibarakka'i to toratu mpusanga sangan-Na Puang.’ ”

Lukas 16:17

Apa te'da natanglajaji to apa diuki' lan atoranna Nabi Musa. La'bih madoi' ia to langi' sola lino la lanynya', na ia ke tanglajajimira to apa diuki' lan joo atoran, moi mesa' hurupu'.

Lukas 18:17

La miingaran tee kadang-Ku' kumua, ia to tote'da nasusi to pea biccu' ntarimai to kaparentan-Na Puang Allataala, te'da nalamenjaji umma'-Na Puang Allataala.”

Lukas 18:29

Nakuamo Puang Isa lako anak gurun-Na, “La miingaran tee kadang-Ku' kumua, ia to tossalaimo bolana, ba'tu bainena, sile'tona, tomatuanna, anakkana, nasaba' mpangjamanni Puang Allataala,

Lukas 23:43

Nakuanni Puang Isa, “Katappa'i, mammula tee allo la solaki' lan suruga.”

Lukas 4:24

Mpatarruhhi kadan-Na nakua, “La miingaran tee kadang-Ku' kumua, te'dapa ia naden nabi dikasiri' jio kampongna!

Yahya 1:51

Nakuapa Puang Isa ngkuanni tuu lako tau, “La miingaran tee kadang-Ku' kumua, la mikita to langi' titimbak na ia to malaeka'-Na Puang Allataala lao lisu jao mai langi' ratu lako Aku', Anak Mentolino.”

Yahya 10:1

Mangngajahhimi Puang Isa nakua, “La miingaran tee kadang-Ku' kumua, ia ke denni tomentama bala bembala', na te'da nannola babangan, apa nteke'ri rompo, iamo taboko na parampo'.

Yahya 10:7

Iamo joo nakua pole' Puang Isa, “La miingaran tee kadang-Ku' kumua, Aku'mo to susi babangan to naola bembala' mentama balana.

Yahya 12:24

La miingaran tee kadang-Ku' kumua, wa'dingna' dipasangrapang banne. Ia ke te'da naditanan do' litak namate, la da'tan bangngi sanglise'. Apa ia joo sanglise' banne ke ditananni namate, mane'ri membuda buanna.

Yahya 13:16

La miingaran tee kadang-Ku' kumua, ia to mesa' kaunan te'da nala'bih matande na puangna, susi toda to todisua te'da nala'bih matande na ia to tossuai.

Yahya 13:38

Mebalii nakua, “Manassaraka kumua madoang tonganko mate mpangngewaina'? La muingaran tee kada kupauanko kumua, te'dapa nakekkua to manuk dau, mupentallunmo mpessakkannina'.”

Yahya 14:12

La miingaran tee kadang-Ku' kumua, ia to tomatappa' lako Aku', la napugauk to apa mangkamo kupugauk. La'bih matonggo pole'pa ia to la napugauk, nasaba' malena' kutorro sola Ambe'-Ku'.

Yahya 16:20

La miingaran tee kadang-Ku' kumua, la kumarrak kamu', mimbating too, apa la marioi to totangmatappa'. La masussa penawammi, apa ia to kamasussanmi la nasullei kamasannangan.

Yahya 16:23

Na ia joo wattu te'damo ammilangkutanaina'. La miingaran tee kadang-Ku' kumua, moi apa mipeta'da lako Ambe' mpau sangang-Ku', la naben kamu'.

Yahya 21:18

La muingaran tee kadang-Ku' kumua, ia ke malolle' unapoko, messa'wakko mumale umbo-umbo mukadoangngi. Apa ia ke matuamoko, la mpangbenko limammu, napumpungngi tau laen, nasolanko male lako to tangmukabudainna.”

Yahya 3:11

Katappa'i, kipau to apa kiissen sola kipangpeissenan to apa kikitamo, apa te'da mitarimai.

Yahya 3:3

Napebalii Puang Isa nakua, “Ingaranni! Moi mesa' tau te'da nawa'ding menjaji umma'-Na Puang Allataala lan kaparentan-Na, ke te'dai nadijajian pole'.”

Yahya 3:5

Napebalii Puang Isa nakua, “Ingaranni! Ia ke te'da nadijajian pole' to tau jio mai wai sola Roh Allataala, te'da nawa'ding menjaji umma'-Na Puang Allataala lan kaparentan-Na.

Yahya 5:19

Napebalii Puang Isa joo pekaamberan to-Yahudi nakua, “La miingaran tee kadang-Ku' kumua, ia tee Aku' Anak Allataala, te'da kuwa'ding mpugauk apa situru' pakkaeloran-Ku', ke te'da na Ambe'-Ku' kukita mpugaukki. Sanga apa to napugauk Ambe'-Ku', ia todamo kupugauk.

Yahya 6:26

Mebalimi Puang Isa nakua, “La miingaran tee kadang-Ku' kumua, iara miangahna', sanga barahmo kamu' mangka ngkande roti, tangngia nasaba' miissenni apa battuananna joo tanda mejangngaran kupugauk.

Yahya 6:32

Nakua Puang Isa ngkuanni, “La miingaran tee kadang-Ku' kumua, tangngia Nabi Musa tonna anu' to mben kamu' kande jao mai suruga, apa Ambe'-Ku' Ia to mben kamu' kande tongan jao mai suruga.

Yahya 6:47

La miingaran tee kadang-Ku' kumua, ia to tomatappa' nnampuimo katuoan melo te'da cappa'na.

Yahya 6:53

Iamo joo nakua Puang Isa ngkuanni, “La mikatappa'i kumua, ia ke te'da mikandei to batang kale-Ku' na te'da miiso'i to rara-Ku' Aku', Anak Mentolino, te'da miampui katuoan tongan.

Yahya 8:34

Nakua Puang Isa ngkuanni, “La miingaran tee kadang-Ku' kumua, ia to tompugauk dosa, iamo tonapukaunan kuasa dosa.

Yahya 8:51

La mikatappa'i kumua, ia to tonturu' kadang-Ku', te'da tarruhmo nalasikita kamatean.”

Yahya 8:58

Mebalii Puang Isa nakua, “La mikatappa'i kumua, te'dapa nadijajian Nabi Ibrahim, na den memanmo'.”

1 Petrus 1:25

Apa ia to kadan-Na Puang Allataala da'tan bang ia den, te'da cappa'na.” Ia joo kada, iamo to Kareba Kasalamatan to dipangpeissenanmo lako kamu'.

Pengkitanna Yahya 20:11

Mangkai joo too ngkita omo' cadokkoan mala'bih mabusa na matonggo, na Puang Allataala cumadokko jao. Ia to langi' sola lino lanynya'i jio mai olo-Na nate'damo dikita.