Matius 5:17 - Alkitab Duri

¹⁷ Mangngajahhimi Puang Isa nakua, “Danggi' misangai kumua mentamana' lino la nta'dei atoranna Nabi Musa sola pangngajaranna nabi laen. Te'da kuratu kumua la kuta'deii, apa la kupamanassanra kamu' to battuananna.

Matius 5:17 ပူးပေါင်းရင်းမြစ်များ

Matius 3:15

Apa mebalii Puang Isa nakua, “Ake'mo najaji tee, nasaba' susimo tee la tapugauk situru' pakkaeloran-Na Puang Allataala.” Najio'mi Nabi Yahya.

Matius 7:12

Pugaukki lako padammi rupa tau, to apa mikadoangngi napugauk tau lako kalemi. Nasaba' iamo joo to dipangpangngajaran lan sura'na Nabi Musa sola sura'na nabi laen.”

Lukas 16:17

Apa te'da natanglajaji to apa diuki' lan atoranna Nabi Musa. La'bih madoi' ia to langi' sola lino la lanynya', na ia ke tanglajajimira to apa diuki' lan joo atoran, moi mesa' hurupu'.

Yahya 8:5

Den diuki' lan sura'na Nabi Musa kumua, ‘Ia to baine susi tee, la disilekko'i batu samatena.’ Na ia tee too Guru, matumbai kita' to passangan-Ta'?”

Jamanna Rasulu' 18:13

Naparapa'i nakua, “Tabe' kita', ia tee tau male bang nnajahhi tobuda nakua nassompa Puang Allataala to tangsituru' atoranna Nabi Musa!”

Jamanna Rasulu' 21:28

Metamba nakua, “Ee, tulungkan kamu' to-Israel! Iamo tee tau to male bang nnajahhi sininna tau umbo-umbo nanii, mpake pangngajaran nnewa to-Israel, atoranna Nabi Musa na ia tee Bola Puang Allataala. Na ia too ssolan omi tau tangngia to-Yahudi tama Bola Puang Allataala ncarepai tee bola macero!”

Jamanna Rasulu' 6:13

Napangngolo too to sa'bi tangtongan to mpaui kumua, “Ia tee tau tuli ncocco Bola Puang Allataala sola atoranna Nabi Musa.

Roma 10:4

Mangkami naganna'i Almaseh to atoranna nabi Musa. Iamo joo ia to tomatappa' lako Almaseh, napupenjaji tomeloi Puang Allataala.

Roma 3:31

Na ia ke matappa'miki' lako Puang Isa Almaseh, wa'dingmoraka taca'bean to atoran agama? Tantu te'da! Apa sibalikanna taangga'ri ia to atoran agama, nasaba' kamatapparanta' lako Puang Isa Almaseh.

Roma 8:4

Napugaukki Puang Allataala susi joo, dikua anna ia to pakkaeloran-Na, to pajan lan atoran agama, wa'ding tapugauk, nasaba' te'damo tatuo situru' kamadoangan penawanta', apa situru' Roh Allataala.