Matius 3:17 - Alkitab Duri

¹⁷ Nadisa'ding to gamaran-Na Puang Allataala nakua, “Iamo tee to Anak kupakamoja' to mpamasannangna'.”

Matius 3:17 ပူးပေါင်းရင်းမြစ်များ

Matius 12:18

“Iamo tee to pesuro-Ku' kupilei. Iamo tee kupakamoja', to mpamasannangna'. La kuben kapakullean pole jio mai Roh-Ku' Napangpeissenanni to parenta-Ku' lako sininna bangsa.

Matius 17:5

Ia tonna mangkada unapa Petrus, ratumi to saleu' macorrang mbombonnii sola ngasan na den gamara nasa'ding lan mai nakua, “Iamo tee to Anak kupakamoja' to mpamasannangna'. Pesa'dingngii!”

Markus 1:11

Nadisa'ding to gamaran-Na Puang Allataala nakua, “Ikomo Anak-Ku' to kupakamoja', to mpamasannangna'.”

Markus 9:7

Ia joo wattu ratumi to saleu' mbombonnii sola ngasan, na den gamara nasa'ding lan mai saleu' nakua, “Iamo tee to Anak kupakamoja'. Pesa'dingngii.”

Lukas 3:22

namellao to Roh Allataala jao mai mangrupa jangan-jangan nta'paii. Namane' den gamaran-Na Puang Allataala disa'ding nakua, “Ikomo Anak-Ku' to kupakamoja', to mpamasannangna'.”

Lukas 9:35

Denmi gamara nasa'ding lan mai saleu' nakua, “Iamo tee to Anak kupilei. Pesa'dingngii!”

Yahya 5:20

Napakitan ngasanna' sininna to apa napugauk Ambe', sanga napakamoja'na'. Na la napakitan pole'pa' tanda mejangngaran to la'bih matonggo ammijangngah.

Yahya 5:37

Na denpa ia to la'bih matonggo, iamo to Ambe'-Ku' to ssuana', Iamo ntongananna'. Te'dapa misa'dingngi gamaran-Na, ba'tu ngkitai lindo-Na.

Efesus 1:6

Pakala'bihhi Puang Allataala, nasaba' pangpakamoja'-Na to te'da susinna. Manassa to pangpakamoja'-Na, nasaba' nabenmiki' Anak to napakamoja'.

Kolose 1:13

Ia toomo mangka lla'paranki' jio mai kuasanna Ballisi' napupenjajimiki' taun-Na lan kaparentan-Na Anak to nakamasei.

2 Petrus 1:17

Nasaba' ia tonna lan unapa lino Puang Isa, den pissen kisola jao buntu, angkikitai to kamala'biran-Na sola kamatongkoan-Na to nabenni Ambe' Puang Allataala. Ia joo wattu den gamaran-Na Tomakuasa kisa'ding kumua, “Iamo tee to Anak kupakamoja' to mpamasannangna'.”

1 Yahya 5:9

Takatappa'i to apa napau tau, apa la'bih dikatappa'i pole'pa to apa napau Puang Allataala. Iamo joo la takatappa'i to mangka napau Puang Allataala kumua mentolinomo to Anak Allataala.

Pengkitanna Yahya 14:2

Angkusa'ding gamara jao mai suruga susi oni wai mentalanda gaja buda sola susi oni galugu gumaluguh liwa' tonggo. Ia joo gamara kusa'ding susi too oni mossi' napannoni tomangcu'bikan.