Matius 28:2 - Alkitab Duri

² Ta'pa nino tonggomi, nasaba' den mesa' malaeka'-Na Puang Allataala mellao jao mai suruga. Ratu llentennii joo batu petungu' liang, nacumadokko jao.

Matius 28:2 ပူးပေါင်းရင်းမြစ်များ

Matius 27:60

namane' mpatamai liang baru to nagaraga Yusuf jio buntu batu. Mangkai joo too nalentenni to batu tonggo natungusanni joo liang, namane' male.

Matius 27:66

Malemi nasolan joo surudadu, nasua ntungu'i meloi joo liang najagai tonganni.

Yahya 20:1

Ia tonna marimu-rimu unapa joo allo Aha', malemi Maryam Magdalena lako liang-Na Puang Isa. Nakitami to batu petungu' liang tigesu'mo jio mai ba'ba liang.

Jamanna Rasulu' 16:26

Tangdikalannai anna nino tonggo, na moi to pondasi pangtarungkuan tiroge too. Ta'pa titimbak ngasan to ba'ba na tibuka ngasan too to pepumpungna to toditarungku.

Jamanna Rasulu' 5:19

Apa ia tonna bonginna, den malaeka'-Na Puang ntimbakanni joo ba'ba pangtarungkuan, napasunni to rasulu'. Nakua joo malaeka' ngkuanni,

1 Timotius 3:16

Te'da mesa' tau tanglantongananni kumua liwa' ia mala'bihna to pangngajaran kasaranian, to tangkaissenanpa tonna anu', apa ia tee too napangpeissenanmo Puang Allataala. Susi tee joo pangngajaran kasaranian, “Mentolinomo Puang Isa Almaseh. Napabuttii Roh Allataala kumua Iamo napusannang Puang Allataala. Nakita sininna malaeka', napangpeissenanni tau lako sininna bangsa. Nakatappa'i tolino, naangka'i Puang Allataala tama suruga.”

1 Petrus 1:12

Napauanni Puang Allataala tuu lako nabi, kumua ia joo apa napau jolo te'da nadipatuju lako kalena apa lakora kamu'. Na ia joo apa napau jolo tonna anu' mangka misa'ding tee too, sanga den tau mpangpeissenanni lako kamu' mpake kuasan-Na Roh Allataala to pole jao mai suruga. Na moi malaeka' madoang too mpelalanni joo apa dipau jolo.

Pengkitanna Yahya 11:19

Anna titimbak to pelalan Bola Puang Allataala jao suruga, nadikita to Patti Kasibassean lan. Ta'pa cullepa'-lepa' to kila' na nnoni to galugu siloga-loga, nino liwa' tonggo na uran batu gaja rambak.