Matius 3:12 - Alkitab Duri

¹² Ia joo tau wa'ding dipangpasusii mesa' tau to sitoe ta'pian la nta'pii pangtambakkana. Ia to resa' malapuh narempun melo lan pa'pak, apa ia to malangkona la nasumpun lan api to dukku tarruh.”

Matius 3:12 ပူးပေါင်းရင်းမြစ်များ

Amos 9:9

Mangkada-I Puang Allataala Nakua, “Ia to to-Israel to torro lan tangnga bangsa laen, la Kupupessarakki jio mai togaja' sipa'na susi pande batu mangtanda' kassi'. Na susi batu to torrona, susimi joo to togaja' sipa'na dipatorro leko' la disessa.

Matius 13:30

Ma'namo napada tuo jolo', sadipepareinna. Undipi kumane' mpangpesuanni lako tomepare narebu'i jolo' to pare-parena, naujunni nadisumpun. Narempun meloi to pare nadipatama pa'pak.’ ”

Matius 13:41

Aku' Anak Mentolino la ssua malaeka'-Ku' mpilei lan mai tangnga-tangngana umma'-Na Puang Allataala sininna to tompalao sala padanna rupa tau na tomanggauk gaja'.

Matius 13:42

La dipatama api naraka manglaka-laka nanii tau sikarrakan na sunggarigi'.

Matius 13:43

Na ia to tau mpugauk pakkaeloran-Na Puang Allataala la tiarrang susi allo gaja cora lan Lino Barun-Na Ambe' Puang Allataala. Iamo joo ingaran meloi to apa mangka misa'ding, nasaba' ketalinga kamu'!”

Lukas 3:16

Apa napauanni Nabi Yahya kumua, “Kujio' kamu' wai, nasaba' mengkatoba'mo kamu' jio mai dosami. Apa den tau la ratu ke mangkana' la njio' kamu' Roh Allataala na den too kamu' dijio' api pangcalla. La'bih makuasa Ia na aku'. Moi la mbukai ulang sapatun-Na, te'da too kusipato'.

Lukas 3:17

Ia joo tau wa'ding dipangpasusii mesa' tau to sitoe ta'pian la nta'pii pangtambakkana. Ia to resa' malapuh, narempun melo lan pa'pak, apa ia to malangkona la nasumpun lan api dukku tarruh.”

Yahya 15:2

Ia to tangke-Ku' to te'da namembua, nasembangngi Ambe'. Na ia to den buanna naalai pira' to daunna, nabajaii anna la'bih buda buanna.