Matius 3:2 - Alkitab Duri

² “La mengkatoba' kamu' jio mai dosami, nasaba' cingga'tu'mora naratu Puang Allataala mangparenta susi Raja.”

Matius 3:2 ပူးပေါင်းရင်းမြစ်များ

Daniel 2:44

Mangkamo takita to batu lan tindota', to kumua te'da ia tau rrumbui, na tilu'bak jao mai buntu, nabasai nasisarambuan joo patung to dikabua' jio mai bassi, tambaga, litak pitti', salaka na bulawan. Battuananna: ia tonna mangparenta unapa to raja, ia to Allataala jao suruga la mpaden kaparentan tatta' te'da anggena, na te'da lalo ia to bangsa la ntaloi. Kaparentan iamo joo la nnancuru'i joo appa' kaparentan. Napangpeissenanni Allataala Tomala'bih lako kita' to apa la dioloi lako. Ia joo tindo wa'ding dikatappa'i, na ia to battuananna kupau tongan.”

Matius 10:7

Pauanni kumua cingga'tu'mora naratu Puang Allataala mangparenta susi Raja.

Matius 11:20

Liwa' nacacca Puang Isa to tau lan ba'tu pira-pira kota mangka nanii mpugauk buda panggaukan mejangngaran. Nasaba' te'da namadoang mengkatoba' jio mai panggaukan gaja'na tuu lako tau.

Matius 12:41

Ia ke Kiama'mi lino, ia to to-Niniwe la dipatuo pole' sola to tau too allo, la mpasalai, nasaba' mengkatoba' ia to to-Niniwe tonna sa'dingmi to pangngajahna Nabi Yunus. Apa den tau lan tangnga-tangngami tee too to la'bih mala'bihpa na Nabi Yunus! Moi nasusi joo te'dapa mikatappa'ii to kadan-Na.

Matius 13:11

Nakuamo Puang Isa mebali, “Dibenmo kamu' barakka' la nnissenni to apa tangnaissen tau kumua la ratui Puang Allataala mangparenta susi Raja, apa ia to tau laen te'da nadipaissenni.

Matius 13:24

Mangcurita pole' omi Puang Isa lako tobuda mpake pangpasusian nakua, “Ianna mangparentamo Puang Allataala susi Raja, wa'ding dipasangrapang pangdusung nnamboh banne melo.

Matius 13:31

Mangcurita omi Puang Isa mpake pangpasusian lako tobuda nakua, “Ianna mangparentamo Puang Allataala susi Raja wa'ding dipasangrapang pangdusung ntanan sanglise' sawi jio bara'bahna.

Matius 13:33

Denpa pangpasusian laen nacurita Puang Isa lako tobuda nakua, “Ianna mangparentamo Puang Allataala susi Raja wa'ding dipasangrapang ragi, naala baine napasigerokki patang pulo litere' ta'pung, anna loboh.”

Matius 13:47

Mangcurita pole' omi Puang Isa lako tobuda mpake pangpasusian nakua, “Ianna mangparentamo Puang Allataala susi Raja, wa'ding dipasangrapang puka to ditanan jiong tasik, na nnala mangrupa-rupa bale.

Matius 13:52

Nakuamo Puang Isa, “Iamo joo la mipahang kumua ia to guru agama to-Yahudi to menjaji umma'-Namo Puang Allataala na ntarimamo pangngajaran-Na, susimo to ampu bola mpasun ngasan ewananna la jolona la barunna lan mai ngenanna, napangpekitanni.”

Matius 18:23

Nasaba' ianna mangparentamo Puang Allataala susi Raja, wa'ding dipasangrapang mesa' raja ssingah kaunanna, nasaba' napaindannii.

Matius 20:1

“Ianna mangparentamo Puang Allataala susi Raja, wa'ding dipasangrapang tomangbara'bah anggoro' melambik male nnangah tokumande gaji la mangjama jio bara'bahna.

Matius 22:2

“Ianna mangparentamo Puang Allataala susi Raja, dipasangrapang raja la mpabotting anakkana muane.

Matius 23:13

Nakua omo Puang Isa mpatarruh kadanna, “Macilaka kamu' to guru agama sola to-Farisi, nasaba' tomajekkong kamu'! Tangmieloran to tau menjaji umma'-Na Puang Allataala. Te'da mimadoang menjaji umma'-Na, na ia to tomadoang kannori mianggai. [

Matius 25:1

Mangkada omi Puang Isa nakua, “Ia ke ratu pole'na' tee Aku', Anak Mentolino, wa'ding dipasangrapang tee curita sangpulo ana'dara mbawa palita male la ntammui tobotting muane.

Matius 25:14

Nakuapa Puang Isa, “Ia ke ratu pole'na' tee Aku', Anak Mentolino, menjaji Puang la jaji susi lan tee pangpasusian. Den mesa' tau la male sompa'. Ia tonna te'dapa namale, ntambaimi kaunanna la napabarakkanni sininna ewananna.

Matius 4:17

Ia joo wattu napamulami Puang Isa mpangpeissenanni kumua, “La mengkatoba' kamu' jio mai dosami, nasaba' cingga'tu'mora naratu Puang Allataala mangparenta susi Raja.”

Matius 4:23

Male bangmi to Puang Isa mpasitarruh-tarruh kampong jio tana Galilea, namangngajahhi lan bola passambajangan, mpangpeissenan Kareba Kasalamatan kumua la ratumi Puang Allataala mangparenta susi Raja, na mpamalagah mangrupa-rupa sakinna tau.

Matius 5:10

Masannang to tau dipakario-rio, ke mpugaukki pakkaeloran-Na Puang Allataala, nasaba' ia to tau susi joo umma'-Na Puang Allataala.

Matius 5:3

“Masannang to tau nnissenan kalena kumua tangpakulle na lako manda Puang Allataala nanii sande', nasaba' ia to tau susi joo umma'-Na Puang Allataala.

Matius 6:10

anna tarima parenta-Ta'. Dennaa upa' najaji pakkaeloran-Ta' lan tee lino susi jao suruga.

Matius 6:33

La mipengkulle-kullei mpugaukki to pakkaeloran-Na Puang Allataala sola to apa nakabudai, na ia to laenna miparallui la naben too kamu'.

Markus 1:15

Nakua, “Cingga'tu'mora naratu Puang Allataala mangparenta susi Raja. Iamo joo mengkatoba' kamu' jio mai dosami, na la mikatappa'i to Kareba Kasalamatan.”

Markus 1:4

Jajimi susi to mangka nauki' Nabi Yesaya. Iamo joo nampangpekitan kalena Nabi Yahya jio tangnga padang pallawangan, mangjio'i napangpeissenanni to Kareba Kasalamatan. Namangngajahhi nakua, “La mengkatoba' kamu' jio mai dosami midijio', anna dampangan kamu' Puang Allataala.”

Markus 6:12

Mangkai joo too, malemi to sangpulo dua anak gurun-Na, mpangpeissenanni kumua parallu to sininna tau mengkatoba' jio mai dosana.

Lukas 1:16

Buda to-Israel la napapole lako Puang Allataala, Puangna.

Lukas 11:20

Apa ia ke mpakena' kuasan-Na Puang Allataala nnula'i setang, battuananna kumua ratumi Puang Allataala mangparenta susi Raja lan tangnga-tangngami.

Lukas 13:3

Te'da lalo ia! Apa la miingaranni, ia ke te'da mimengkatoba' jio mai dosami, pada la mate too kamu'.

Lukas 13:5

Te'da lalo ia! Apa la miingaranni, ia ke te'da mimengkatoba' jio mai dosami, pada la masolang too kamu'.”

Lukas 15:10

Katappa'i kumua, susi todamira joo to malaeka'-Na Puang Allataala mario ke denni mesa' tomadosa mengkatoba'!”

Lukas 15:7

Katappa'i kumua, susi toomi joo den kamarioan la'bih matonggo jao suruga, ke den mesa' tomadosa mengkatoba', na ia to kamarioan nasaba' kasera pulona kasera tomelo, to te'da naparallu mengkatoba'.”

Lukas 16:30

Nakuamo joo tosugih, ‘Ie', te'dapa kita' naganna' joo. Apa ia ke denni tomate pole mpauanni, manassa la mengkatoba'i.’

Lukas 21:31

Susi toomi ke mikita ngasanmi joo tanda, la miissen kumua cingga'tu'mora naratu Puang Allataala mangparenta susi Raja.

Lukas 24:47

Den too diuki' kumua la dipangpeissenan joo Kareba, mpake sangan-Na Almaseh, lako sininna bangsa lan lino anna mengkatoba' jio mai dosana, nadampanganni Puang Allataala. Na ia joo Kareba dipangpeissenan mangpamula jio mai kota Yerusalem.

Lukas 6:20

Nakitami Puang Isa to tomenturu' lako kale-Na namangkada nakua, “Masannang kamu' tokaasi-asi, nasaba' kamu'mo umma'-Na Puang Allataala.

Lukas 9:2

Nasuami sola ngasan male mpangpeissenanni kumua la ratumi Puang Allataala mangparenta susi Raja, nasua tooi male mpamalagah tomasaki.

Jamanna Rasulu' 11:18

Mangkanna nasa'ding joo, napahangmi. Mpakala'bihmira Puang Allataala nakua, “Ianna susi joo, moi pale' bangsa tangngia to-Yahudi natarima toomi Puang Allataala, ke mengkatoba'i jio mai dosana, anna benni katuoan melo te'da cappa'na.”

Jamanna Rasulu' 17:30

Te'damo napallan penawai to wattu katangpaissenanta', apa ia tee too nasua ngasan to tau lan lino mengkatoba' jio mai dosana.

Jamanna Rasulu' 2:38

Napebalii Petrus nakua, “Mengkatoba' kamu' jio mai dosami, ammipada mpangben kalemi dijio' mpau sangan-Na Puang Isa Almaseh anna dampangan kamu' Puang Allataala, naben too kamu' Roh Allataala.

Jamanna Rasulu' 20:21

Tuli kupangngingaran la lako to-Yahudi na lako bangsa laen anna mengkatoba' jio mai dosana, na mpangben kalena lako Puang Allataala, na matappa' lako Puangta' Puang Isa.

Jamanna Rasulu' 26:20

Iamo joo kupangpeissenan lako sininna tau kumua namengkatoba' jio mai dosana namenturu' lako Puang Allataala. Na la napapajan lan katuoanna kumua mengkatoba' tonganmo. Bungahna kupangpeissenan lako to-Yahudi jio kota Damsyik, na jao kota Yerusalem, na lan lili'na tana Yudea, namane' lako bangsa laen.

Jamanna Rasulu' 3:19

Ee todipusile'to! Iamo joo la mpenassanni kamu' dosami mimengkatoba', mimenturu' lako Puang Allataala anna dita'dei to dosami,

2 Korintus 7:10

Ia to kamassean, to naperasai tau situru' pakkaeloran-Na Puang Allataala, mpabalik penawa. Na ia ke balikmi to penawa, te'damo tau mpenassannii, nasaba' la nnampa' kasalamatan. Sibalikanna ia to kamassean, to naperasai tolino to tangnturu' Puang, te'da na mpabalik penawa, apa mpadenri kamatean.

Kolose 1:13

Ia toomo mangka lla'paranki' jio mai kuasanna Ballisi' napupenjajimiki' taun-Na lan kaparentan-Na Anak to nakamasei.

2 Timotius 2:25

na mpangkadai rampa' tobatta'. Dennaa upa' naben unapi wattu Puang Allataala to tau susi joo namengkatoba' jio mai dosana anna issenni to pangngajaran tongan.

Ibrani 6:1

Iamo joo melo ke mipamulai mpelajahhii to pangngajaran kasaranian to sipato' dipangngajaran lako to masaranianmo, danggi' na ia manda mipelajahhi to bungah pangngajaran. Danggi' omo na ia midadu'-dadu' bang to bungah pangngajaran to kumua la tatorroimi mpugaukki to apa te'da bua'na, na la matappa' lako Puang Allataala,

Pengkitanna Yahya 2:21

Kubenmo wattu Isebel la mpenassanni dosana namengkatoba', apa cia'i paja manggauk sala.

Pengkitanna Yahya 2:5

Iamo joo, ingaranmi to dosami, mimengkatoba', ammipugaukki to apa pura mipugauk jolona. Ia ke te'dai, ratuna' nnalai to tongkonan palitammi jio mai ngenanna.