Matius 4:12 - Alkitab Duri

¹² Ia tonna sa'dingmi Puang Isa kumua ditarungkumi to Nabi Yahya, malemi re' tana Galilea.

Matius 4:12 ပူးပေါင်းရင်းမြစ်များ

Matius 11:2

Ia tonna sa'dingmi Nabi Yahya lan pangtarungkuan to kareba apa to napugauk Puang Isa, nasuami to ba'tu pira-pira anak gurunna male lako Puang Isa mekutana kumua,

Matius 14:3

Iamo namangkada susi joo Raja Herodes, nasaba' ia to apa pura jaji tonna tee. Ia joo Raja Herodes sibalii Herodias bainena sile'tona to disanga Filipus. Apa napangngingaranni Nabi Yahya kumua, “Pemali ke sibaliki' Herodias to balinna sile'tota'.” Madoangngi la mpangpebunoanni, apa malaja'i lako tobuda, nasaba' nasanga ia tau nabi to Yahya. Iamo joo napangpejokkoan bangri nadipumpung dipatama pangtarungkuan.

Markus 1:14

Ia tonna ditarungkumo to Nabi Yahya, malemi Puang Isa re' tana Galilea, na jio nanii mpangpeissenanni to Kareba Kasalamatan jio mai Puang Allataala.

Markus 6:17

Iamo namangkada susi joo Raja Herodes, nasaba' ia to apa pura jaji tonna tee. Ia joo Raja Herodes sibalii Herodias bainena sile'tona to disanga Filipus. Apa napangngingaranni Nabi Yahya kumua, “Pemali ke sibaliki' Herodias to balinna sile'tota'.” Iamo joo namagalli Herodias anna madoang la mpangpebunoanni, apa malaja'i sanga tangnapangben Raja Herodes. Dipangpejokkoan bangri to Nabi Yahya nadipumpung dipatama pangtarungkuan. Nasuai Raja Herodes to tau njagai meloi to Nabi Yahya lan pangtarungkuan, sanga nakalaja'i. Naissen kumua maruruh penawanna Nabi Yahya nturu' pakkaeloran-Na Puang Allataala. Na nakabudai mpesa'dingngii ke mangngajahhii, apa siputtak lan to penawanna ke nasa'ding omi to pangngajahna.

Lukas 23:5

Apa ia tuu lako tau la'bih napattantui kumua, “Mpatuju sala tau la nnewa tomangparenta lan lili'na Yudea mellao jio mai Galilea, na ratu toomi ntee.”

Lukas 3:20

Iamo joo napangpetarungkuanni to Nabi Yahya. Susimi joo na rrangnganni pissen panggaukan gaja'na.

Lukas 4:14

Mangkai joo too, nakuasaimi Roh Allataala to Puang Isa napole re' tana Galilea. Kaissenanmi to karebanna lan lili'na tana Galilea.

Lukas 4:31

Mangkai joo too, malemi Puang Isa lako kota Kapernaum jio tana Galilea. Na ia tonna Allo Katorroan nnajahhi tau jio bola passambajangan.

Yahya 1:43

Masawanna mangngattami Puang Isa male lako tana Galilea. Sitammumi Filipus, nakuanni, “Maleko mai nturu'na'.”

Yahya 2:11

Jiomo kota Kana tana Galilea nanii Puang Isa mpugaukki joo tanda mejangngaran. Iamo joo tanda mejangngaran bungah napugauk, nanii mpangpekitan kamala'biran-Na, nakatappa'ii anak gurun-Na.

Yahya 4:43

Duang bongii torro Puang Isa jio tana Samaria, namane' mpatarruh kalingkan-Na re' tana Galilea.

Yahya 4:54

Iamo joo tanda mejangngaran mangpenduan napugauk Puang Isa jio tana Galilea, mangkanna pole jio mai tana Yudea.