Matius 28:3 - Alkitab Duri

³ Ia to rupanna joo malaeka' gaja corrang susi palepa', na ia to bajunna gaja buccang.

Matius 28:3 ပူးပေါင်းရင်းမြစ်များ

Daniel 7:9

Kupematai tarruhhi, naden to ba'tu pira-pira to cadokkoan mala'bih dipasadia. Namane' cumadokko to Puang tuo tarruh te'da anggena la rra'tah kara-kara. Ia to bajunna sola beluakkana mabuccang susi kapah. Na ia to cadokkoanna na rodana dukku-dukku susi api.

Matius 17:2

Ia tonna ratumo de', nakitami to Puang Isa balik rupan-Na. Ia to rupan-Na susi allo mangngarrang na ia to pakean-Na memmabuccang cumbia'-bia'.

Matius 28:4

Ia to surudadu ntuu jio mangjaga liang, silajatanni na mbe'beh anna sisongkan nasusi bangmira tomate dikita.

Markus 16:5

Ta'pa tarruhmi tama liang. Apa gaja sabakanni, sanga ngkitai tokallolo mangpakean baju malando mabuccang cumadokko jio sa'de kanan.

Markus 9:3

Ia to pakean-Na memmabuccang cumbia'-bia'. Moi mesa' tomassassa' lan tee lino te'da nakullei mpemabusai passassa'na susi joo.

Yahya 20:12

nakitai den dua malaeka' mangpakean mabusa cumadokko jio to mangka dinii mbujuh batang rabukku-Na Puang Isa. Mesa' jio ngenan ulun-Na na mesa' jio ngenan aje-Na.

Jamanna Rasulu' 1:10

Ia tonna da'tanpa mentingngara de' langi', tonna dipaendek Puang Isa de', tangdikalannai naden dua tau ke'deh jio sa'dena mangpakean mabuccang,

Pengkitanna Yahya 10:1

Ngkita omo' mesa' malaeka' laen mawatang mellao jao mai suruga naputu' saleu' mpake mahkota tarauwe. Na lindona mangngarrang susi allo, na ia to ajena mangngarrang too susi api.

Pengkitanna Yahya 18:1

Mangkai joo too ngkita omo' malaeka' laen mellao jao mai suruga. Nnampui kuasa matonggo, nnarrangngi sininna lino.