Matius 27:51 - Alkitab Duri

⁵¹ Ia joo wattu, ia to kaen pesapa' lan Bola Puang Allataala ca'cei tipangdua jao mai ratu do', nino to padang, natipiak to buntu batu,

Matius 27:51 ပူးပေါင်းရင်းမြစ်များ

Matius 27:54

Ia to komandan surudadu sola solana to nnampai Puang Isa, silajatan tonganni tonna sa'dingngi to nino sola nakitai to apa jaji, namangkada nakua, “Tonganna, Ia tee tau Anak Allataala.”

Matius 28:2

Ta'pa nino tonggomi, nasaba' den mesa' malaeka'-Na Puang Allataala mellao jao mai suruga. Ratu llentennii joo batu petungu' liang, nacumadokko jao.

Markus 15:38

Ia joo wattu ia to kaen pesapa' lan Bola Puang Allataala, ca'cei tipangdua jao mai ratu do'.

Lukas 23:45

Ca'ce tipangduami to kaen pesapa' lan Bola Puang Allataala.

Lukas 23:47

Ia tonna kitami komandan surudadu apa joo mangka jaji, mpakala'bihmi Puang Allataala, anna mangkada nakua, “Tonganna, te'da Ia nakasalan!”

Ibrani 6:19

Ia joo rannunta' susi jangkar titanan mandalan antasamatappa'-tappa'na. Ia joo rannunta' ntarruh kaen pesapa' Ngenan Kaminang Macero jio Bola Puang Allataala jao suruga antamangngolo lako Puang Allataala.

Ibrani 9:3

Ia to lanna liu, to napasisarak kaen pesapa', disanga Ngenan Kaminang Macero.

Pengkitanna Yahya 11:13

Ia joo wattu ta'pa ninoi liwa' tonggo, na sangtawa sangpulona joo kota ro'pok na pitung sa'bu tau mate. Gaja laja'i to totuopa anna pakala'bih kuasan-Na Puang Allataala jao suruga.

Pengkitanna Yahya 11:19

Anna titimbak to pelalan Bola Puang Allataala jao suruga, nadikita to Patti Kasibassean lan. Ta'pa cullepa'-lepa' to kila' na nnoni to galugu siloga-loga, nino liwa' tonggo na uran batu gaja rambak.