Matius 3:10 - Alkitab Duri

¹⁰ Sadiamo Puang Allataala la ncalla kamu', susi to garonto' kaju dipasadian wase jiong garonto'na la dita'banganni. Sininna garonto' kaju to te'da namembua melo la dita'bangngi nadica'bean tama api.

Matius 3:10 ပူးပေါင်းရင်းမြစ်များ

Daniel 4:14

Napeandongngi gamaranna nakua, “Ta'bangngi joo barana' sola petangkei tooi. Rondo'i nasisamboran to daunna nasipolloran to buanna! Ake'mo namalai to olok-olok mentiongan jiong garonto'na joo barana' na simentiasan to manuk-manuk jio mai tangkena.

Matius 21:19

Ngkitami garonto' kaju ara jio randan lalan. Malemi lako, apa te'da bang buanna naampa', daunna mandari. Nakuanni joo garonto' kaju ara, “Mangpamula tee allo, te'damo mulamembua!” Ta'pa malajumi joo garonto' kaju ara.

Matius 7:19

Ia to kaju gaja' buanna, la dita'bangngi ngasan, nadisumpun.

Lukas 23:31

Nasaba' ia ke lako Aku', to sangrapang kaju tuopa, napugaukki susi tee, apa pole' opa ke lako kamu', to sangrapang kaju makasemo!”

Lukas 3:9

Sadiamo Puang Allataala la ncalla kamu', susi to garonto' kaju dipasadian wase jiong garonto'na la dita'banganni. Sininna garonto' kaju to te'da namembua melo la dita'bang nadica'bean tama api.”

Yahya 15:2

Ia to tangke-Ku' to te'da namembua, nasembangngi Ambe'. Na ia to den buanna naalai pira' to daunna, nabajaii anna la'bih buda buanna.

Yahya 15:6

Ia to tote'da namemmesa' sola Aku', la dica'bean lako salean, namerrangko susi rangko anggoro' to disembangngi. Ia joo rangko dirempun nadisumpun.

Ibrani 12:25

Danggi' mitangmpesa'dingngii joo tomangkada jao mai suruga, sanga ia to to-Israel tonna anu' to cia' mpesa'dingngii to kada pole jao mai Buntu Sinai, te'da nakullei la'pah jio mai pangsessa-Na Puang Allataala. Apa pole'raka tee kita' to ssa'dingngi joo tomangkada jao mai suruga ke cia'ki' mpesa'dingngii.

Ibrani 6:8

Apa ia to padang ke natuoii dea sola duri, te'da bua'na. La natampakki ropu Puang Allataala na undinna la disumpun.