Matius 4:23 - Alkitab Duri

²³ Male bangmi to Puang Isa mpasitarruh-tarruh kampong jio tana Galilea, namangngajahhi lan bola passambajangan, mpangpeissenan Kareba Kasalamatan kumua la ratumi Puang Allataala mangparenta susi Raja, na mpamalagah mangrupa-rupa sakinna tau.

Matius 4:23 ပူးပေါင်းရင်းမြစ်များ

Matius 11:5

Pakitamo to tobuta, lumingkamo to tokupi', dipamalagahmo to tomasolak, pasa'dingmo to tomataru, dipatuomo to tomate, na dipangpeissenanmo to Kareba Kasalamatan lako tomakario-rio.

Matius 12:9

Mpatarruhmi kalingkan-Na Puang Isa, namentama mesa' bola passambajangan.

Matius 13:19

Ia to banne ta'pah do' lalan dipasangrapangngi to tossa'ding kareba kumua la ratui Puang Allataala mangparenta susi Raja, apa te'da napahangngi. Ratumi to Ballisi' rrampai joo kareba mangkamo nasa'ding.

Matius 13:54

napole lako kota Nazaret to dinii mpelobohhii. Ntuu jio lan bola passambajangan nanii mangngajahhi nasijangngaran to tossa'dingngi, nakua, “Umbora Ia nanii mpelajahhi kapaissenan susi joo? Na pole umbora to kuasa napake mpugauk tanda mejangngaran?

Matius 14:14

Ia tonna mellaomo Puang Isa jao mai lopi, nakitami joo tobuda, anna masse penawan-Na. Napamalagahhi to tomasaki to ratu nasolan tau.

Matius 24:14

Na ia to Kareba Kasalamatan kumua la ratumi Puang Allataala mangparenta susi Raja la dipangpeissenan lan lili'na lino, dikua nasa'dingngi sininna bangsa. Ianna mangka joo, mane'ri Kiama' lino.”

Matius 3:2

“La mengkatoba' kamu' jio mai dosami, nasaba' cingga'tu'mora naratu Puang Allataala mangparenta susi Raja.”

Matius 9:35

Mangkai joo too, malemi Puang Isa llelei kota sola kampong napasitarruh-tarruhhi. Mangngajahhimi lan bola passambajangan, mpangpeissenan Kareba Kasalamatan kumua la ratumi Puang Allataala mangparenta susi Raja, na mpamalagah tau to mangrupa-rupa sakinna.

Markus 1:14

Ia tonna ditarungkumo to Nabi Yahya, malemi Puang Isa re' tana Galilea, na jio nanii mpangpeissenanni to Kareba Kasalamatan jio mai Puang Allataala.

Markus 1:21

Ratumi jaja kota Kapernaum to Puang Isa sola anak gurun-Na. Ia tonna Allo Katorroan pole' omo, mentamami bola passambajangan to Puang Isa, anna mangngajahhi.

Markus 1:39

Iamo joo, namale Puang Isa mpasitarruh-tarruh kampong jio tana Galilea, namangngajahhi jio bola passambajangan, anna nnula'i buda setang.

Markus 3:10

Gaja buda tau napamalagah Puang Isa. Iamo joo nasisi'pin-si'pinni bangmi to tomasaki mpendete'ii, la ngkaka'i.

Markus 6:2

Ia tonna Allo Katorroan mangngajahhimi lan bola passambajangan. Buda tau jio sijangngaran mpesa'dingngi pangngajah-Na. Sikutanami nakua, “Umbora Ia nanii llolonganni tuu lako? Kapaissenan matumbara ia joo naampui? Matumbai nawa'ding mpugauk tanda mejangngaran?

Lukas 10:9

Pamalagahhi to tomasaki lan joo kota, mipangpeissenanni kumua, cingga'tu'mora naratu Puang Allataala mangparenta susi Raja.

Lukas 13:10

Ia tonna Allo Katorroan, mangngajahhimi Puang Isa jio mesa' bola passambajangan.

Lukas 16:16

Ia to atoranna Nabi Musa na pangngajaranna nabi laen tatta'i dipake angge wattunna Nabi Yahya. Mammulami joo wattu dipangpeissenan tarruh to Kareba Kasalamatan umbo nakua Puang Allataala mangparenta susi Raja. Na napassialai tongan tau la menjaji umma'-Na Puang Allataala lan kaparentan-Na.

Lukas 20:1

Den pissen tonna mangngajahhi Puang Isa lako tobuda lan Bola Puang Allataala mpangpeissenan Kareba Kasalamatan, ratumi to kapala imang, guru agama na pekaamberan to-Yahudi ssikitanni.

Lukas 4:14

Mangkai joo too, nakuasaimi Roh Allataala to Puang Isa napole re' tana Galilea. Kaissenanmi to karebanna lan lili'na tana Galilea.

Lukas 5:17

Den pissen, tonna mangngajahhi Puang Isa, naden toda ba'tu pira-pira to-Farisi sola guru agama cumadokko jio. Denni to ratu jio mai kampong lili'na tana Galilea na tana Yudea na den too to ratu jio mai kota Yerusalem. Kuasan-Na Puang Allataala napake to Puang Isa, anna mpamalagah tomasaki.

Lukas 6:17

Ia tonna solohmo Puang Isa sola anak gurun-Na jao mai buntu, kendenmi jio padang malappa. Buda tau to menturu'mo lako kale-Na sirempun ntuu jio na buda too tau ratu jio mai lili'na tana Yudea, kota Yerusalem, na kota Tirus sola kota Sidon jio randan tasik.

Lukas 6:6

Ia tonna Allo Katorroan laen omo, malemi Puang Isa mangngajahhi jio bola passambajangan. Ntuu jio den mesa' tau to mate sangbali limanna.

Lukas 7:21

Ia joo wattu napamalagah Puang Isa to mangrupa-rupa sakinna tau, nnula'i buda setang na mpapakita buda tobuta.

Lukas 7:22

Iamo joo napebalii nakua, “Polemo kamu' mipauanni gurummi apa to mikita sola misa'ding: pakitamo to tobuta, lumingkamo to tokupi', dipamalagahmo to tomasolak, pasa'dingmo to tomataru, dipatuo pole'mo to tomate, na Kareba Kasalamatan dipangpeissenanmo lako tomakario-rio.

Lukas 8:1

Mangkai joo too, malemi Puang Isa llelei buda kota sola kampong mpangpeissenan Kareba Kasalamatan kumua la ratumi Puang Allataala mangparenta susi Raja. Ia to sangpulo dua anak gurun-Na undi nturu'i.

Lukas 9:11

Apa naissen tobuda kumua malemi, naundi nturu'i. Napessitammuimi, namangngajahhi umbo nakua to tau menjaji taun-Na Puang Allataala lan kaparentan-Na. Napamalagah ngasan tooi to tomasaki.

Lukas 9:60

Apa mebalimi nakua, “Ake'mo na tomatemora llamun tomatena. Apa maleko mpangpeissenanni kumua la ratumi Puang Allataala mangparenta susi Raja.”

Yahya 18:20

Mebalimi Puang Isa nakua, “Tuli mangcurita maruruh bangna' jio olona tobuda. Tuli mangngajahhina' jio bola passambajangan sola jio Bola Puang Allataala to biasa nanii buda to-Yahudi sirempun. Te'dapa naden apa kupau membuni.

Yahya 6:59

Ia ngasanmo tee napau Puang Isa tonna mangngajahhi lan bola passambajangan jio kota Kapernaum.

Yahya 7:1

Mangkai joo too, malemi Puang Isa ngguririkki tana Galilea. Cia'mi pole lako tana Yudea, sanga ia to pekaamberan to-Yahudi jio nnangah bangmo lalan madoang la mbunoi.

Jamanna Rasulu' 10:38

Miissenmo kumua ia joo Puang Isa to-Nazaret mangkamo napilei Puang Allataala, naben tooi Roh Allataala sola kuasa. Miissen toomo kumua tuli malei mpugauk kameloan umbo-umbo nanii, na nnula'i setang lan mai kalena tonatamai, nasaba' Puang Allataala ssolanni.

Jamanna Rasulu' 18:4

Apa ianna Allo Katorroan omo, male omi Paulus sipangkada-kada to-Yahudi sola to-Yunani jio bola passambajangan, dikua namatappa' lako Puang Isa.

Jamanna Rasulu' 20:25

Mangkamo kamu' kusikitan sola ngasan kuajahhi kamu' ammimenjaji taun-Na Puang Allataala lan kaparentan-Na. La miissen kumua tampakkata'mo tee sikita.

Jamanna Rasulu' 28:31

Te'da namalaja' mpangpeissenanni umbo nakua menjaji taun-Na Puang Allataala lan kaparentan-Na, napangpeissenan tooi kumua Raja Mangpasalama' to Puang Isa. Masannang Paulus mangpangngajah, sanga te'da tau nnanggaii.

Roma 10:15

Na umbo la nakua tau mpangpeissenanni to Puang ke te'da nadisua mpangpeissenanni? Den diuki' lan Sura' Allataala kumua, “Liwa' melona karatuanna to tomale mpangpeissenan Kareba Kasalamatan jio mai Puang Allataala.”