Matius 5:1 - Alkitab Duri

¹ Ia tonna kitami Puang Isa to tobuda, malemi de' buntu nacumadokko jao, natalimbungngi anak gurun-Na.

Matius 5:1 ပူးပေါင်းရင်းမြစ်များ

Matius 13:2

Gaja buda tau ntalimbungngi. Iamo joo naendek de' lopi cumadokko. Na ia to tobuda jenjen bang jio randan tasik.

Matius 15:29

Polemi Puang Isa jio mai ntuu joo, namale mangrundun randan Tasik Galilea, namane' endek de' buntu. Ia tonna cumadokkomo,

Matius 4:25

Ia joo wattu buda tau undi nturu' Puang Isa. Den to ratu jio mai tana Galilea, tana Sangpulo Kota, kota Yerusalem, tana Yudea, na den too to ratu jio mai sambali'na Sa'dan Yordan.

Matius 5:2

Napamulami mangngajahhi nakua,

Markus 3:13

Mangkai joo too endekmi Puang Isa de' buntu, natambaii to tonaala penawan-Na. Ratu ngasanmi,

Markus 3:20

Mangkai joo too, polemi Puang Isa tama bola. Anna buda omo tau ratu sirempun. Iamo joo na te'damo wattunna kumande Puang Isa sola anak gurun-Na.

Markus 4:1

Mangngajahhi omi Puang Isa jio randan tasik. Gaja buda tau ntalimbungngi. Iamo joo naendek de' lopi cumadokko. Ia to tobuda jenjen bang jio randan tasik na mangngajahhi Puang Isa jao lopi jiong tasik.

Lukas 6:12

Mangkai joo too, malemi Puang Isa de' buntu la massambajang. Massambajangmi jao siupuh bongi lako Puang Allataala.

Lukas 6:17

Ia tonna solohmo Puang Isa sola anak gurun-Na jao mai buntu, kendenmi jio padang malappa. Buda tau to menturu'mo lako kale-Na sirempun ntuu jio na buda too tau ratu jio mai lili'na tana Yudea, kota Yerusalem, na kota Tirus sola kota Sidon jio randan tasik.

Lukas 6:20

Nakitami Puang Isa to tomenturu' lako kale-Na namangkada nakua, “Masannang kamu' tokaasi-asi, nasaba' kamu'mo umma'-Na Puang Allataala.

Lukas 9:28

Agi-agi sangminggu mangkanna joo, nasolanmi Puang Isa to Petrus, Yahya na Yakub, namale de' buntu la massambajang.

Yahya 6:15

Naissen Puang Isa kumua la ratui joo tobuda la mparukui menjaji rajana. Iamo joo namale messarak de' buntu.