Matius 3:6 - Alkitab Duri

⁶ na pada nnakui dosana, najio'i Nabi Yahya jiong Sa'dan Yordan.

Matius 3:6 ပူးပေါင်းရင်းမြစ်များ

Kada Bulawan 28:13

Ia to tombuni kasalanna te'da napusaroi, apa ia to tonnakui kasalanna napaja mpugaukki, la Nakamasei Puang Allataala.

Daniel 9:4

Mangngakuna' lako PUANG Allataala to kusompa, sanga ia to dosa kipugauk. Ia to passambajangku' susi tee, “Oo Puang Allataala to makuasa to kikalaja' kikasiri', tatta' Tapugauk to basse-Ta'. Tomamase-Ki' lako sininna tompakamoja'-Ki' na mpugauk parenta-Ta'.

Matius 3:11

Kujio' kamu' wai, nasaba' mengkatoba'mo kamu' jio mai dosami. Apa den tau la ratu ke mangkana' la njio' kamu' Roh Allataala na den too kamu' dijio' api pangcalla. La'bih makuasa Ia na aku'. Moi mbawa sapatun-Na te'da too kusipato'.

Markus 1:5

Buda tau ratu jio mai tana Yudea na kota Yerusalem mpesa'dingngi pangngajahna Nabi Yahya. Na pada nnakui dosana, najio'i Nabi Yahya jiong Sa'dan Yordan.

Lukas 1:16

Buda to-Israel la napapole lako Puang Allataala, Puangna.

Lukas 3:16

Apa napauanni Nabi Yahya kumua, “Kujio' kamu' wai, nasaba' mengkatoba'mo kamu' jio mai dosami. Apa den tau la ratu ke mangkana' la njio' kamu' Roh Allataala na den too kamu' dijio' api pangcalla. La'bih makuasa Ia na aku'. Moi la mbukai ulang sapatun-Na, te'da too kusipato'.

Jamanna Rasulu' 1:5

Ianna Nabi Yahya mangjio' wai, apa ianna kamu', ba'tu pirang-pirang allomora midijio' Roh Allataala.”

Jamanna Rasulu' 11:16

Kuingaran tooi kumua den nakua Puang Isa, ‘Ianna Nabi Yahya mangjio' wai, apa ianna kamu' la dijio' kamu' Roh Allataala.’

Jamanna Rasulu' 19:18

Buda tomatappa'mo lako Puang Isa ratu mangngaku jio olona tobuda, nnakui panggaukan salana to wattu pura diboko'.

Jamanna Rasulu' 22:16

Jaji danggi'mo mubata. Ke'dehmoko, mupangpejioran kalemu. Meta'da tulungko lako Puang anna dampanganko.’ ”

1 Korintus 10:2

Na ia joo apa mangka jaji dipapadai kadijioran. Jaji, ia to tojolota' susimi todijio' ngasanni lan saleu' na lan tasik namenjaji anak gurunna Nabi Musa.

Kolose 2:12

Nasaba' ia tommidijio', susi kamu' tomate, midilamun sola Almaseh ammidipatuo pole' too sola Almaseh, nasaba' matappa' kamu' lako kuasan-Na Puang Allataala to mangka mpatuo pole' Almaseh jio mai kamatean.

Ibrani 6:2

ba'tu bungah pangngajaran laen susinna to pangjioran, kapanglullungan pala', katuoan pole' jio mai kamatean, ba'tu pangsessa te'da cappa'na.

Ibrani 9:10

Sanga ia joo atoran passompan, susi una to atoran pemali to dikandena na diiso'na sola mangrupa-rupa atoran mangpemacero, te'da kasiumputanna sunga', apa napangben Puang Allataala dikua naturu'i taun-Na sanggenna dipaden to basse baru.

Yakub 5:16

Iamo joo pada la nnakui kamu' kasalanmi ammisipassambajangan midipamalagah. Liwa' makuasa to peta'da doangna to tonturu' pakkaeloran-Na Puang Allataala.

Yosua 7:19

Nakuamo Yosua lako Akhan, “Ee anakku', massapahko lako PUANG Allataala to nasompa to-Israel, mangngakuko jio olo-Na, mupauanna' to apa mangka mupugauk, danggi' naden mubuni.”

1 Petrus 3:21

Na ia joo kajajian dipasangrapangngi pangjioran to mipusalama' tee too. Ia joo pangjioran tangngia mesa' cara mbasei batang kale danggi' nacarepa, apa ia to pangjioran mesa' peta'da lako Puang Allataala na la'paran kamu' jio mai kasalan. Napasalama' kamu', sanga mangkami tuo pole' Puang Isa Almaseh jio mai kamatean.

1 Yahya 1:9

Apa ia ke taakuii to dosata' lako Puang Allataala to maruruh, la nadampanganki', na la napemaceroi tooki' jio mai sininna panggaukan tangmelota', susi to apa mangka napau.